Espazo Lectura

Casa
España
Gondomar
Espazo Lectura

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Espazo Lectura, Organización sin ánimo de lucro, Casa da Lectura: Nogueira 8, Donas, Gondomar/Apartado de Correos 50, 36380 Gondomar, Gondomar.

02/06/2026

⛺📚 XVI Noite na Biblioteca 📚⛺

Chega a Gondomar a Excelentísima Escola Lecturini de Circo, de Espazo Lectura!🎪

Espazo Lectura organiza esta fin de semana a XVI Noite na Biblioteca, que se celebrará dende a noite do sábado 6 á mañá do domingo 7 de xuño no IES Auga da Laxe de Gondomar.

A Noite na Biblioteca deste ano vai estar dedicada ao circo. Nela van colaborar como monitores e monitoras os membros do Comando Le de Espazo Lectura.

Os destinatarios serán 20 nenos e nenas que están cursando este ano Educación Primaria e que participaron ao longo do curso nas distintas actividades infantís de Espazo Lectura (o Contomar, Os mércores da Casa da Lectura e o Club de lectura compartida Lendo Contigo), así como os fillos e fillas de persoas asociadas a Espazo Lectura.

Os nenos e nenas chegarán o sábado 6 ás 21.00h, logo de cear. Será unha noite chea de contos, xogos e actividades arredor do libro e a lectura co fío conductor do circo. Ás 23.30h poderán g***r do espectáculo Asacocirco Show a cargo da compañía Asacocirco Asacocirco Compañia . Pola mañá haberá obradoiros e a actividade rematará arredor das 10:00h, despois do almorzo.

🔗https://www.espazolectura.gal/xvi-noite-na-biblioteca/

01/06/2026

📚 XUÑO 📚

29/05/2026

📚SETE VIDAS 📚

O próximo xoves 4 de xuño o Sete Vidas pechará a tempada falando de Carol de Patricia Highsmith, editada por Kalandraka Galicia KALANDRAKA con traducción de María Alonso Seisdedos.

Therese traballa como dependenta nuns grandes almacéns de Nova York. Un día de inverno achégase ao seu mostrador Carol, unha fermosa muller duns trinta anos. Cando as súas miradas se encontran, senten unha enorme atracción que irá a máis. As dúas mulleres abandonan as súas triviais rutinas na procura de espazo onde o seu amor pode florecer. Pero Therese tamén é consciente dos enormes obstáculos cos que se deberán enfrontar.

Será ás 20:00 na Casa da Lectura. Tamén compartiremos uns petiscos para celebrar a fin da tempada.

🔗https://www.espazolectura.gal/carol-pecha-a-tempada-do-sete-vidas/

29/05/2026

📚 LENDO CONTIGO 📚

O sábado 30 de maio o club de lectura compartida Lendo Contigo celebra a última sesión da tempada falando do libro "O Peculiar," de Érica Esmorís , publicado pola editorial Cuarto de Inverno.

Contaremos coa presenza da autora para falar de Comba e da historia do Peculiar, dos seus extravagantes clientes e da importancia de manter a esencia e a identidade dos espazos para que todos e todas, coas nosas peculiaridades, poidamos atoparnos neles.

A sesión será o sábado ás 12:00h na Casa da Lectura (Nogueira 8, Donas), e ao rematar a sesión aproveitaremos para despedir a tempada cun xantar compartido.

Na sesión de abril realizamos un roteiro por Cans con Iria Misa, percorrendo os lugares nos que estiveron Elsie e Simón na historia "A excursión a Cans. Unha veciña de película" (Xerais). Moitas grazas, Iria, por levarnos de excursión! Podedes ver as imaxes na seguinte ligazón: https://flic.kr/s/aHBqjCUYzN

🔗https://www.espazolectura.gal/o-peculiar-no-lendo-contigo/

25/05/2026

📚🏡 CASA DA LECTURA 🏡📚

A tempada da Casa da Lectura remata este mércores despois de ofrecer, desde o mes de outubro, trinta sesións de dinamización lectora dirixidas a nenos e nenas de máis de tres anos que asistiron acompañados e acompañadas das súas familias.

