¿Qué es el sitio web?

https://www.facebook.com/583892698432918/

Unión de Muchachas

Casa
España
Boiro
Unión de Muchachas

Somos unha asociación non lucrativa que nace coa idea de promover accións culturais que repercutan na comunidade.

Os nosos valores e fins:

- Promover accións culturais e transformadoras que velen polos intereses públicos construídos á marxe da administración.
- Realizar proxectos e iniciativas dende a cultura que contribúan ao desenvolvemento social da comunidade.
- Fomentar a participación cidadá a través da xestión baseada na comunidade e no procomún.
-Desenvolver actividades educativas que busquen a refl

exión comunitaria e respondan ás necesidades expresadas dende a sociedade.
- Poñer en valor o tecido asociativo, social e cultural do territorio.
- Impulsar novas formas de pedagoxía comunitaria e social.
- Visibilizar a identidade cultural da contorna.

25/08/2026

🌙🦋 Así foi a nosa noite entre avelaíñas e outros habitantes nocturnos!

O pasado sábado xuntámonos na Unitaria do Saltiño para achegarnos un pouco máis á vida que esperta cando cae a noite e descubrir avelaíñas e outros pequenos animais que habitan a nosa contorna.

Queremos dar as grazas especialmente a Saba González, Elia e Manuel, de SOCEME e do Grupo Naturalista Hábitat da Coruña, por compartir connosco os seus coñecementos, acompañarnos durante a observación e axudarnos a descubrir toda esa biodiversidade que tantas veces pasa desapercibida. 💜

E, por suposto, grazas a todas as persoas que vos achegastes ao Saltiño para compartir cea, conversa, curiosidade e unha noite diferente con nós.

Grazas por vir, muchachas! 🌙✨

15/08/2026

🌙🦋 Muchachas, convidámosvos a descubrir as avelaíñas que habitan as nosas noites!

Este sábado xuntámonos na Unitaria do Saltiño para facer unha observación nocturna de avelaíñas (ou bolboretas nocturnas) e coñecer un pouco mellor estes pequenos seres que aparecen cando cae o sol. ✨

Desta volta, Saba González, de Soceme - Sociedad para la conservación y estudio de las mariposas en España , vén acompañada de Elia e Manuel, tamén de SOCEME e do Grupo Naturalista Hábitat da Coruña, que nos acompañarán nesta pequena incursión pola vida nocturna do Saltiño.

📅 Sábado 22 de agosto
🕣 20:45 h
📍 Unitaria do Saltiño

🌙 A observación terá que agardar a que sexa noite, así que quedaremos un pouco antes para preparar todo o necesario.

🥪 TRAEDE ALGO PARA CEAR! Aproveitaremos ese tempo previo para cear mentres preparamos todo e agardamos a que anoiteza.

E, coa chegada da noite, comezaremos a descubrir as avelaíñas que habitan a contorna do Saltiño 🌙

Vémonos na Unitaria! 💜

01/06/2026

✨ O sábado, 13 de xuño, afondaremos canda a historiadora da Arte Iria-Friné Rivera na campaña do Estatuto de Galicia e a Revolución Estética Galega que implicou, con especial fincapé no papel que lles outorgou ás mulleres.

📜A innovadora campaña do Estatuto de Galicia en xuño de 1936 estableceu unha total construción de imaxe pública. Persoas que estudaban a Arte e a Historia, escenógrafas, comunicadoras, estetas, artistas, docentes ou escritoras sumaron as súas influenzas dende o Expresionismo Alemán e o Construtivismo Escénico do Teatro Revolucionario Ruso até o Romanticismo Negro, para crear unha campaña dirixida a públicos das cidades, das vilas e das aldeas, acompañando a toda a sociedade en pé de igualdade.

🕊️ A Liberdade concretouse na celebración das mulleres como figuras épicas e clave de modernidade, por tradición galega e polo contexto dos anos 30.

🗓️ Sábado, 13 de xuño
🕧 12:30 h
📍 Unitaria do Saltiño, Boiro

31/05/2026

🦋 Muchachas! 🦋

O pasado sábado 23 desfrutamos dunha mañá fantástica coñecendo as bolboretas da nosa contorna da man de Saba Gonzalez e María Sánchez.

Moitas grazas a elas así como a Soceme - Sociedad para la conservación y estudio de las mariposas en España por compartir os seus coñecementos e a todas as persoas que participastes no roteiro.

✨ Quedamos moi satisfeitas coa actividade e xa podemos adiantarvos que este verán volverán á Unitaria cunha nova proposta: unha actividade nocturna para descubrir e coñecer as avelaíñas que habitan no xardín da unitaria.

