Herba Grileira

Página web Contactar con la organización

Escola de baile e música tradicional de Melide (A Coruña) A HERBA GRILEIRA é unha herba máxica con marabillosas propiedades, case incribles.

Unha herba de lenda que medra nos ríos, na auga corrente, que ten liberdade, movemento e que transmite vitalidade. Esta definición é o punto de partida do colectivo que forma parte deste proxecto, un colectivo que traballa a favor da cultura e a música tradicional con liberdade e dinamismo, transmitindo uns valores educativos serios e nobles a través das súas actividades. HERBA GRILEIRA é unha ESCOLA DE BAILE E MÚSICA TRADICIONAL que bota a andar no ano 2009 coa finalidade de impulsar o folclore en Melide e na súa comarca. Actualmente a escola conta con máis de 150 alumnxs repartidxs en varias disciplinas: baile tradicional, gaita, acordeón, percusión e canto tradicional. A Asociación Cultural e Musical Herba Grileira é a que lle da soporte á ESCOLA que ao longo do ano tamén desenvolve outras actividades como:

- Obradoiros de construcción de instrumentos.
- Elaboración e difusión de materiais didácticos e divulgativos relacionados coa música tradicional.
- Actividades formativas e lúdicas de diversa índole encamiñadas a lograr un maior coñecemento da nosa música e unha maior presenza da mesma na vida cultural e social da comarca.

26/10/2026

Xa temos data para o magosto grileiro! 🌰💚

O vindeiro venres, 13 de novembro, temos unha cita para xuntarnos, compartir uns pinchos, unhas castañas e, como non podía ser doutro xeito, moita música! 🥁

📅 Venres, 13 de novembro
🕤 21:30 h
📍 Pulpería A Garnacha

Antes de cear, teremos unha pequena actuación das escolas de Herba Grileira, na que o alumnado poderá compartir con todos nós algunhas das pezas que está traballando nas aulas.

E despois de cear, foliada libre ata que o corpo aguante! 🎶

Os tickets para asistir poderán adquirirse nas nosas clases. A data límite para facerse con eles será o 11 de novembro.

Agardamos vervos a todos por alí, que sempre presta compartir estes momentos coa familia grileira! 💚

08/09/2026

A piques de comezar o novo curso, non queriamos deixar de poñer por aquí un pequeno resumo do que, para nós, foi unha das datas máis especiais do ano 💚

Este San Roque tivemos a oportunidade de poder tocar na casa. Iso sempre é especial, pero non puidemos sentirnos máis arroupados por toda a xente que encheu esta praza. Grazas por acompañarnos e por todas as palabras bonitas que nos adicastes despois do concerto.

Grazas especiais a por seguir formando parte da familia grileira e narrar este concerto da mellor maneira posible.

Pensamos que a resaca emocional deste día nos vai durar un tempiño. Grazas, Melide! 💚

📹:

07/09/2026

A volta á rutina que si botabamos de menos! 😇

Con cousiñas aínda pendentes que ensinarvos do que foi o noso verán… estamos xa cos preparativos do vindeiro curso 2026/2027.

Comenzaremos en outubro, como todos os anos. Se queres formar parte da familia grileira, contacta con nós! 💚

Vémonos nas aulas! 🥁
Concello de Melide Cultura da Deputación da Coruña

23/08/2026

Dirección

Melide
A Coruña
15800

Página web

http://herbagrileira.blogspot.com.es/

Notificaciones

Sea el primero en enterarse: le enviaremos un correo electrónico cuando Herba Grileira publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.