Espazo Lectura

08/10/2026

📚 Clubs de lectura 📚

Programación dos clubs de lectura para o último trimestre do ano 2026.

A asistencia aos clubs de lectura é libre e non implica ningún tipo de obrigas. Soamente hai que g***r coa lectura e ter ganas de compartilo con outras persoas.

Agardámosvos! 😄

05/10/2026

Volven os mércores da Casa da Lectura!🏡📚

O mércores 7 de outubro, ás 18:00h, a Casa da Lectura retoma a súa actividade para g***r dos contos, dos obradoiros e facer tribo ao redor dos libros.

As sesións están dirixidas a nenos e nenas de 3 a 10 anos e ás súas familias. Nelas, ademais da lectura de varios contos cun fío conductor, realizarase un obradoiro que enriquece e diversifica a súa mensaxe. Un xogo, unha manualidade, a elaboración dunha ilustración, música... todo pode pasar neste espazo cheo de historias!

Nesta primeira sesión da tempada non se realizará préstamo de libros, pero a partir deste día a biblioteca estará aberta todos os mércores de 17:30h a 18:00h para que, aqueles que o desexen, poidan facer uso dela.

Agardámosvos os mércores na Casa da Lectura! 🚀

04/10/2026

📚OUTUBRO📚

https://www.espazolectura.gal/actividades-outubro-2026/

03/10/2026

📚CONTOMAR📚

O vindeiro luns 5 de outubro, ás 18:00h, terá lugar na Biblioteca Pública Municipal de Gondomar a primeira sesión do Contomar desta tempada.

O Contomar é un contacontos organizado por Espazo Lectura e dirixido a nenos e nenas de 3 a 9 anos acompañados das súas familias.

Nesta sesión abriremos a porta a unha nova tempada chea de contos, personaxes, aventuras e sorpresas. Agardámosvos para comezar xuntas e xuntos esta viaxe por moitas historias.

🔗https://www.espazolectura.gal/volve-o-contomar-7/

28/09/2026

📚SETE VIDAS📚

O próximo xoves 1 de outubro o club Sete Vidas comeza a nova tempada falando de "Cáncara" de Fran Alonso, editada por XERAIS.

Outubro de 1983; o alcade da vila mariñeira de Cáncara ordena apresar e deter unha vaca por pastar herba pública e a Policía Municipal condúcea ao calabozo do Concello. A noticia do acontecido percorre o mundo, e publícase no «New York Times» e no «Washington Post». A partir deste feito insólito, Fran Alonso escribe unha novela sobre o poder, ateigada de humor, que reconstrúe os feitos reais.

"Cáncara" é unha novela que serpea entre a fábula, a crónica, a lenda, a sátira, a memoria e a narrativa contemporánea, converténdose nunha historia que afunde as súas raíces na crítica social e que se conforma como unha radiografía das transformacións sociopolíticas actuais.

A sesión, na que nos acompañará o autor, será as 20:00 horas na biblioteca municipal de Gondomar, agardámosvos!

📸

26/09/2026

Comeza a nova tempada co Comando Le!📚

A primeira sesión da tempada do Comando Le adiantase, excepcionalmente, ao mes de setembro porque necesitamos máis datas para poder cumprir cos compromisos adquiridos co G-Book 3 (é a terceira fase dun proxecto educativo europeo internacional coordinado na Universidade de Vigo, centrado no fomento da literatura infantil e xuvenil inclusiva).

Terá lugar, como adoita ser habitual, na Casa da Lectura (Nogueira,8–Donas) o vindeiro sábado 26 de setembro, de 20:00h a 00:00h.

Agardamos vérmonos de novo e tamén acoller a aquelas persoas que queiran incorporarse ao grupo. Nesta primeira sesión aproveitaremos para ver as fotos da tempada pasada, para falar, xogar, coñecérmonos mellor e descubrir as propostas para este novo período. Por suposto, faremos unha cea compartida co que traian as asistentes, como vén sendo costume.

O Comando Le é un grupo de activismo cultural dirixido a rapaces de rapazas de máis de 12 anos. Na súa programación inclúense sesións de club de lectura, encontros con escritores, obradoiros, charlas e debates, comentario de vídeos e películas, saídas e todas aquelas actividades que nos permitan achegarnos dun xeito crítico a diferentes temas desde linguaxes e expresións artísticas variadas.

Facultade de Filoloxía e Tradución

🔗https://www.espazolectura.gal/nova-tempada-do-comando-le-de-espazo-lectura/

26/09/2026

Comezamos unha nova tempada en Espazo Lectura coa ilusión de seguir compartindo libros, encontros e comunidade.
No mes de outubro iniciamos o noso calendario habitual de actividades de fomento do libro e da lectura.

Agardámosvos arredor dos libros 📚

18/06/2026

🔥 XV FOGUEIRA DOS VERSOS 🔥

Espazo Lectura celebra a XV Fogueira dos Versos para despedir a tempada 2025-2026

A noite do martes 23 de xuño Espazo Lectura celebrará o San Xoán coa Fogueira dos Versos. Esta festa combina a celebración popular desta data, con comida e cacharela, co recitado de poemas a carón do lume e cun concerto para toda a familia a cargo, nesta ocasión, de Arturo e Denis.

A Fogueira dos Versos celebrarase na Casa da Lectura (Nogueira 8, Donas) a partir das 20:30 horas. As persoas que se animen a participar poden traer algo de comida e bebida para compartir.

Con esta actividade Espazo Lectura pecha unha nova tempada de actividades centradas no fomento do libro e a lectura en Gondomar. Grazas ao traballo do voluntariado da asociación ofrecéronse, de maneira gratuíta e aberta a toda cidadanía, máis de de cen actividades cunha programación para todas as idades. Grazas a todas as persoas que nos acompañastes nesta tempada e ás que apoiades o proxecto de Espazo Lectura.

Agardámosvos na Casa da Lectura para celebrar a Noite de San Xoán!

A ilustración é de Denis Carballás Riveiro

14/06/2026

O sábado asistimos ao acto de entrega da sétima edición dos Premios Mil Primaveras para recoller o premio que o xurado da CTNL - Coordinadora de Traballadores/as de Normalización da Lingua concedeu ao Comando Le, o grupo de activismo cultural para adolescentes.
Moitas grazas por este recoñecemento e parabéns aos outros proxectos premiados: As chaves da Lingua, de Noemí García Rodríguez; Revolta Galega do CPI As Revoltas; e O Dépor é da Coruña, do IES Rafael Dieste.

https://www.farodevigo.es/pontevedra/2026/06/13/premios-mil-primaveras-reconecen-pontevedra-131371822.html?fbclid=PAZXh0bgNhZW0CMTEAc3J0YwZhcHBfaWQMMjU2MjgxMDQwNTU4AAGnSvpGfTc5fS_2ablyhOrtZzg0G3eqreALZTsPSigAg6eN8rc7Ir_t9ZZ3jXQ_aem_BbX4SGxlXbHaBRsqotov6g

14/06/2026