29/09/2026
🚨 ASINA QUIXERON QUITANOS LA VOZ N’EBHI
Compañeres y compañeros: hai unes selmanes convocamos una concentración a la entrada d’EBHI en sofitu a Óscar, representante sindical y vocal del comité d’empresa, sancionáu con 5 díes de suspensión d’empléu y sueldu. Y namás pa poder facela, atopamos torgues.
1️⃣ Presentamos, como siempre, la comunicación previa de la concentración ante la Delegación del Gobiernu.
2️⃣ La Delegación respondió que, dende finales del añu pasáu, esi puntu considérase «zona d’accesu restrinxíu» del puertu y que yá nun decidía ella, sinón l’Autoridá Portuaria.
3️⃣ Insistimos por escrito pidiendo respuesta con tiempu. L’Autoridá Portuaria esperó a la víspera, a les 19:16h —menos de 18 hores enantes del actu— pa contestanos.
4️⃣ La so respuesta: podíamos concentranos, pero taba prohibío cortar el tráficu. Esto ye, dexábennos tar ellí, pero quitábennos lo único que-y daba fuerza a la protesta.
Tola vida pudo facese ensin problema. Xusto cuando la protesta yera pola sanción a un representante sindical, apaeció una norma nueva que lo torgaba nel últimu momentu.
📌 Tamos valorando les víes llegales pa responder a esta decisión, ensin descartar nenguna, tamién la xudicial.
Esto nun ye un casu aisláu: ye un patrón. Y nun vamos parar mentanto nun s’aclare.
✊ Naide solu ante la represión.
📞 663 434 199 · [email protected]
📲 Canal WhatsApp: https://whatsapp.com/channel/0029VbD0Rpi9WtCAH5vRpY19
