Asociación veciñal Agra do Orzán

Casa
España
A Coruña
Asociación veciñal Agra do Orzán

Páxina da Asociación veciñal da Agra do Orzán

21/06/2026

Has de tocar, meniña gaiteira: unha achega á situación das gaiteiras na música tradicional
É o título da conferencia que Marina Fernández Vigo desenvolverá o vindeiro venres, 26 de xuño ás 20:15 h no local veciñal (rúa Entrepenas, 38).
A entrada é libre ata encher a capacidade do local.

21/06/2026

O vindeiro xoves, 25 de xuño ás 19:30 h desenvolveremos no local veciñal (rúa Entrepenas, 38) a segunda palestra de 2026 do noso Memorial Carlos Parrado: a nosa historia, a cargo de Uxío Breogán Diéguez Cequiel coa conferencia "O Estatuto de Autonomía de Galiza. Da Asemblea da Coruña ás Cortes no exilio (1931-1945)". A entrada é libre ata encher a capacidade do local.
A loita pola Autonomía de Galiza é unha realidade que asociamos ao plebiscito do ano 1936, mais o certo é que o proceso arrancou legalmente nunha multitudinaria asemblea de concellos no ano 1931 e que concluíu no ano 1945, en pleno exilio. Á fronte do proceso foron varias as figuras de referencia, destacando Alexandre Bóveda, Enrique Rajoy Leloup e Daniel Rodríguez Castelao, desenvolvéndose entre o tempo republicano e un exilio no que a República española procurar sobrevivir, mentres a ditadura franquista estaba a fraguar.

13/06/2026

Eu tamén quero bailar: curso gratuíto de baile e pandeireta para crianzas menores de 12 anos.
De obtermos a subvención que solicitamos ao Concello da Coruña, desenvolverémolo no mes xullo 2026, das 11 ás 13 h nunha aula do Centro Ágora.
Só require Inscrición antes do 20 de xuño na Asociación veciñal Agra: no local (rúa Entrepenas, 38 soto -das 18 ás 20 h de luns a venres salvo festivos), por tf. 981 261 044, por whatsapp 604 031 338 ou por correo electrónico [email protected]
Deberá indicar: (nome, apelidos e idade da crianza)+(nome, apelidos e tf. de contacto da persoa titora legal).

13/06/2026

Un ano máis organizamos os cursos gratuítos de xullo subvencionados Cultura da Deputación da Coruña: baile tradicional, pandeireta e pandeiro.
Para: persoas de máis de 12 anos
Cando: 1-30 de xullo, intensivos
Onde: ao aire libre na praza das Cunchiñas ou no local veciñal, segundo as condicións meteorolóxicas)
Grupos de 10 a 16 persoas, en quendas de mañá ou tarde
Son de balde, mais, para organizar os grupos, é preciso inscribirse antes 20 de xuño: no local da Asociación veciñal Agra (rúa Entrepenas, 38 soto, no horario de atención: de luns a venres, das 18 ás 20 h), no tf. 981261044 ou no whatsapp 604031338 ou por correo-e: [email protected]. Deberán indicar nome, apelidos, idade, teléfono de contacto, e preferencia de obradoiro/s -baile/pandeireta/ pandeiro- e quenda.

13/06/2026

FoliAgra nesta fin de semana: ruadas, microconcertos e FoliAgra das Letras
RUADAS das 11:30 h ás 14 h dende a Praza das Cunchiñas
sábado 13: Santaia
domingo 14: Ancoradoira

MICROCONCERTOS da Escola Municipal de Música - sábado 13 de xuño
18:00-18:15 h, rúa Barcelona 73-77: Grupo de Dubi Baamonde (banda de gaitas -música tradicional-) ruada e guía ao lugar de actuación dos outros grupos
18:15-18:45 h, rúa Barcelona 73-75: Grupo de Yelene Acosta (pop-moderno)
19:15-19:45 h, praza das Cunchiñas: Grupo de Galina Zavtur Gavrilov (agrupación de acordeóns -música popular e tradicional-)
20:00-20:30 h, rúa Barcelona 7: combo de jazz

FOLIAGRA DAS LETRAS
En Galgo Azul sábado 13 de xuño ás 19 h: "Galicia dende a novela histórica" Unha conversa entre Carmen Blanco Sanjurjo (autora de "Gorrións e falcóns") e Rodrigo Costoya (autor de "O século do milagre" e "Fillos de Gael"). Actividade de balde para público mozo e adulto, sen inscrición previa.

