04/10/2025
Un día moi triste para o mundo Peñístico Galego. Hoxe fóisenos un dos nosos, hoxe faleceu Manuel Vázquez, durante anos presidente da Peña Barcelonista de Tui, na que durante o seu mandato organizou a Xuntanza das Peñas Barcelonistas Galegas do ano 2009 con rotundo éxito. Actualmente directivo da Peña Barcelonista do Porriño sendo un pilar fundamental da súa recuperación e funcionamento.
Eu que tiven sorte de poder compartir tantas xuntanzas, viaxes, partidos e conversas con el e coma min todos os que o coñecemos sabemos a dimensión desta irreparable perda.
Pero sobre todo hoxe foise un gran AMIGO. Neste mundo peñístico coñecese a moita xente, pero cóntanse cos dedos dunha man a xente coma Manuel, honrado, leal, sempre disposto a axudar desinteresadamente. Cando perdemos un ser tan querido levase con el un cachiño do noso corazón por iso nos imos debilitando co paso dos anos.
O martes puidemos despedirnos, “cando cheguei a túa habitación durmías, así botei mirándote case media hora ata que desapértache, os dous sabiamos que era a nosa derradeira conversa, gárdome para min o seu contido, breve pero moi profundo”. Como vou botar de menos as nosas chamadas que as veces duraban mais dunha hora, como te vou estrañar.
Como a ti che gustaba dicir “SENTIMONOS”.
Unha aperta moi forte para Meri e Marcos, e para todos os seus familiares, achegados e amigos nestes momentos tan duros.
Sempre vivira no noso recordo. D.E.P.
Esta foi a nosa última foto o pasado mes de xuño deste 2025.
Salvador Cerviño
Presidente da Federación de Peñas Barcelonistas Galegas.
