29/08/2026
Unha vez pasada a Festa da Xuventude, podemos comunicarvos que, tal e como vos pediamos, este ano foi mellor que o anterior!! 💪🏼♻️
Mellor, si, pero como vedes nalgunha foto, aínda houbo algún despistado que non se fixou que no amarelo ían só os vasos ou que no de lixo non van os vasos de plástico... 😬
Non obstante, a separación entre pratos (con todos os restos) e vasos funcionou, en xeral, ben. Incluso houbo quen o levou máis alá, e separaron os restos dos pratos e vasos (como podedes apreciar na segunda foto). Que alegría nos destes! 💚
Un problema, iso si, que notamos que se repetiu este ano, foi o da recollida das mesas unha vez se remata de cear. Volvemos reiterar que recoller o que un trae consigo é un simple acto de civismo que chama á responsabilidade individual. Un pequeno acto que, así como se fai na casa, non custa nada facelo nestes eventos.
Podedes observar nas fotos como quedaron a maioría das mesas con todo enriba, incluída a comida nos pratos, parte dela sen tocar. Pan, costelas, cervexa... 🍞🍺 todo comida que, aínda que de balde para nós, custou cartos 💵, e pola que hai xente que o daría todo.
Seguiremos traballando para que toda a veciñanza o fagamos un pouquiño mellor e separemos cada vez un pouquiño máis, para así nós facer falta cada vez un pouquiño menos. 💚🩵
