Serviciu Normalización Ḷḷingüística - Conceyu Cangas del Narcea

16/05/2026

Outra edición más na Feria del Ḷḷibru no Mundu Rural, felices de ser ya tar, 🤗

08/05/2026

Güei, no día las nuesas Ḷḷetras con mayúsculas, presentamos la programación canguesa, que vei desenvolvese ente los días 18 ya 24 de mayu ya traer muitas cousas guapas pa Cangas. ¡Nun deixéis d'acompañanos nesta celebración de lo nueso! 😍🥰🥳

08/05/2026

06/04/2026

Na parroquia Carbachu, ou cuntamos con participantes de los cuatro pueblos de la parroquia: Carbachu, Las Tiendas, Corveiru ya Tremáu de Carbachu, aprendiénonnos muitas cousas.

Pola xente d'estos ḷḷugares, soupiemos historias de los años de la mina la Lolina, del primer equipu de fútbol de Carbachu, de la procesión del Corpus... Ya, sobre todo, del trigu. En segando'l trigu c**a foucina, c**as gabieḷḷas fíanse manochos, los manochos amedábanse ya, yá en casa, fíase la facina pa machar espuéis. En machando, fíase un colmeiru c**a pacha ya gastábase la grana pa casa.
Dixénonnos tamién que'l palu p'atar los manochos yera un garrote, qu'había trés clases de trigu: grande, con más paraza ya pulpa; pequenu, el más blancu, ya parrón, el que más emparraba. Amás de trigu, poníase centenu, que yera pa los animales preferentemente, anque a las vacas cuando parían tamién se-ḷḷes daba trigu cocíu. Soupiemos de las plantas qu'enxarnaban el trigu: los cenizos, la corruyuela, los zarafueḷḷes... De las mididas del trigu no molín: el choupín, la cuarta ya'l rapón ou maquila, los dous últimos yeran mididas pa vender.
Conociemos de los tiempos ya los trabachos d'outros alimentos del ganáu: el panizu, la falfa, que se ponía pol mediu los nabos...

Falamos tamién de l'Ascensión, nesta fecha con tanta importancia na sociedá tradicional, amasábase pan ya, al parcer, nun se ponía mourientu, las pitas nun movían los güevos ya, si firías la manteiga, nun arranciaba...

Soupiemos de bruxerías, del mal del güechu, de cúmo evitalu cruzando los didos ou con un pantalón d'home; de cúmo las mucheres que sabían curaban d'estos ya outros males, cumo las ḷḷombrizas, que quitaban con una pasta feita con xabón ya sarriu principalmente ya cortando espuéis las cabezas de los parásitos. Estas mucheres valían pa todo, lo mesmo esparteixaban que curaban una hernia ou quitaban el mal del filu con una fumaza d'azufre, achu, ḷḷoureiru, cagarieḷḷas de pita, marrubiu... Eso sí, pa que'l marrubiu funcionara había que garralu no camín pol que yiban dar los sacramentos, pa que las plantas tuvieran benditas.

¡De todo esto ya de muitas cousas más, vais sentir nesti programa! A ver si vos presta'l programa tanto cumo a nós felu, :)

RADIO NARCEA TV - CANGAS DEL NARCEA-ASTURIAS

26/03/2026

11/03/2026

Inauguramos una edición más del programa de Servicios Sociales, Xuntanzas, qu'enguano vei empicipiar na parroquia Carbachu ya visitar amás las de Robléu Teinás, Castanéu, Xedré, Naviegu ya Samartín de Sierra. Hais acompañanos nesti viaxe polo nueso,

25/02/2026

Cumo sabemos qu'hai expectación ya pa que veais un pouquenín la idiosincrasia de la guía, compartímosvos esti cachiquín con dalgunas entradas de la fase beta, a ver qué vos parecen...

23/02/2026

Outru añu más celebrando l'amor pola nuesa ḷḷingua en compañía de lo más pequeno ya de lo más grande a la vez ya c**a colaboración valiosísima del grupu de participación. ¡Muitas gracias a todas ya a todos por acompañanos ya fader d'esti día unu de los más guapos! 🥰🩷