07/10/2026
Este sábado comezamos coa 𝐩𝐫𝐢𝐦𝐞𝐢𝐫𝐚 𝐜𝐨𝐧𝐜𝐞𝐧𝐭𝐫𝐚𝐜𝐢𝐨́𝐧 𝐝𝐞 𝐦𝐨𝐢𝐭𝐚𝐬 𝐪𝐮𝐞 𝐬𝐞𝐠𝐮𝐢𝐫𝐚́𝐧 𝐦𝐞𝐧𝐭𝐫𝐚𝐬 𝐧𝐨𝐧 𝐯𝐞𝐱𝐚𝐦𝐨𝐬 𝐮𝐧 𝐜𝐨𝐦𝐩𝐫𝐨𝐦𝐢𝐬𝐨 𝐜𝐥𝐚𝐫𝐨 𝐝𝐚𝐬 𝐚𝐝𝐦𝐢𝐧𝐢𝐬𝐭𝐫𝐚𝐜𝐢𝐨́𝐧𝐬 𝐜𝐨𝐬 𝐬𝐞𝐫𝐯𝐢𝐳𝐨𝐬 𝐛𝐚́𝐬𝐢𝐜𝐨𝐬 𝐝𝐞 𝐆𝐨𝐧𝐝𝐨𝐦𝐚𝐫.
A plataforma cumpriu dous anos e seguimos coa firme intención de defender á veciñanza. Hai que decilo ben alto, 𝐨 𝐩𝐫𝐨𝐛𝐥𝐞𝐦𝐚 𝐝𝐞 𝐆𝐨𝐧𝐝𝐨𝐦𝐚𝐫 𝐞́ 𝐚 𝐟𝐚𝐥𝐭𝐚 𝐝𝐞 𝐫𝐞𝐬𝐩𝐨𝐧𝐬𝐚𝐛𝐢𝐥𝐢𝐝𝐚𝐝𝐞 𝐞 𝐚 𝐝𝐞𝐬𝐢𝐝𝐢𝐚 𝐝𝐚𝐬 𝐚𝐝𝐦𝐢𝐧𝐢𝐬𝐭𝐫𝐚𝐜𝐢𝐨́𝐬 𝐜𝐨𝐦𝐩𝐞𝐭𝐞𝐧𝐭𝐞𝐬, 𝐝𝐞𝐬𝐝𝐞 𝐨 𝐂𝐨𝐧𝐜𝐞𝐥𝐥𝐨, 𝐩𝐚𝐬𝐚𝐧𝐝𝐨 𝐩𝐨𝐥𝐚 𝐃𝐞𝐩𝐮𝐭𝐚𝐜𝐢𝐨́𝐧 𝐞 𝐫𝐞𝐦𝐚𝐭𝐚𝐧𝐝𝐨 𝐧𝐚 𝐗𝐮𝐧𝐭𝐚 𝐝𝐞 𝐆𝐚𝐥𝐢𝐜𝐢𝐚.
O Concello, a Deputación e a Xunta teñen competencias sobre os problemas que sufrimos cada día. Teñen a obriga de actuar, teñen os medios para facelo e, ano tras ano, seguen sen dar solucións. Cada administración mira cara a outro lado, e mentres tanto quen paga a factura é a veciñanza.
Hai veciñas e veciños aos que se lles cobra a taxa de saneamento sen ter conexión. Hai familias que gastan cada ano cantidades enormes en baleirar un pozo negro. Hai casas nas que o bombeo devolve as augas fecais ao domicilio. Non é un caso illado: é a realidade de moitas parroquias e barrios.
Por iso, a cada unha, o seu:
𝗔𝗼 𝗖𝗼𝗻𝗰𝗲𝗹𝗹𝗼, que ten competencias no saneamento, no abastecemento de auga e parte dos camiños do municipio: que deixe de cobrar por un servizo que non presta, que dea un saneamento integral, para todo Gondomar, con solucións reais e ben planificadas, e que garanta unha auga segura, porque unha auga que supón un risco para a saúde non é un servizo, é un incumprimento e un perigo para as persoas.
𝗔́ 𝗫𝘂𝗻𝘁𝗮, que ten competencias na EDAR e unha parte das estradas: que asuma as súas obrigas e que investa onde lle toca, tanto na mellora da depuración. Realizando xa as obras anunciadas para actualizar a planta depuradora en Donas, como na mellora da seguridade das estradas que son súas.
𝗔́ 𝗗𝗲𝗽𝘂𝘁𝗮𝗰𝗶𝗼́𝗻, que ten competencias sobre camiños: que os arranxe e os faga seguros. Que poña beirarrúas e cree sendas onde o protagonista sexan as persoas e non os coches.
Camiñar polo noso concello non pode ser un deporte de risco. Queremos beirarrúas, pasos seguros e velocidade moderada, para que nenos, maiores e calquera persoa poida ir andando sen arriscar a vida.