Estade atentas, porque axiña contaremos máis!

24/05/2026

SEXUALIDADE REAL: P***O, LÍMITES E CONVERSACIÓNS NECESARIAS

📅 Sábado 30 de maio
🕚 11:00h
📍 Unitaria do Saltiño

Como acompañamos ás crianzas e á mocidade na construción da súa sexualidade nun contexto atravesado polo p***o, internet e os discursos machistas? Como falamos de límites, consentimento e educación afectivo-sexual?

O vindeiro sábado 30 de maio contaremos con Dámaris Sánchez Otero (.edusex ), sexóloga e técnica de intervención social especializada en igualdade de xénero, nun encontro aberto para compartir reflexións, ferramentas e conversacións necesarias arredor da sexualidade e do acompañamento ás novas xeracións.

Acode, Muchacha!

***o

19/05/2026

🦋 NOVA DATA | Coñecendo as bolboretas da nosa contorna 🦋

📅 Sábado 23 de maio
🕦 11:30h
📍 Saída desde o pavillón de Barraña

Finalmente, o roteiro de bolboretas que tivemos que aprazar hai unhas semanas celebrarase este sábado 23 de maio! 🌿

A primavera é un dos mellores momentos para observar a vida que nos rodea: co bo tempo, o alongamento dos días e a presenza do sol, moitas especies —entre elas as bolboretas— están especialmente activas.

Con este roteiro polos arredores do río Breiro, propoñemos achegarnos a este mundo e coñecer mellor as especies que habitan na nosa contorna, así como as condicións que precisan para vivir.

Para iso contaremos con Saba González e María Sánchez, expertas en bolboretas e socias de SOCEME (Soceme - Sociedad para la conservación y estudio de las mariposas en España). Saba é ademais a coordinadora galega de eBMS (Butterfly Monitoring System), o programa europeo de seguimento de bolboretas.

👉 IMPORTANTE: Recoméndase levar calzado axeitado á contorna que imos visitar (zonas con herba alta, auga, etc.).

➡️ Actividade de asistencia libre e apta para tódolos públicos.

Anímate a vir e descubrir o marabilloso mundo das bolboretas, Muchacha! 🦋💜

01/05/2026

❌ ACTIVIDADE ADIADA ATA NOVO AVISO ❌

🦋 Coñecendo as bolboretas da nosa contorna 🦋

📅 Venres 8 de maio
🕟 16:30h
📍 Saída desde o pavillón de Barraña

A primavera é un dos mellores momentos para observar a vida que nos rodea: co bo tempo, o alongamento dos días e a presenza do sol, moitas especies —entre elas as bolboretas— están especialmente activas.

Con este roteiro polos arredores do río Breiro, propoñemos achegarnos a este mundo e coñecer mellor as especies que habitan na nosa contorna, así como as condicións que precisan para vivir.

Para iso contaremos con Saba González e María Sánchez, expertas en bolboretas e socias de Soceme - Sociedad para la conservación y estudio de las mariposas en España. Saba é ademais a coordinadora galega de eBMS (Butterfly Monitoring System), o programa europeo de seguimento de bolboretas.

👉 IMPORTANTE: Recoméndase levar calzado axeitado á contorna que imos visitar (zonas con herba alta, auga, etc.)

➡️ Actividade de asistencia libre e apta para tódolos públicos.

Anímate a vir e descubrir o marabilloso mundo das bolboretas, Muchacha!

25/04/2026

🌹🌹 + 1️⃣0️⃣ 🌹🌹

Muchachas! Hoxe, 25 de abril, cumprimos unha década desde a nosa constitución social como asociación.

O 25 de abril foi, é e seguirá sendo un símbolo de esperanza, liberdade e resistencia pacífica. Unha memoria viva das loitas colectivas que abriron camiños e que nos lembran que ningún dereito acadado está garantido.

Pero tamén é unha oportunidade para poñer no centro o papel das mulleres nesas loitas: as que sosteñen, organizan e empurran, moitas veces sen recoñecemento, para que a liberdade se constrúa no día a día.

10 anos despois, seguimos medrando, tecendo rede e abrindo camiños xuntas. Venham mais 10! Parabéns, compañeiras ✊🏼🌹

E por suposto, grazas ás muchachas asociadas por estar, por implicarvos e por facer deste proxecto algo vivo.

Eternamente agradecidas ❤️

Dirección

Boiro
15930

Página web

facebook.com

Notificaciones

Sé el primero en enterarse y déjanos enviarle un correo electrónico cuando Unión de Muchachas publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.