13/08/2024
A Asociación O Camiño dos Faros estréase como “editor” financiando íntegramente o libro "Atlas Sensorial dunha Costa da Morte” co ánimo de seguir poñendo en valor o noso territorio e as súas xentes a través do seu patrimonio cultural.
Este libro é unha viaxe emocional e comprometida por un territorio único, que os propios autores describen coma “un territorio emocional abeirado a un mar de salitre, suor e bágoas. Cunha orografía agreste, onde a terra adentra no océano. Uns areais nos que as mareas debuxan isóbaras e uns cantís que son un seguro de vida ou un fatal destino”.
A través das máis de 200 páxinas o lector atopará non só a beleza e misticismo do territorio que vai dende Caión ata Carnota e as súas paisaxes espectaculares, senón tamén unha visión sinceira da súa paisanaxe e da súa historia senlleira.
A autoría correspóndelle a Héctor Pose (escritor e profesor universitario de Malpica) e Txema García Paredes (xornalista do País Vasco), e conta coa colaboración de persoas coma o fotógrafo Xulio Barreiro, Manuel Pérez Rúa, Mario Fernández Filloy, Ana Ruiz, Mari Lista e Sol Mariño entre outros e supón “un convite a andar sen présa, a enrolarse nesta travesía dos sentidos”. Esta primeira edición está en galego, con traducción ao castelán.
Quedades convidados á presentación do libro esta semana:
-Parador Costa da Morte (Muxía): venres 16 de agosto, ás 20.00 h
-Casino de Carballo: sábado 17 de agosto, ás 20.00h
Contaremos coa presencia dos autores, que asinará exemplares aos interesados (poderá mercarse na propia presentación).
Tamén podedes atopar o libro na librería Clarión en Carballo, librería Miguens en Malpica, e noutros espazos nos que habitualmente distribuen produtos da asociación: Hotel Playa de Laxe, Hotel Playa de Camariñas e Km0 Fisterra. Na Coruña é posible facerse cun exemplar na librería Formatos.
O Camiño dos Faros es una ruta de senderismo de 200 kilómetros que une Malpica con Finisterre.
