ANPA ALÉN

16/05/2026

Para celebrar o Día do Libro tivemos a sorte de participar nunha actividade de encuadernación no centro Aspadex, organizada pola ANPA Alén e coa colaboración e participación do profesorado e alumnado do CEIP Praia de Quenxe.

Estivemos encantadas coa experiencia: os nenos e as nenas aprenderon, desfrutaron e compartiron unha xornada chea de creatividade, convivencia e valores.

Foi un día moi especial para todo o alumnado, que puido vivir unha experiencia diferente e enriquecedora da man de Aspadex. Un verdadeiro privilexio poder contar cun centro así na nosa comarca 💙

Será sobre encadernación artesanal e levarase a cabo este venres 15 de maio

15/05/2026

Esperámosvos!

10/05/2026

30/04/2026

📢 ANPA Alén

Dende a ANPA Alén queremos expresar o noso apoio firme á mobilización da comunidade educativa en defensa do ensino público.

Sumámonos ás reivindicacións do persoal non docente, do profesorado, do alumnado e das familias, que día a día sosteñen con esforzo e compromiso o funcionamento dos centros educativos.

O ensino público é un piar fundamental da nosa sociedade e debe estar dotado dos recursos humanos e materiais necesarios para garantir unha educación de calidade, inclusiva e equitativa para todo o alumnado, independentemente da súa situación.

Rexeitamos calquera recorte ou deterioro das condicións laborais e educativas que afecten á comunidade escolar.

Defender o ensino público é defender o futuro das nosas crianzas.

📚✊ Continuaremos a loitar xuntas e xuntos por unha escola pública forte, digna e de calidade.

ANPA Alén

10/04/2026

07/04/2026

🎨 Exposición Día das Artes Galegas 🎨

Boas familias! 😊

Con motivo do Día das Artes Galegas (1 de abril), convidámosvos a visitar a exposición dos traballos do alumnado da actividade extraescolar de Arte.

📍 Lugar: Biblioteca municipal de Corcubión.

🖼️ Que veredes: unha pequena mostra do traballo artístico do alumnado na actividade.

Non perdades a ocasión de desfrutar da creatividade e talento dos nosos rapaces!

✨ ANPA Alén ✨

23/03/2026

💜 Corcubión correu pola igualdade 💜

Este pasado 18 de marzo vivimos unha xornada inesquecible coa I Carreira Violeta, unha iniciativa organizada pola ANPA Alén e o Concello de Corcubión para conmemorar o 8M.
Máis de 300 persoas encheron a Praza de Castelao de enerxía, ilusión e compromiso, coa rapazada do CEIP Praia de Quenxe como gran protagonista 🏃‍♀️🏃‍♂️, acompañada tamén polas nenas e nenos da Escola Infantil Municipal, que nos animaron ao longo de toda a xornada 💜
A través das categorías:
✨ Mini Violeta (infantil)
✨ Pequena Violeta (1º-3º primaria)
✨ Grande Violeta (4º-6º primaria)
as nosas nenas e nenos correron por algo máis ca unha meta: correron pola igualdade.

Foi unha mañá chea de compañeirismo, aprendizaxe e diversión, onde cada sorriso e cada paso nos lembrou a importancia de educar en valores desde a infancia.

💬 “Que queremos? Igualdade! Para que corremos? Pola igualdade!”

Queremos agradecer de corazón:
👏 ás nenas e nenos do CEIP Praia de Quenxe pola súa participación; sen elas e eles non sería posible
👏 á Dirección e ao profesorado do CEIP Praia de Quenxe pola súa participación, implicación e colaboración previa
👏 ao Concello de Corcubión por impulsar connosco esta iniciativa, achegando medios económicos, humanos e organizativos imprescindibles
👏 a Protección Civil e aos servizos municipais
👏 a Gadis pola súa colaboración
👏 ás familias e a toda a comunidade educativa por apoiar iniciativas como esta
👏 e, como non, á Directiva da ANPA Alén polo seu gran esforzo e traballo altruísta

Esta carreira foi moito máis ca deporte: foi unión, educación e futuro.

👉 Seguimos avanzando xuntas e xuntos cara a unha sociedade máis xusta e igualitaria 💜

16/03/2026

03/03/2026

«Promoveu a ANPA Alén, que destaca a importancia de deseñar «iniciativas que reforcen a identidade cultural e lingüística entre as novas xeracións»

Promoviu a ANPA Alén, que destaca a importancia de deseñar «iniciativas que reforcen a identidade cultural e lingüística entre as novas xeracións»

02/03/2026

Este sábado, 28 de febreiro, a ANPA Alén estivo en Compostela alzando a voz na defensa dun ensino público, inclusivo e de calidade. Unha educación que garanta a igualdade de oportunidades para todo o alumnado e que recoñeza a importancia de contar con máis persoal especializado e coidadoras. Porque só así, tanto o alumnado con NEE como o resto dos nenos e nenas, poderá recibir unha atención adecuada, profesional e verdadeiramente centrada nas súas necesidades.