¿Cuál es el horario de apertura?

Lunes 09:00 - 15:00 Martes 09:00 - 15:00 Miércoles 09:00 - 15:00 Jueves 09:00 - 15:00 Viernes 09:00 - 15:00

Asoc. de Profesionais dos CIM - Asocim

Inicio
España
A Estrada, Galicia
Asoc. de Profesionais dos CIM - Asocim

Cómo llegar Página web Contactar con la organización

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Asoc. de Profesionais dos CIM - Asocim, Organización sin ánimo de lucro, A Estrada.

Asociación de distintos perfís profesionais que traballan nos Centros de Información as mulleres da Comunidade Autónoma de Galicia: traballadoras sociais, psicólogas, asesoras xurídicas...

11/10/2026

📢 Os CIM soñosten dereitos, pero quen sostén os CIM?

No CIM (Centro de Información á Muller), a nosa misión é clara: escoitar, informar, orientar e acompañar ás mulleres que o precisan. Somos un piar fundamental para a igualdade real e o primeiro recurso para moitas mulleres que enfrontan situacións difíciles, incluída a violencia de xénero.💜

A imaxe móstranos un momento de consulta, onde as preguntas son o punto de partida. Pero agora, somos nós, as profesionais, as que lanzamos a pregunta máis urxente 💬 Os CIM soñosten dereitos, pero quen sostén os CIM?

En ASOCIM esiximos que o traballo crucial que facemos teña o apoio que merece:
👉 Financiamento estable e axeitado. Necesitamos recursos para seguir ofrecendo servizos de calidade sen precariedade.
👉 Recursos humanos suficientes. As nosas mulleres non poden esperar.
👉 Un compromiso político real que poña o apoio a estes centros como prioridade.

A igualdade e os dereitos das mulleres non poden depender de orzamentos variables ou de boa vontade sen recursos. Soster aos CIM é soster o futuro de todas. Axúdanos a facer xustiza dunha vez por todas e asegurarnos de que esta mensaxe chega a quen ten que chegar, compartindo o post!✊

01/10/2026

Non era o perfil tipificado dunha víctima de violencia de xénero.
E aínda así, fun unha máis. Porque a violencia contra as mulleres non entende de nivel educativo, situación económica, profesión, idade ou lugar de residencia. Non existe un perfil único de muller vítima. E tampouco existe unha situación económica ou social que faga que unha muller sexa inmune á violencia.

Por iso é tan importante deixar atrás os estereotipos.
❌ «A ela non lle pode pasar.»
❌ «Se tivera recursos, marcharía.»
❌ «Con esa formación, como non se deu conta?»
❌ «Se tiña independencia económica, por que quedou?»

A violencia de xénero é unha realidade estrutural e transversal.

E para combatela precisamos información, prevención, recursos, acompañamento e unha sociedade capaz de detectar, comprender e non xulgar. Non preguntes que lle faltaba a ela. Preguntémonos que estamos facendo como sociedade para que poida vivir sen violencia.

30/09/2026

O feminismo non vai de estar contra os homes. Vai de igualdade 💜

Ás veces, arredor do feminismo circulan ideas e prexuízos que confunden o seu significado.

O feminismo defende a igualdade real de dereitos, oportunidades e participación, denuncia as desigualdades e violencias estruturais e reivindica que as mulleres poidamos decidir libremente sobre as nosas vidas, os nosos corpos e o noso futuro.

E tamén é importante lembralo: non existe unha única maneira de ser feminista. Dentro do movemento conviven diferentes perspectivas, experiencias e correntes de pensamento.

Porque falar de feminismo tamén é falar de dereitos, liberdade, diversidade e igualdade.

💜 Que idea cres que é máis necesario desmontar? Contádeo nos comentarios e compartide esta publicación para seguir facendo pedagoxía feminista.

27/09/2026

“Bos días, equipo. Hoxe tamén quedamos ata as 19:30?”
Unha mensaxe ficticia. Unha situación demasiado real.

Porque cando un servizo esencial non ten recursos suficientes, as horas que faltan non desaparecen. Fanas as traballadoras.

📌 En Galicia hai 84 CIM que dan cobertura a 193 concellos.
📌 A rede atende máis de 17.000 persoas cada ano.
📌 Só en 2024 os CIM rexistraron 66.511 consultas, destacando especialmente o asesoramento xurídico e a atención psicolóxica.

E detrás de cada número hai unha muller que necesita ser escoitada, acompañada, informada ou protexida.

Pero tamén hai profesionais que:
➡️ alongan xornadas.
➡️ acumulan tarefas.
➡️ cobren ausencias.
➡️ levan traballo pendente para casa.
➡️ responden cando xa rematou a súa xornada.
➡️ intentan chegar a todo cando non hai persoal suficiente para chegar a todo.

A propia realidade dos CIM foi sinalada no Parlamento galego en relación coa sobrecarga de traballo, a insuficiencia de persoal e a existencia de contratacións que non sempre son a tempo completo.

E aquí está o problema: un servizo público esencial non pode sosterse sobre o sobreesforzo permanente das súas traballadoras.

💜 Non queremos traballar máis para que o sistema funcione.
Queremos que o sistema funcione porque está suficientemente dotado.

Porque coidar a quen coida tamén é defender a igualdade.

18/09/2026

📢 «Que nos CIM non sexas ti quen teña que esperar…»

Porque cando unha muller chega a un Centro de Información á Muller, non debería atoparse cun servizo sostido á espera de máis recursos.

