02/06/2026
[Sexu langileen nazioarteko eguna]
Agenda feministan egun seinalatua dugu gaurkoa.
Beraz, batu gaurko mobilizazioetara!💥
Iruñea, 20etan udaletxe plazan.
Gasteiz, 18.30ean Koño plazan.
Donostia, 19.00etan Bulebarrean.
Bilbo, 19.00etan Arriaga plazan.
Mugimendu Feminista askotariko subjektuek osatzen dute. Horietako bakoitza posizio jakin batetik abiatzen da borrokara eta elkarrekin sistema kapitalista heteropatriarkal arrazista eta kolonialistaren aurka borrokatzen dugu.
Zapalkuntza horiek borrokatzeko eta sistemaren aurka altxatzeko baditugu egun partekatuak agenda feministan. Beste egun batzuk, aldiz, subjektu espezifikoetako ahotsak eta aldarrikapenak erdigunera ekartzekoak izaten dira, ekainaren 2a, adibidez.
Bilgune Feministatik argi diogu, putak Mugimendu Feministan nahi ditugula eta puten eskubideen aldeko borrokarekin bat egitea ezinbestekoa dela. Agendan ezinbestean sartu beharreko eguna, beraz, gaurkoa.
Sexu-lanaren kriminalizazioak eta estigmatizazioak sexu-langileen kontrako ondorioak dakartza; poliziaren jazarpena, lege murriztaileak, migrazio-politika diskriminatzaileak, jendartearen mespretxua…
Mugimendu Feministan beraz, sexu-langileen ahotsak entzunarazi nahi ditugu, haien eskubideen aldeko borroka politikoa eta soziala aitortu nahi dugu eta jendartearen aurreiritzi eta estigmei aurre egiteko tresnak martxan jarri.
Ez ditugu puten kontrako ohiu eta jarrerak onartuko asanblada eta manifestazioetan. Aliantzak eraikitzen jarraitzeko ardura hartzen dugu eta haien eskubideen defentsarekin bat egiten dugu.
SEXU LANA
LANA DA
ETA PUTENTZAKO
LAN ESKUBIDE GUZTIAK NAHI DITUGU!
Gora borroka feminista!
![[Sexu langileen nazioarteko eguna]Agenda feministan egun seinalatua dugu gaurkoa. Beraz, batu gaurko mobilizazioetara!💥...](https://img5.ngos1.com/683/830/1419967466838305.jpg)
![[Apirilak 26]INOIZ EZ DA BERANDUBO***RA IZATEA ERABAKITZEKOBizi garen sistema heteropatriarkal kapitalista, arrazista et...](https://img4.ngos1.com/664/811/1388536036648115.jpg)
