Cofradía de Pescadores De Corcubión

15/05/2026

👌🏻Compartimos esta interesante iniciativa organizada polo na nosa zona de influencia.

🐟 🩵PESCA SAÚDE
Unha actividade que pon en valor a calidade, o valor nutricional e a importancia dos produtos do mar na nosa alimentación, e por tanto, na nosa saúde.

😋🍴Ademais de información de hábitos de alimentación saudables e guías nutricionais, poderase degustar de elaboracións con produtos do mar realizadas por profesionais da cociña local.

📍 As xornadas desenvolveranse nos centros de saúde de:

- Cee (martes 21)
- Muros (mércores 22)
- Noia (xoves 23)

🕑 En horario de 11:00 a 13:00 h.

👏🏻 Animádevos a participar nesta actividade!

11/05/2026

🌊🤔 Sabes distinguir unha navalla dun longueirón?

Se te fixas na forma da súa cuncha, verás que é máis doado do que parece 👇

🔹 *Navalla* (Ensis magnus): ten unha cuncha arqueada e adoita ser máis curta e fráxil.

🔹 *Longueirón* (Ensis siliqua): presenta unha cuncha recta e rectangular e pode acadar maior tamaño.

❗ Non te fies da cor para diferencialos; esta depende de factores biolóxicos e ambientais.

👀 **Truco rápido:** lembra que a *navalla* é curva, igual que a navalla dun barbeiro.

Agora xa non hai fallo! 😉

🦀🐚🐟

30/04/2026

🌊Hoxe queremos poñer en valor un pequeno tesouro do noso mar: a coquina ou cadelucha (Donax Trunculus), extraída nesta xornada polo noso colectivo de mariscadores a pé e comercializada na lonxa de Corcubión.

👌🏻😋A cadelucha é un molusco bivalvo moi apreciado culinariamente pola súa textura fina e o seu sabor delicado.

🩵Coa mesma, tamén é un recurso que precisa dun equilibrio moi delicado para vivir, por iso non é común en todos os areais.

29/04/2026

🌊 Remata a campaña do ourizo de mar

🤿 Dase por finalizada a campaña extractiva do ourizo de mar (Paracentrotus lividus), coincidindo co inicio do seu período reprodutivo e de desove. Unha pausa necesaria para respectar o seu ciclo biolóxico e garantir a sustentabilidade da especie.

🔎 Curiosidade: ao abrir os ourizos, as gónadas poden presentar distintas tonalidades. Xeralmente, nas femias predominan cores máis avermelladas ou alaranxadas 🔴, mentres que nos machos son máis habituais tons amarelos ou dourados 🟡.

📸 Na foto pódese apreciar esta diferenza na cor.

🍂🙌🏻 No outono retomaremos de novo a actividade.

08/03/2026

Hoxe, 8 de marzo, queremos render unha homenaxe a todas as mulleres traballadoras e especialmente, a todas as traballadoras do mar; mulleres fortes, valentes, que representan unha tradición e que desempeñan un papel fundamental nas vilas costeiras. 🌊🦪

17/02/2026

💪🏻Tras os temporais continuos das últimas semanas parece que o mal tempo da unha tregua e a nosa xente do mar comeza a retomar a actividade.

🩵 Destacamos na poxa do día de hoxe a variedade e calidade dos produtos pesqueiros e marisqueiros.

🌊 A riqueza do noso mar
🐟 Produto fresco e de calidade
⚓ Pesca artesanal

16/01/2026

📣 🤝A Confraría de Pescadores de Corcubión únese a paralización da frota pesqueira convocada polo sector para o día 19 de xaneiro para protestar polas novas obrigacións impostas polo Regulamento de Control da Pesca, as cales non se axustan a realidade do sector.

🙌🏻 Non estamos en contra do control, só pedimos que se apliquen obrigacións que se poidan cumprir e sexan proporcionadas ao traballo no mar, que garantan a protección dos recursos e que non comprometan a viabilidade do sector nin a seguridade das persoas.

💻🌊Non se pode esperar que os pescadores sexan os recopiladores de datos para crear estadísticas. Esta non é a súa labor, nin dispoñen das infraestructuras necesarias, nin a súa contorna de traballo resulta axeitada para levar a cabo esa tarefa.

24/12/2025

💙 Nestas datas queremos facervos chegar os nosos mellores desexos e facer unha especial mención a aquelas persoas que, co seu traballo diario, fan posible que o mar siga sendo sustento, tradición e futuro das nosas vilas.

🎉Bo Nadal e Feliz Ano Novo!

05/12/2025

03/12/2025

O vindeiro xoves, 4 de decembro, terá lugar na Cofradía de Pescadores De Corcubión un TALLER DE EMPRENDEMENTO para o .
Este taller persegue difundir as posibilidades que ofrece o como unha fórmula de diversificación no noso territorio Costa Sostible.
O taller, encadrado no proxecto de cooperación “MAR E RÍAS, PESCA & TURISMO”, terá lugar entre as 16.00 e as 17.30h.

Inscricións:
WhatsApp 638 033 467 ou na propia Confraría de Corcubión.