Os CIM son un recurso de referencia nos concellos galegos para a promoción da igualdade e, especialmente, para a prevención e atención ás mulleres vítimas de violencia de xénero. Actualmente existen 84 CIM acreditados en Galicia, que dan cobertura a 193 concellos e atenden a máis de 17.000 persoas cada ano (Igualdade-Xunta de Galicia)

E detrás de cada atención hai profesionais que acompañan, informan, asesoran, coordinan, elaboran informes e sosteñen situacións que, moitas veces, son tremendamente complexas.

E os datos lembran por que este traballo é imprescindible:

📊 En 2025 rexistráronse en España 33.373 mulleres vítimas de violencia de xénero en asuntos nos que se ditaron medidas cautelares ou ordes de protección (INE)

📞 Só entre xaneiro e xuño de 2025, o 016 recibiu 59.317 consultas, unha media de 329 atencións ao día (Ministerio de Igualdade)

E os CIM forman parte desa rede de proximidade que permite que os dereitos non queden escritos nun papel, senón que cheguen ás mulleres.

Que precisamos? Máis recursos. Máis estabilidade. Máis persoal. E condicións dignas para quen sostén os dereitos das demais.

Porque para garantir unha atención de calidade ás mulleres, tamén hai que coidar a quen as atende. 💜

03/09/2026

Detrás de cada porta do CIM hai unha muller que precisa axuda. E detrás de cada mesa, unha profesional ao bordo do esgotamento.

Non escribimos isto dende a rabia, senón dende a dor e a responsabilidade. Cada día abrimos a porta con toda a empatía do mundo, dispostas a escoitar, acompañar e protexer. Pero a realidade atápanos: xornadas parciais insuficientes, falta de recursos materiais, sobrecarga administrativa e unha precarización que xa non podemos ocultar.

Cando os recursos son escasos, o servizo resíntese. Non queremos ter que facer encaixes de bolillos para atender un caso urxente, nin ver como as listas de espera medran mentres a dor das nosas usuarias non pode agardar.
Coidar a quen coida non é un luxo, é unha necesidade básica. Se os CIMs son a primeira liña de defensa e apoio para tantas mulleres, precisamos condicións dignas para sosteñolas como merecen.

Pedimos recursos reais, estabilidade e o recoñecemento que un servizo esencial require. Por elas, por nós, por todas.
💜 Asociación de Profesionais dos CIMs de Galicia
👉 Desliza para ler a carta completa e compártelo para facer escoitar a nosa voz.

29/08/2026

Durante séculos contáronnos unha historia na que as mulleres aparecían silenciosas, obedientes, recollidas, rezando, coidando e esperando.

Pero esa non é toda a historia 🤭 ou non é toda a historia… somos ambas!

Porque mentres uns escribían os libros, as mulleres traballaban, loitaban, resistían, organizábanse, coidábanse entre elas e abrían camiños para as que viñan detrás. A historia das mulleres tamén é a historia daquelas que reclamaron educación, salario, dereitos, liberdade e unha vida propia.

É a historia das que non calaron.
Das que se rebelaron.
Das que se apoiaron unhas ás outras.
Das que cambiaron as leis e as que, sen saír nos libros, sostiveron comunidades enteiras.

Non queremos contar outra historia. Queremos recuperar a que sempre estivo aí.

Porque coñecer a historia real das mulleres tamén é unha forma de transformar o presente. ✊🏼💜

27/08/2026

Nun contexto de violencia de xénero, un protocolo é moito máis ca unha simple lista de pasos. É unha ferramenta para garantir que unha muller reciba unha resposta adecuada, coordinada e segura cando se detecta ou comunica unha situación de violencia.

Por exemplo, un protocolo pode establecer:

* 🚨 Como detectar ou identificar posibles sinais de violencia.
* 🗣️ Como debe ser a primeira atención á muller, evitando culpabilizala ou revitimizala.
* 🛡️ Como valorar o risco e que medidas adoptar para garantir a súa seguridade.
* 🏥⚖️👮‍♀️ A que recursos derivar: servizos sociais, sanitarios, policiais, xudiciais, psicolóxicos…
* 🤝 Como deben coordinarse os diferentes servizos para que a muller non teña que contar a súa historia unha e outra vez.
* 📋 Que información debe quedar rexistrada e como debe protexerse a súa confidencialidade.
* 👩‍💼 Que debe facer cada profesional, evitando que unha situación dependa exclusivamente de que a persoa que a atende saiba ou non como proceder.

E aquí está o importante para o discurso de ASOCIM:

Un protocolo pode dicir como debe actuar un servizo, pero son as persoas profesionais as que o fan realidade.

Por iso, ter un protocolo non substitúe a necesidade de profesionais suficientes, especializados e con condicións laborais dignas.

Un protocolo sen recursos pode quedar nun papel. Un bo protocolo + profesionais formadas/os + recursos suficientes = unha resposta real ás mulleres que precisan axuda.

26/08/2026

📞 62.302 chamadas ao 016 entre xaneiro e xuño de 2026 (INE)

Son 62.302 veces que unha muller, ou alguén da súa contorna, buscou información, asesoramento ou axuda ante unha situación de violencia de xénero.

Detrás de cada chamada hai unha realidade. E para atender esas realidades fan falta recursos, profesionais e servizos especializados.

Porque loitar contra a violencia de xénero tamén é garantir que, cando unha muller pide axuda, haxa alguén preparado para atendela.

#016

Dirección

La Estrada

Horario de apertura

Lunes	09:00 - 15:00
Martes	09:00 - 15:00
Miércoles	09:00 - 15:00
Jueves	09:00 - 15:00
Viernes	09:00 - 15:00

Página web

https://issuu.com/asocim

Notificaciones

Sea el primero en enterarse: le enviaremos un correo electrónico cuando Asoc. de Profesionais dos CIM - Asocim publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.