15/05/2026
HOXE É O DÍA! 😍
“O MECO. UNHA LENDA VIVA” CHEGARÁ AO AUDITORIO DO GROVE CUNHA GRAN ACOLLIDA DE PÚBLICO
[Todogrove 14/05/2026]
A Asociación Cultural Enxebre estreará os vindeiros 15, 16 e 17 de maio no Auditorio Municipal do Grove a produción teatral e musical “O Meco. Unha lenda viva”, un proxecto que recupera e reinterpretará unha das lendas máis emblemáticas da memoria colectiva grovense.
A proposta supón ademais a primeira colaboración conxunta entre a Asociación Cultural Enxebre e a Banda de Música do Grove nun espectáculo de gran formato, no que ambas entidades levan meses traballando.
Segundo informou a organización, a resposta do público está sendo moi positiva, ata o punto de que as entradas para a funcións do sábado e do venres están agotadas. Só quedan para o domingo, e poden mercarse por 10 euros en Casa Abel, Copyman, Essenzial Home, Abril e no auditorio dende 1 hora antes de cada función.
Desde Enxebre destacan a ilusión e o compromiso postos nesta produción, que busca poñer en valor a tradición oral e cultural do Grove a través dunha nova posta en escena arredor da figura do Meco.
A estrea chega ademais despois das recentes conferencias e actividades culturais organizadas arredor da lenda do Meco e da súa reinterpretación histórica, converténdose nun dos eventos culturais máis destacados deste mes no municipio.
