Culturmar

02/06/2026

⛵️A pasada fin de semana , o Clube Mariño Salnés - Embarcacións tradicionais de Cambados organizou a III Varada en San Tomé.

📷Unha espectacular xornada de navegación e convivencia da queda constancia nesta pequena galería de imaxes

28/05/2026

🆕O Centro de Formación A Aixola de Marín, dependente da Consellería do Mar e xestionado polo Centro Tecnolóxico do Mar-Fundación CETMAR, ten en marcha novos cursos para o segundo semestre deste 2026.

➡️Trátase de formacións totalmente gratuitas e cun carácter práctico, seguindo a idea de “aprender facendo”, e non precisan titulación mínima para realizarse.

➡️Poderán inscribirse un máximo de 12 persoas en cada un dos cursos, que son presenciais no CF Aixola (Porto de Marín).

✅Operacións auxiliares de acondicionamento interior de embarcacións: Tapicería e madeira (350 horas)

✅Operacións auxiliares de arboladura: Mastros e velas (200 horas)

✅Operacións básicas de infusión e baleiro en composites (300 horas)

✅Procesos básicos de plásticos técnicos aplicados ao sector mariño (200 horas)

✅Actividades auxiliares en diagnose e posta a punto de fora borda menores de 30 CV (220 horas)

✅Introdución á carpintaría náutica con control numérico (CNC) (70 horas)

ℹMáis información e preinscripción: https://aixola.cetmar.org/oferta-formativa-2026/
✍A preinscrición xa está aberta

24/05/2026

💡O Paseo Luminoso é un dos momentos máis fermosos de cada Encontro de Embarcações Tradicionais de Vila do Conde, en Portugal.

⛵️ Alí estabamos a frota galega para deixar constancia da beleza das nosas embarcacións tradicionais.

23/05/2026

👌Todo listo para comezar a xornada no XIV Encontro de Embarcações Tradicionais de Vila do Conde, en Portugal.

⛵As nosas embarcacións e a tripulación ao completo amosarán no mar a beleza do noso patrimonio marítimo. En terra, unha carpa para explicar a nosa cultura mariñeira.

22/05/2026

🇵🇹 Esta fin de semana, unha delegación de Culturmar estará presenta no XIV Encontro de Embarcações Tradicionais de Vila do Conde, en Portugal.

⛵Un total de 7 embarcacións e máis de 20 tripulantes desprazaranse dende Galicia.

⏺️‘Sobrada’ (dorna polbeira da Asociación Fasquía da Illa de Arousa)
⏺️‘Langaño’ (bote de de Muros da Asociación Mar de Muros)
⏺️‘Nova Esperanza’ (gamela da Asociación Gamela de Cabo de Cruz)
⏺️‘Eliseo’ (galeón das Rías Baixas da Asociación Cultural Sueste de Moaña)
⏺️‘Fuxe’ (dorna cordeleira da Asociación Cabo do Mar)
⏺️‘Pindirucha’ (dorna do Clube Mariño Salnés )
⏺️‘Última' (dorna do Clube MariñoSalnés)
🚘🌊Todas as embarcacións viaxan por terra, excepto o galeón Eliseo, que se despraza por mar.

22/05/2026

📺Xa tedes disponible na nosa canle de Youtube as espectaculares imaxes de navegación da Moura en formato 360°. O vídeo foi gravado no transcurso da cuarta proba da Regata de Dornas a Vela 'Trofeo Primavera', organizada pola Asociación Cultural e Deportiva Lajareu por Barlovento, de Ribeira.

📹Esta tecnoloxía de rexistro audiovisual permíteche escoller que ángulo queres ver en cada momento e vai ser utilizada por primeira vez no campionato galego de dornas a vela, a Copa Mörling, que este verán chega á súa quinta edición.

👏Agardamos que vos gusten as imaxes👇
https://youtu.be/pWTcnxEU7eI

Espectaculares imaxes de navegación da dorna Moura en formato 360° ...

