¿Qué es el sitio web?

https://www.facebook.com/110978191982852/

Fundación Antón Losada Diéguez

Casa
España
Boborás
Fundación Antón Losada Diéguez

Antón Losada Diéguez, nado en 1884 en Moldes, Boborás, foi un dos impulsores da Xeración Nós.

17/05/2026

Dende a Fundación Antón Losada Diéguez queremos desexar un feliz Día das Letras Galegas.

Neste 17 de maio celebramos a nosa lingua e a nosa literatura lembrando a figura de Begoña Caamaño, autora homenaxeada nas Letras Galegas 2026.

Para a Fundación é unha data especialmente significativa, xa que Begoña Caamaño foi gañadora do Premio Antón Losada Diéguez na súa XXVIII edición pola obra Morgana en Esmelle.

Este vínculo co Día das Letras Galegas é tamén parte da nosa propia memoria: no ano 1985, esta celebración estivo dedicada a Antón Losada Diéguez, figura esencial do galeguismo e da cultura galega.

Begoña Caamaño non puido recoller persoalmente aquel recoñecemento, pois atopábase moi delicada de saúde, pero a súa voz, a súa escrita e o seu legado permanecen vivos na memoria literaria de Galicia.

Feliz Día das Letras Galegas.

04/05/2026

A XLI edición do Premio Antón Losada Diéguez xa ten presentadora.

O vindeiro 13 de xuño de 2026, no Pazo de Moldes, a entrega deste recoñecido premio estará conducida por Nuria Castro, xornalista e reporteira da Televisión de Galicia.

Nuria é unha profesional cunha ampla experiencia no sector audiovisual, apaixonada da comunicación e cunha gran capacidade para achegarse a distintos escenarios, temáticas e persoas. Licenciada en Xornalismo pola Universidade de Santiago de Compostela, traballou tamén como guionista en programas de entretemento e en documentais, entre eles traballos arredor do caso de Diana Quer e tamén sobre a historia do wolframio.

Unha muller que, igual que Antón Losada Diéguez e a Xeración Nós, entende o valor de coidar a nosa cultura, a nosa identidade e a nosa lingua.

Unha extraordinaria profesional que conta coma ninguén a actualidade a través da pantalla, e que será a encargada de acompañarnos nun acto moi especial para Boborás, para Moldes e para a cultura galega.

Agardámosvos o 13 de xuño no Pazo de Moldes.

25/04/2026

📚 Fallo do XLI Premio Antón Losada Diéguez

Hoxe reuniuse o xurado na Casa do Concello de Boborás para deliberar e fallar a presente edición do premio, acordando as seguintes obras gañadoras:

🔹 Modalidade Creación Literaria
📘 Son coma glaciares os barcos de aceiro
✍️ Cynthia Menéndez
📍 Editorial Galaxia

O xurado destacou que se trata dunha narración de alento lírico e esteticamente innovadora que aborda a mobilización sindical no naval de Vigo nos anos noventa, un tema aínda pouco explorado na literatura galega.

🔹 Modalidade Ensaio e Investigación
📕 As tolas que non o eran. Mulleres no manicomio de Conxo (1885–1936)
✍️ Carmen V. Valiña
📍 Editorial Galaxia

O xurado valorou nesta obra a adopción dun estilo singular e fluído, próximo da narrativa de ficción, que lle permite ofrecer unha visión lúcida sobre un tema pouco investigado: o tratamento das mulleres no sanatorio de Conxo. A perspectiva crítica aplicada ao arquivo desa institución fai que se poñan de relevo cuestións como a violencia machista, a maternidade ou a disidencia social, así como a súa dimensión histórica.

📅 A entrega do premio terá lugar o vindeiro 13 de xuño no Pazo de Moldes, en Boborás, casa natal do escritor.

O premio conta cunha dotación de 6.000 euros por modalidade, e está convocado polos concellos de Boborás, O Carballiño e a Deputación de Ourense.

Parabéns ás premiadas.

27/12/2025

📚 Convocatoria aberta | XLI Premio Antón Losada Diéguez

Os Concellos de Boborás e O Carballiño, coa colaboración da Deputación Provincial de Ourense, convocan a XLI edición do Premio Antón Losada Diéguez, un dos galardóns de referencia da cultura galega.

🖋️ Modalidades:
▫️ Creación literaria: 6.000 euros
▫️ Investigación e ensaio: 6.000 euros

📅 Poderán presentarse obras publicadas en 2025 e orixinais en galego.
⏳ Prazo límite: 31 de xaneiro de 2026

📄 Consulta as bases completas no documento adxunto / ligazón. http://www.boboras.gal/convocatoria-xli-premio-anton-losada-dieguez/

Dirección

Rua Do Bon Casar 40 Moldes
Boborás
32514

Página web

facebook.com

Notificaciones

Sé el primero en enterarse y déjanos enviarle un correo electrónico cuando Fundación Antón Losada Diéguez publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.