04/01/2026
هو إحنا بجد لسه بنتفاجئ؟
أنا مستغرب جداً من الناس اللي مبرقة وعينيها طالعة لبرة عشان أمريكا راحت قبضت على رئيس فنزويلا (مادورو). يا جماعة، هي دي أول مرة؟ هي الديمقراطية بتاعتهم مابتنزلش غير بالپاراشوتات؟
المنظر ده شفناه كوپي بيست قبل كده في العراق مع صدام حسين. نفس الدخلة، ونفس السيناريو، ونفس الحجج اللي بتتحط عشان في الآخر يسيطروا على اللي هما عايزينه.
المشكلة مش في اللي أمريكا بتعمله، لأن ده سيستم هما ماشيين عليه ومابيتغيرش.. المشكلة فينا إحنا إن ذاكرتنا بقت زي السمك، وبنحسس نفسنا في كل مرة إن دي سابقة تاريخية ومحصلتش قبل كده.
اللي بيستغرب النهاردة كأنه لسه مولود، العالم ده مابيمشيش غير بالقوة، والشرعية فيه للّي معاه السلاح الأقوى، مش للي معاه الحق.. فوقوا بقى عشان الفيلم ده محروق وشوفناه مية مرة قبل كده..
