17/09/2026
EN 1932, NA PRENSA ASTURIANA RECLÁMASE ACELERAR L’ESTATUTU D’AUTONOMÍA D’ASTURIES
El 2 d’agostu de 1932, el diariu Avance asoleyaba un artículu nel que reclamaba acelerar la tramitación del estatutu d’autonomía d’Asturies pa l’aplicación, acordies colos intereses asturianos, del proyeutu de reforma agraria que taba discutiéndose nes Cortes del Estáu español.
Nel articulu señalábase que nes Cortes yá taba falándose de qu’esta reforma agraria nun se diba aplicar en Catalunya, porque cola aprobación del estatutu catalán “esa materia ye una de les que queden indiscutiblemente na competencia de la rexón, tanto al llexislar como al executar”.
L’artículu siguía diciendo que, por razones asemeyaes, tampoco diba aplicase en Nafarroa, Aragón, Euskadi y Galicia, debío a que na agricultura d’esos territorios esistíen realidaes distintes que xustificaben condiciones diferentes na aplicación de la reforma agraria y “hai motivos qu’aconseyen que seyan elles mesmes les que, dientru ciertes normes xenerales, la proyeuten, ellaboren y apliquen”.
D’esta manera, “Asturies quedaríe sola ente les rexones del Norte, sometida a una llei xeneral que nun-y convien porque nun s’adauta a les condiciones reales de la so agricultura”.
Semeya del diariu Avance de 2 d’agostu de 1932.
Blog Los Papeles de La Trókola: https://www.google.com/goto?url=CAESYwHrOzAVsm1fWJE0FVxGxGuIVdTdLYY37jSUJ0U5-lmIcU_-jwoN_bUgB74mAU4pIPUNebrIUQf2zJ2Fp-Uv_8VBwA4Mql4gCDqtG8Q5__JiJuk8YZzehG-uAzjxgFIV9oHDyw
Web Asturias 1936: https://www.google.com/goto?url=CAESYgHrOzAV5vPJMqBo-4eEXc7vsCnC3DvQh0lWmRvGbNigGSWu3YWWKVoU57J6rCXU75KEyP191lyI6EvUQ6DnuiHIJgMtlxLrfKtf2cYYx4J0m21uc-icB1H6z0QkHg6dOuZg
