يوميات أسرة

يوميات أسرة صفحة اسرية تهتم بشأن الوطن و المواطن
توعوية ثقافية منوعة
يوميات مواطن بسيط

18/08/2026

الضي هارب من الصبح و رطوبة والحكاية فلس و تتصفح الفيس تطلع لك منشورات صفحة لحماية حقوق الحيوان في ليبيا ومنشورات ضد قتل الكلاب الضالة وصور تبنى قطط وكلاب ومش عارف
بلاد فيها حقوق حيوان أكثر من حقوق الإنسان

17/08/2026

الوضع يبي يوم من ايام قرة العنز و الليالي البيض و الليالي السود و الصوالح و الطوالح و الموالح

16/08/2026

يا ودي كان هذا كله عشان تحولو المشاي حولوه و ريحونا
بلاك اوت للمرة العشرطاش

16/08/2026

للاسف الجامعات الخاصة اصبحت لها مميزات مثل الجامعات العامة على سبيل المثال مؤهل ليسانس في القانون واحد خريج افريقيا ولا الحاضرة يقدر يخش للمحاماة او محرر عقود ويكمل حتي ماستر ومش هكي وبس اصبح بامكانهم دخول معهد القضاء و يكونوا وكلاء نيابة و قضاة
هزلت و رب الكعبة تووا زي تمرميد جامعة طرابلس يتقارن بالحاضرة؟ ولا افريقيا؟ دولة ماشية للخراب للاسف

16/08/2026

لك أن تتخيل إن في كل هذا البؤس والظلام والضي اللي ما يقعدش بكل يكون عندك امتحانات أو في مرحلة كتابة رسالة الماجستير أو الدكتوراة
البلاد اهيا خوذ فيها الثانوية وتلاقي روحك سفير في وحدة من الدول ولا في الرقابة ولا عضو مجلس نواب
المهم المنشور تعبيرا عن حالة البؤس انه فاتح اللاب توب ومكسد على الرسالة و الضي هارب وشكرن بالنون

16/08/2026

إن شاء الله غير حتى حكة الفول المصري ما تتطلعش فيها بلوى ولا مصيبة لأن لما الواحد مفلس وجعان يضطر يشريها يسكت بها جوعه

16/08/2026

مع احترامي للاشقاء في مصر
اي حاجة صنعت في مصر فوتها بسرعة 200
ضبط شاي العروسة مغشوش بالتبن و الصبغة و الخشب وغيره من المصنعات مع العلم شاي العروسة متداول في ليبيا ولكن اغلب اللي يشرو فيه اجانب

16/08/2026

أكثر شيء مستفز بعد هروب الضي هي فيديوهات اللي تطلع في الرليز لمحلات خزنات الفلوس ويقولك لو عندك 7 مليون خود الخزنة اهيا ولو عندك اربعة مليون خود الخزنة اهيا و للناس البسيطة اللي عندها 3 مليون تاخذ الخزنة اهيا، يحسسك ان 3 مليون كأنهم الف دينار؟!
صباح الخير ايها الاغنياء الفقراء

15/08/2026

رجوع الكهرباء لبعض مناطق طرابلس

15/08/2026

اجزاء من طرابلس والمنطقة الغربية ( بلاك اوت)

Dirección

Madrid

Teléfono

+218910000000

Página web

Notificaciones

Sé el primero en enterarse y déjanos enviarle un correo electrónico cuando يوميات أسرة publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

Compartir