21/05/2026

🆕A Xunta de Galicia presentou hoxe en Ribeira o primeiro censo do Patrimonio marítimo de Galicia, que documenta case 1.500 bens no noso litoral

➡O Censo do Patrimonio Marítimo Inmoble de Galicia é un inventario exhaustivo e pioneiro, que pon en valor a herdanza litoral galega mediante a catalogación de 1.452 bens singulares.

➡Ao acto asistiron a presidenta de Culturmar, Mónica Leiro Búa; acompañada pola vicepresidenta, María José García Campo 'Jojó'; e os vogais Juan Miguel Vivanco 'Indio' e Santiago Mougán Rodríguez.

➡Tamén asistiron como convidados Ramón Collazo, dos Asteleiros Catoira de Rianxo; e Francisco Fra (Asteleiros‐Fra, San Cibrao-Cervo) da Asociación de Carpinteiros de Ribeira, Agalcari. Tamén foron convidados representantes das confrarías e alcaldes da contorna, así como a vicepresidenta e outros cargos do GALP Golfo Ártabro Sur.

🗣O acto foi presentado pola conselleira do Mar, Marta Villaverde, e o conselleiro de Cultura, Lingua e Xuventude, José López Campos. Na presentación interviu tamén Óscar Fuertes Dopico, profesor doutor da Universidade da Coruña e director do Plan da Cultura Marítima de Galicia. A directora xeral de Desenvolvemento Pesqueiro, María de los Ángeles Vázquez Suárez, tamén estivo presente no acto.

🗣No evento participaron a alcaldesa de Ribeira, María Sampedro; Juan José Creus Andrade, profesor doutor da Universidade da Coruña e arquitecto; e Lino Lema Bouzas, xefe do Servizo de Desenvolvemento Pesqueiro da Xunta até 2021.

ℹNesta ligazón tedes toda a información deste plan: https://goo.su/CNrZAw
📺E aquí un vídeo sobre o Plan:https://www.youtube.com/watch?v=cV556hYfNPM

19/05/2026

🗣Aqui vos deixamos a intervención completa da vicepresidenta de Culturmar, María José García Campo, 'Jojó', nun acto no Itsas Festibala 2026 para promocionar o Encontro de Embarcacións Tradicionais de Galicia👇
https://youtu.be/evEXTlgpdnA

A vicepresidenta de Culturmar, María José García Campo, 'Jojó' promocionou o Encontro de Embarcacións Tradicionais de Galicia no Pasaia Itsas Festibala, cele...

18/05/2026

⛵Foron catro días intensos nos que compartir experiencias e dar a coñecer, con orgullo, o noso patrimonio marítimo e fluvial.

➡️A expedición de Culturmar no Pasaia Itsas Festibala 2026 regresa á casa cheíña de momentos que permanecerán xa para sempre nos nosos recordos.

👏E queremos facer un agradecemento especial a todas as persoas voluntarias que fixeron máis doada e divertida a estadía en Pasaia.

👏👏Tamén queremos dar as grazas a todas as tripulacións galegas. Polo seu comportamento exquisito e por estar sempre dispoñibles e botando unha man en todo o que fixo falta.

🤝Nestes catro días houbo, sobre todo, moita amizade, respecto, solidariedade, paciencia e saber estar en todo momento.

👋Marchamos de Euskadi deixando unha imaxe moi boa no resto de colectivos e na organización do propio festival.

👌Agradecer tamén á Consellería do Mar e ao Servizo de Desenvolvemento Pesqueiro da de Galicia o patrocinio desta actividade, fundamental para poñer en valor e espallar o patrimonio marítimo e fluvial galego polo mundo enteiro.

18/05/2026

🗣O presidente de Albaola Itsas Kultur Faktoria, Xabier Agote, non quixo deixar de pasarse pola carpa de Culturmar no Pasaia Itsas Festibala 2026.

🔨Agote é un destacado experto en patrimonio marítimo, construtor de embarcacións históricas e foi o fundador de Albaola a finais dos anos 90 do pasado século.

✅Recoñecido por liderar a réplica do baleeiro do século XVI San Xoán, Xabier Agote impulsa a recuperación de técnicas artesanais de carpintaría de ribeira e a arqueoloxía naval.