25/09/2026
Hai persoas e empresas que colaboran con Carabelo e que forman parte do noso camiño.
Hoxe queremos facer un agradecemento moi especial á xestoría PLANING e, especialmente, ao seu departamento laboral, que leva colaborando con Carabelo desde que comezamos no ano 2013.
Este verán vivimos unha situación especialmente complicada, cunha documentación que nos levou máis dun mes conseguir solucionar. Foi un proceso longo, con moitas dúbidas e momentos de preocupación, pero tivemos a sorte de contar con Carlos , que se encargou de levar todo o proceso, acompañándonos en cada paso, buscando solucións e estando sempre dispoñible para axudarnos a sacar o tema adiante.
Grazas, Carlos , por túa paciencia, pola túa implicación e por non deixar de buscar unha solución ata conseguir resolvelo. E grazas tamén a todo o equipo da xestoría por estar sempre detrás de Carabelo e ofrecernos o voso apoio de maneira totalmente desinteresada.
Para unha asociación como a nosa, contar con profesionais que poñen o seu tempo, os seus coñecementos e a súa experiencia ao noso servizo de maneira altruísta é un regalo enorme.
Grazas por formar parte de Carabelo e por axudarnos a seguir adiante.
Porque detrás de cada asociación tamén hai persoas que, sen facer ruído, fan posible que todo funcione.
