05/05/2026
Zinca traidora, Zinca traidora que as piedras amuestras
y os ombres afogas.
Por o barranco de Biembro
puya Felipón d'a Flor
con a estral bien esmolada
d'o ferrero Lorenzón.
Se sentiban as estrals
trucando en a madera
y cayeban firmes trallos
rodando por a ladera.
Denzima de dos conchez
se ban adobando os trallos,
se fan mortesas y estachas
y o ligallo pía os trampos.
Ya ye clabau o ropero,
ya ye colgau o salau
y os boticos plens d’esprito
que augua ya en tenemos prou.
Zinca traidora, Zinca traidora
que as piedras amuestras
y os ombres afogas.
Zinca traidora,Zinca traidora
que as piedras amuestras
y os ombres afogas.
En a escorra Plantapera
una galta ye amorrada:
sesentén abozinau
u entena que ye prou larga.
Y o puntero de debán
escazila ta os d'atrás,
pero espeta o coderón:
«a yo rai, dixa-me estar».
Ta salir d'o contornillo
cal ubrir os lapazons,
abuchar dende a nabata
y mullar-se os calzons.
S’ha perdiu algo de broza
pero encara en queda bin,
tornarén a nabatiar
que o río ye o camín.
Zinca traidora, Zinca traidora
que as piedras amuestras
y os ombres afogas.
Zinca traidora,Zinca traidora
que as piedras amuestras
y os ombres afogas.
En llegando a l'Entremón
¡enzierta bien, Pallaruelo,
ta pasar o foricón
sin rader-nos o tozuelo!
Poqué a poqué, alacando,
s'arrima a nabata a o canto
y apañando a peirada
a luz ya se ba amortando.
Os pantanos nos afogan,
ya no baixan os dobleros,
pero Zinca serás siempre
o gran río nabatero.
Ya no trucan as estrals,
sólo se siente o silenzio,
pero Zinca serás siempre
o gran río nabatero.
Zinca traidora, Zinca traidora,
que as piedras amuestras
y os ombres afogas.
Zinca traidora, Zinca traidora
que as piedras amuestras
y os ombres afogas.
Zinca traidora,Zinca traidora
que as piedras amuestras
y os ombres afogas.
---------------------------------
ZINCA TRAIDORA
Disco: "Me'n baxé ta tierra plana", ed. Kikos 1994)
La orquestina del fabirol
Mosica: Fco. Javier Ferrández y Roberto Serrano
Letra: José Antonio Murillo y Roberto Serrano
👇
https://youtu.be/_YOUgQAhvl8?is=OMRbn5yhpFZePRe8
Consello d'a fabla Aragonesa Diploma de Especialización en Filología Aragonesa
