06/06/2025
Pasámonos por aquí despois de moooito tempo para comunicarvos algo ⬇️
Como xa moitos sabedes, A Mariña sen Plástico non está funcionando xa como asociación. Debido a causas persoais e laborais decidimos aparcar este proxecto para o que agora mesmo nos era imposible sacar tempo. Por iso non estamos participando en ningún proxecto, nin organizando limpezas nin actividades nin compartindo nada nas redes. Agradecemos a todas as entidades que pensaron en nós para formar parte de diversas iniciativas e eventos, sempre nos dá pena ter que dicir que non.
Isto non implica que a nivel individual deixemos de ir ás praias. De feito, cando podemos, seguímolo facendo así que é probable que sigamos subindo de vez en cando cousiñas ás redes, aínda que será menos a miúdo que antes (como xa está ocorrendo).
Realmente dános moita pena que AMASEP desapareza, xa que é un proxecto que nos apaixona e que consideramos moi necesario na nosa contorna, por iso non descartamos poder retomalo nun futuro, cando as nosas circunstancias vitais nolo poñan máis doado.
Queremos agradecervos o voso apoio e participación durante este tempo, xa que cremos que en xeral esta iniciativa gustou moito e dímonos conta de que hai moita xente que ten as mesmas inquedanzas ca nós respecto á natureza e o medio ambiente. Pedímosvos que nos sigades enviando curiosidades que atopedes nas praias, que nos avisedes de calquera cousa que vos pareza pertinente e que sigades poñendo o voso grao de area para cambiar as cousas. Xa sabedes, "actúa local, pensa global". Nós seguiremos por aquí, facendo o que poidamos 🌊
Vémonos nas praias 💪
