26/06/2026
🐮
Hoxe celebramos o pregón das Festas de San Pedro 2026 cunha homenaxe que nos enche o corazón.
Este ano as festas celebran as nosas orixes e a nosa tradición.
Festexamos a Gandeiría.
Unha profesión profundamente arraigada en Santa Comba e Mazaricos, na nosa querida comarca do Xallas.
Nesta homenaxe convidamos a todas as gandeirías do Concello a que nos acompañen.
Non podemos ter mellores pregoeiros que dúas persoas que representan á perfección a tradición gandeira.
🔴María Ramos Castro, leva toda unha vida ligada ao campo, exercendo de forma profesional dende os 20 anos. Socia de SAT Os Agros e mamá a tempo completo de dúas nenas de 3 e 4 anos. María representa á perfección á muller rural que traballa dentro e fóra da casa e que une tradición e modernidade.
⚫️Iván García Amarelle, estudante de Veterinaria e a piques de incorporarse á granxa familiar de Vilamaior, onde xa van pola 3ª xeración. Traballa para darlle ao sector gandeiro unha boa imaxe e percepción social. Para isto colabora en visitas, xornadas e charlas. Ademais, ten unha aficción moi particular: presentarse a concursos de morfoloxía bovina, onde este ano, unha das súas vacas levou o premio de Gran Campiona de Galicia. Iván representa a ese ideal de rapaz de aldea, que supón o relevo xeneracional que lle dará un novo impulso profesional ao sector.
Iván e María estarán acompañados por diferentes representantes das granxas de Santa Comba: Gandeiría García Caamaño (Frieiro), Finca A Fonte (Santa Sabiña), Gandeiría Domínguez Porteiro (O Riveiro), Gandeiría Serpe (Tapia), Pérez Regueira (Tapia), Gandeiría Arixón (Os Picotos), Gandeiría Novasvarela SC (O Vilariño), Gandeiría Os Agros (Frieiro), Gandeiría Rieiro SC (Os Picotos), Gandeiría Ponte dos Carros (Padreiro) e os que aínda poidan acompañarnos a última hora, que xa sabemos que o Pregón cadra ca hora de muxir!
Moitas grazas a todos e a todas e moi felices Festas de San Pedro 2026! 🎉