Os ollos e orellas atentas das persoas que asistiron á Casa da Lectura cada mércores puideron ver e escoitar contos de medo, de piratas, contos con sorpresa, contos cos que nos achegamos ao mundo da arte, ao universo e incluso á arqueoloxía. O mércores despediremos a tempada cun itinerario no que coñeceremos unha historia de amor que non ten nada de raro. Agardámosvos!

Grazas a todas as persoas voluntarias que vos achegastes á Casa da Lectura a contar e a ofrecer un obradoiro e o voso tempo. Na sesión anterior recibimos a visita de Fran Alonso, con quen gozamos dun recital de poesía cheo de animais. Podedes ver as imaxes aquí: https://flic.kr/s/aHBqjCUK5x

Como é a última sesión desta tempada a biblioteca só estará aberta para devolucións de libros.

🔗https://www.espazolectura.gal/peche-de-tempada-na-casa-da-lectura/

24/05/2026

📚CONTOS EN CUEIROS📚

O próximo venres 29 de maio ás 18 horas terá lugar a última sesión desta tempada de Contos en Cueiros, o contacontos para bebés de 0 a 3 anos. A sesión celebrarase, coma sempre, na Casa da Lectura (Nogueira 8, Donas), sede da Asociación Espazo Lectura.

Nesta ocasión, Pablo Díaz visitará a Casa da Lectura para facer unha viaxe a través dos contos coa música como fío conductor, tratando temas e rutinas adaptadas para os máis pequenos e pequenas. Para conseguilo, axudarase de instrumentos como frautas, guitarra ou harmónica e interpretará algún dos seus temas máis populares. Unha sesión relaxada onde a fantasía e a ilusión serán as protagonistas, e na que grandes e miúdos axuden a cantar e a entoar as melodías e retrousos de contos e cancións.

A entrada é de balde e precisa inscrición previa, para poder respectar a capacidade da sala e o benestar dos asistentes á actividade.

Criterios de inscrición:

Contamos cun aforo limitado a 20 bebés acompañados de 1 persoa adulta.

Terán prioridade os fillos/as de socios e socias de Espazo Lectura, por orde de inscrición.

Para inscribirse cómpre enviar un correo antes das 12:00 horas do mércores 27 de maio a [email protected] e facilitar:

🔸O nome do bebé.
🔸O ano de nacemento: nenos/as de 0 a 3 anos nacidos en 2023 ou despois.
🔸O nome da persoa adulta que o vai acompañar.
🔸Un teléfono de contacto (para avisar en caso de quedar en lista de espera)
🔸En caso de ser socios/as de Espazo Lectura, o nome do socio/a

📣Lembrade que é importante facilitar todos os datos que se solicitan na inscrición.

Todas as persoas que se inscriban deben esperar un correo de confirmación para saber se finalmente teñen praza (este correo de confirmación non se enviará antes do remate do prazo de inscrición).

Agardámosvos!

🔗https://www.espazolectura.gal/pablo-diaz-en-contos-en-cueiros/

23/05/2026

📚CONTOMAR📚

Despois dunha tempada chea de piratas, fuxidas, monstros, ratos, caixas, chuvia, tartarugas, corvos, piollos, lume… o Contomar chega ao seu fin. Unha tempada moi especial na que, ademais de compartir historias celebramos o 20 aniversario desta actividade que leva dúas décadas facendo da lectura e da biblioteca un lugar de encontro.

O vindeiro luns 25 de maio, ás 18:00 horas, celebraremos a última sesión da tempada na Biblioteca Municipal de Gondomar.