13/06/2026

Galicia dende a novela histórica
A FoliAgra das Letras convídanos á conversa entre a autora Carmen Blanco Sanjurjo ("Gorrións e falcóns") e o autor Rodrigo Costoya ("O século do milagre" e "Fillos de Gael").
Actividade de balde, sen inscrición previa.
Hoxe, sábado 13 de xuño ás 19 h en Galgo Azul na Avenida Agramela 16-18, 15010. A Coruña

10/06/2026

A nova edición do Festival Sons do Estío do programa Agra no Ágora intégrase un ano máis na programación da FoliAgra, a festa do barrio da Agra do Orzán, para convidarnos ao concerto “Cando o fado soa libre” de Cristina Branco e banda.
Cristina Branco é unha fadista imprescindíbel da música portuguesa: renova o fado desde o respecto profundo á tradición, incorporando novas sonoridades e unha interpretación íntima e poderosa. A súa voz clara e expresiva convídanos a unha viaxe pola saudade, a poesía e a emoción compartida.
Este concerto será no auditorio do Centro Ágora o domingo 28 de xuño ás 19:30 h, e, como todas as actividades do programa “Agra no Ágora”, é de acceso libre e gratuíto; o programa está financiado polo Concello da Coruña e deseñado en colaboración coa Asociación veciñal Agra.

10/06/2026

FoliAgra: imos pola segunda semana da festa do barrio da Agra do Orzán
RUADAS das 11:30 h ás 14 h dende a Praza das Cunchiñas
sábado 13: Santaia
domingo 14: Ancoradoira
MICROCONCERTOS da Escola Municipal de Música – sábado 13 de xuño
18:00-18:15 h, rúa Barcelona 73-77: Grupo de Dubi Baamonde (banda de gaitas -música tradicional-) ruada e guía ao lugar de actuación dos outros grupos
18:15-18:45 h, rúa Barcelona 73-75: Grupo de Yelene Acosta (pop-moderno)
19:15-19:45 h, praza das Cunchiñas: Grupo de Galina Zavtur Gavrilov (agrupación de acordeóns -música popular e tradicional-)
20:00-20:30 h, rúa Barcelona 7: combo de jazz
FOLIAGRA DAS CRIANZAS: sesións matinais de xogos tradicionais e concerto para o alumnado do CEIP do CEIP Raquel Camacho: o venres 12 “Xogos XXL” de Anacos
FOLIAGRA DAS LETRAS da Libraría Galgo Azul
Martes 9 de xuño ás 18 h: Carapuchiña Vermella, espectáculo da compañía Pedras de Cartón. Actividade de balde para familias, con entrada previa en https://entradium.com/gl/organizers/galgo-azul-espazo-cultura
Xoves 11 de xuño ás 19 h: Bingo literario! Da man da poeta Lucía Aldao, un encontro para xogar, cantar bingo e gañar libros. Actividade de balde para público mozo e adulto, con entrada previa en www.entradium.com
Sábado 13 de xuño ás 19 h: Galicia dende a novela histórica Conversa entre autora/es Carmen Blanco Sanjurjo (Gorrións e falcóns) e Rodrigo Costoya (O século do milagre e Fillos de Gael) e Juan Tranche (Innocentia). Actividade de balde para público mozo e adulto, sen inscrición previa.
Información actualizada da FoliAgra na nosa web http://galizacultura.gal/agra/

04/06/2026

FoliAgra 2026
A andaina literaria programada para hoxe adiouse para o 15 de xuño.
Actualizamos a información desta semana. Comezamos o sábado 6 de xuño con ruada de Herba Grileira, concerto da Orquestra Infantil da Sinfónica de Galicia e os Cantos de taberna dos grupos Cantareiros do Naval, Parabéns, Tradivivas Agra e Vento Mareiro. O domingo, fai a ruada a asociación Folliñas de Oleiros.
Viva a xente da festa!!!!

02/06/2026

Concerto da Orquestra Infantil da Sinfónica de Galicia: este sábado 6 de xuño ás 18 h no auditorio do Centro Ágora
A FoliAgra, a festa do barrio da Agra do Orzán, inclúe os eventos do programa Agra no Ágora deste mes de xuño.
Como todas as actividades do programa “Agra no Ágora” son de acceso libre e gratuíto; o programa está financiado polo Concello da Coruña e deseñado en colaboración coa Asociación veciñal Agra.

Dirección

Rúa De Entrepenas, 38 Soto
A Coruña
15010

Teléfono

981261044

Página web

http://galizacultura.gal/agra/

Notificaciones

Sé el primero en enterarse y déjanos enviarle un correo electrónico cuando Asociación veciñal Agra do Orzán publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.