27/11/2025
👥 𝗕𝗨𝗦𝗧𝗨𝗥𝗜𝗔𝗟𝗗𝗘𝗞𝗢 𝗢𝗥𝗜𝗘𝗡𝗧𝗔𝗭𝗜𝗡𝗢 𝗝𝗔𝗥𝗗𝗨𝗡𝗔𝗟𝗗𝗜𝗔𝗞 𝟮𝟬𝟮𝟱
✔️ Busturialdeko gazteek zientzia, teknologia, arte eta kreatibidadearen inguruko orientazino eta trebakuntza jardunaldietan parte hartzen ari dira
Busturialdeko batxilergoko ikasleek zientzia, teknologia eta arte arloetan orientatzeko eta trebatzeko antolatutako jardunaldietan parte hartuko dabe gaur eta bihar. Gaur Gernika-Lumoko Jai Alai frontoian burutu dira saioak eta bihar, ostera, Bermeoko Artza frontoian.
Gernika-Lumon, arlo zientifiko-teknikoari eskainitako topaketan, eskualde osoko 177 ikasle batu dira gaur goizean; 163 ikasle izango dira, barriz, Bermeon bihar (azaroak 28) izango dan arlo artistiko-sozialari buruzko jardunaldian.
Jardunaldi honeek Bizkaiko Foru Aldundia / Diputación Foral de Bizkaiaren eta Ajangiz, Arratzu, , Busturia, Elantxobe, Ereño, Errigoiti, Forua, Gautegiz-Arteaga, Gernika-Lumo, Kortezubi, Mendata, Morga, Mundaka, Murueta, Muxika, Nabarniz eta Sukarrieta udalerrien artean sinatutako 𝗕𝗶𝘇𝗸𝗮𝗶𝗮 𝗚𝗮𝘇𝘁𝗲𝗮𝗸 𝗕𝘂𝘀𝘁𝘂𝗿𝗶𝗮𝗹𝗱𝗲𝗮 2025-2027 lankidetza-hitzarmenaren barruan kokatzen dira. Hitzarmenaren helburua da udalerri horreetako gazteria arloko politika integrala ezarri, bultzatu eta garatzea.
✅ Honako zentroek parte hartuko dabe jardunaldietan:
👉 Gernika-Lumon: 42 Urduliz Bizkaia Fundación Telefónica, EHU Ingeniaritza, EHU Zientzia eta Teknologien Fakultatea, FP Tartanga, Zabalburu Ikastetxea, Lea Artibai Ikastetxea, Politeknika Txorierri eta Zulaibar Arratiako Lanbide Ikastegia.
👉 Bermeon: IED Kunsthal Centro Superior de Diseño, ECPV (Escuela de Cine del País Vasco), EUNEIZ Universidad, Zabalburu Ikastetxea, Lea Artibai Ikastetxea eta Politeknika Txorierri.
Horrez ganera, erakusketa gune berezi batean, ikasleek goraka doazen teknologia barriak probatzeko aukera izango dabe: errealidade birtuala, beso robotikoak eta adimen artifizialeko aplikazinoak, besteak beste.
Teknologiaren arloko adituen eskutik, gazteek aukera izango dabe tresna horreek zentroek eskaintzen dabezan prestakuntza-programetan eta etorkizuneko lan-errealitatean zelan integratzen diran ulertzeko.
Proiektu honen baitan, eskualdeko DBH eta Batxilergoko gurasoei zuzendutako orientazino jardunaldiak aurreikusita d**oz 2026ko urte hasikerarako. Azoka modura egingo dan jardunaldi horretan, Euskal Autonomia Erkidegoko goi-mailako ikasketa zentruak euren eskaintza erakutsiko dabe.