Na sesión anterior visitáronnos Eva, Brais e Guillerme, mestres do CEIP Souto-Donas, centro educativo socio protector de Espazo Lectura e contáronnos:

– Sopa verde (OQO galego).
– As fabas máxicas (Kalandraka Galicia).
– Cen sementes que voaron (Galaxia).
– ¿Por qué non floreces? (Tramontana).

Na seguinte ligazón podedes ver as imaxes da sesión: https://flic.kr/s/aHBqjCUadT

🔗https://www.espazolectura.gal/peche-de-tempada-do-contomar-2/

19/05/2026

📚🏠 CASA DA LECTURA 🏠📚

Este mércores, na Casa da Lectura, falaremos de animais como o gato, a araña, a curuxa, a xirafa ou o elefante (que é moi elegante). Debuxaremos, escribiremos e descubriremos o poder e a maxia que se agocha nas palabras.

A biblioteca estará aberta de 17:30h a 18:00h para o préstamo de libros.

Na sesión anterior recibimos a visita do alumnado de 5º e 6º do CEP Neira Vilas e das súas mestras. Contaron e representaron diferentes historias e, para rematar, puidemos levar recordo da sesión unha marioneta con algún personaxe dos contos. Foi unha sesión moi bonita, moitas grazas por vir!
Podedes ver as imaxes aquí: https://flic.kr/s/aHBqjCU9Ae

17/05/2026

En marzo do 2010 Begoña Caamaño participou no club de narrativa Sete Vidas coa súa novela "Circe ou o pracer do azul". Foi unha sesión fantástica na que puidemos compartir as nosas impresións e falar da novela coa autora.

Dous anos máis tarde Espazo Lectura convidou a Begoña Caamaño á Sentada Lectora organizada pola asociación o 22 de abril de 2012. Non puido acompañarnos físicamente, pero aquí vos deixamos un fragmento do texto que enviou apoiando a iniciativa e que hoxe, Día das Letras, queremos compartir:

"Lecturas para vivir máis e mellor

Unha sentada lectora é sen dúbida un dos oxímoros máis fermosos que poidan existir. Nada como a lectura para non ficar sentadas, á espera, inactivas, adurmiñadas e pasivas. Nada como as lecturas compartidas, reflexivas e insumisas para combater a vaga de oscurantismo, represión e burramia que pretende nos devolver aos tempos escuros.

Ler para sermos libres, para devenir sabias, para facérmonos máis poderosas e invencíbeis. Ler para estar vivas en tempos que nos convocan aos sepulcros da ignorancia. Ler para que as nosas pupilas non se volvan escleróticas, impermeábeis á realidade. (...)

Begoña Caamaño"

15/05/2026

📚 CONTOMAR 📚

O próximo luns 18 de maio, ás 18:00 horas, celebrarase unha nova sesión do Contomar na Biblioteca Pública Municipal de Gondomar dirixida a nenas e nenos de 3 a 9 anos. Nesta ocasión, o Contomar recibirá a visita dun grupo de mestres/as do CEIP Souto Donas (Gondomar), centro educativo socioprotector de Espazo Lectura.

Na sesión anterior contamos:

- Luuume! (Antela).
- Paulo está de mal humor (Kalandraka).
- A tartaruga que quería durmir (OQO).
- Fab, o monstro amarelo (Kalandraka).
- A rúa da Tixola (OQO).

Antela Editorial Kalandraka Galicia OQO galego

Na seguinte ligazón podedes ver as imaxes da sesión: https://flic.kr/s/aHBqjCTupE

🔗https://www.espazolectura.gal/o-ceip-souto-donas-no-contomar/

Dirección

Casa Da Lectura: Nogueira 8, Donas, Gondomar/Apartado De Correos 50, 36380 Gondomar
Gondomar
36388

Horario de Apertura

17:00 - 20:00

Página web

http://espazolectura.gal/

Notificaciones

Sé el primero en enterarse y déjanos enviarle un correo electrónico cuando Espazo Lectura publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.