A Hedreira

Casa
España
Lugo
A Hedreira

📍 Centro social autoxestionado en Lugo. Rúa Catasol, 17 baixo.
🕖 Aberto sempre: xoves e venres de 19:00 - 21:00 Que facemos? Como funcionamos?

A Hedreira é un centro social autoxestionado na cidade de Lugo. Nace do desexo de construírmos un espazo de confluencia social e da necesidade de ter un lugar de encontro, xa que consideramos que é mais doado materializar as ideas cando compartimos o espazo. Móvenos a solidariedade, o apoio mutuo, a xustiza social, a creación colectiva e a defensa do territorio. Buscamos un espazo autoxestionado o

nde a comunidade e a cooperación substitúan a visión atomista, heteropatriarcal, de competitividade e de progreso egoísta. Exploramos vías diversas de organización social, creando vínculos comunitarios e fins colectivos, promovendo o pensamento crítico, compartindo espazos, recursos, ferramentas ou saberes e xerando alternativas a un modelo de sociedade profundamente desigual que mantén a tantos millóns de persoas na pobreza e a dependencia. Reivindicamos tamén a posibilidade de acceder a unha cultura alternativa que non reduza a nosa vida social a unha versión estritamente mercantil, que nos obriga a vivir como meros poboadores dun espazo público limitado ao consumo e á circulación, facéndonos esquecer aquelas posibilidades que xorden cando se habita comunalmente. Buscamos a auto-organización como forma de relacionarnos, apartándonos das dinámicas que nos converten a todas en “usuarias ou clientes”. Por todo isto somos A Hedreira e como as hedras medramos, apoiándonos unhas nas outras, subimos muros e entretecémonos creando comunidade. Veciñas con miradas diversas pero conectadas, con ganas de sentarnos xuntas, recuperar debates, expresar inquietudes e crear tecido social dun xeito horizontal e aberto. Organizamos charlas e xornadas e temos actividades fixas como obradoiros de costura, teatro e danza en movemento, pole dance, capoeira, k-pop, cineforum, hai aulas de galego para inmigrantes, etc. Dispoñemos de biblioteca e somos un lugar de encontro e intercambio, entre outros do colectivo do Banco do Tempo de Lugo e Radio Fenda. Somos tamén un espazo para un lecer diferente. Como centro social autoxestionado funcionamos a través das asembleas, o consenso, a horizontalidade, libre de xerarquías e de subvencións. Todo isto constrúese mediante a implicación e o compromiso das diferentes persoas que habitamos o espazo, onde nos atopamos diversas personalidades e ideoloxías, desde abaixo e á esquerda, buscando construír colectivamente. É grazas as cotas dxs compañeirxs que podemos manter o local. Non funcionamos como unha asociación ao uso: todas contamos por igual e todas podemos gozar do centro social en base aos principios que imos acordando xuntas e o compromiso co espazo. Local social, cultural e político, pero apartidista (sen vinculación a ningún partido político). Aquelas actividades que se queiran levar a cabo na Hedreira pasan por asemblea para que entre todas debatamos a proposta. A data da asemblea anúnciase cada mes.

04/06/2026

Primeiro venres de cada mes: en movemento
Ven descubrir este obradoiro con nós 🐒🕺

02/06/2026

Actividades xuño 2026

24/05/2026

Desde A Hedreira comunicámosche a nosa intención de iniciar un "Taller de inglés" se se reúnen as persoas suficientes. O taller será dun nivel inicial e medio, de xeito que calquera persoa interesada poida participar, e estará enfocado principalmente a desenvolver as capacidades de expresión oral. As sesións serán semanais (ou luns ou martes dacordo cos intereses da maioría de participantes). Se é do teu interese pregámosche nolo comuniques o antes posible a través do noso email.

Obradoiro de balde.

22/05/2026

Francia 1972. Quero facer unha película. Para iso fan falta cartos. Se hai estrelas pode que gañemos cartos. E que lles diremos a Montand e a Fonda? Porque os actores necesitan unha historia. Unha historia de amor polo xeral. E estarán nun país, nun districto, nunha cidade. Pero é moi vago, ten que haber máis xente. Ten que haber unha clase traballadora. Ten que haber unha clase campesiña. E a pequena e a grande burguesía. Os campesiños que cultivan. Os traballadores que traballan. E os burgueses que son burgueses. Pero a historia necesita un conflicto. Todo está cambiando dentro de cada clase. E todo está cambiando na parella protagonista.

19/05/2026

🇨🇴 Domingo 24 de maio ás 19:00: O obxectivo desta xuntanza é chamar á participación de xente para a formación dunha asociación cultural colombiana, a xestión dos estatutos e comezar a organizar a celebración da independencia de colombia, que é o 20 de xullo.

🎶Búscanse propostas culturais folclóricas e gastronómicas das distintas culturas do país

14/05/2026

11/05/2026

PROXECCIÓN + COLOQUIO DECRECENTISTA

🗓 12 de maio
🕗 20:00
📍A Hedreira (R/ Catasol, 17)

🎥 Este martes 12 de maio proxectamos a curtametraxe de ficción Calorcito Vital. Contaremos coa presenza do seu director, o cineasta e ecoloxista Javi Sánchez-Blanco, acabado de chegar de Madrid. Ao remate da proxección guiará un coloquio que promete non deixar a ninguén indiferente arredor do decrecentismo.

🎬 Sinopse: “Durante unha implacable tormenta de neve, tres mulleres refúxianse nunha vella cabana. Unha delas ten un plano para mellorar a súa situación, pero o que comeza como un alivio temporal converterase nunha perigosa obsesión”.

06/05/2026

Xa está aquí o cartaz para maio 🍀🌊💚 vémonos en Catasol 17

22/04/2026

❗️❗️❗️❗️❗️❗️❗️❗️(GAL)
Sábado 25 de abril ás 11:00
A Hedreira

Charla informativa sobre a regularización extraordinaria

Sesión gratuíta de asesoramento sobre requisitos e tramitación da solicitude

Gerardo Pardo de Vera

Avogado especializado en Dereito Penal e Estranxeiría e asesor xurídico nas ONGs Aliad-Ultreia e Rescate Internacional

❗️❗️❗️❗️❗️ (ES)
Sábado 25 de abril a las 11:00
A Hedreira (R/ Catasol, 17)

Charla informativa sobre la regularización extraordinaria

Sesión gratuita de asesoría sobre requisitos y tramitación de la solicitud

Gerardo Pardo de Vera

Abogado especializado en Derecho Penal y Extranjería y asesor jurídico en las ONGs Aliad-Ultreia y Rescate Internacional

Dirección

Rua Catasol, 17
Lugo
27002

Página web

http://ahedreira.org/, http://ahedreira.org/obradoiros, http://ahedreira.org/asociate

Notificaciones

Sé el primero en enterarse y déjanos enviarle un correo electrónico cuando A Hedreira publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Organización

Enviar un mensaje a A Hedreira:

Atajos

¿Quieres que tu organización sea el Organización Sin Fines De Lucro mas cotizado en Lugo?