https://www.facebook.com/347184252039261/

جمعية المستقبل المضيء الخيرية بكتامة, قرية كتامه مركز بسيون غربية, Tanta (2026)

06/03/2025

‏‎
‎ #رمضان
🕋
—-
🤲 اللهم إنا نسألك في ليلة الجمعة الأولى من رمضان علمًا نافعًا، وقلبًا خاشعًا، وجسدًا على البلاء صابرًا، ولذة النظر إلى وجهك الكريم يوم القيامة يا رب العالمين، اللهم أعتق رقابنا وأرفع درجاتنا في الجنة في الفردوس الأعلى يا أرحم الراحمين.
——
‎

27/02/2025

القواعد العشرون لرمضان

١_ افطر خفيف .. عشان تعرف تصلي التراويح ..وبعد التراويح كل اللي انت عايزه

٢_ تسحر متأخرا جدا .. ومتنساش موزاية وزباداية

٣_ اختر مسجدا من الآن فيه إمام بيصلي بقلبه ويقرأ القرءان بقلبه وتدخل بدري وتصلي في الصف الأول..

٤_ لا تفتح التليفزيون..
وماتنشغلش بال trends كلها إعلانات مدفوعة لإجبارك على الرؤية عشان يشغلوك .. ولو الدنيا كلها بتتكلم اشغل بالك بالقرءان

٥_اشتري مصحف أو طلع مصحفك القديم عشان تختم فيه مرة واتنين و.. ١٠ لو ربنا كرمك .. واستعيد الذكريات يابطل💪..

٦_ ماتشغلش بالك لا امتى تخلص الورد أو السورة أو الختمة .. المهم تقرأ وتحاول تفهم وتدبر المعنى ..

٧_ تحفظ من دلوقتى دعاء سجدة التلاوة ( سجد وجهي للذي خلقه ، وشق سمعه وبصره بحوله وقوته { فتبارك الله أحسن الخالقين } {" اللهم أكتب لي بها عندك أجراً ، وضع عني بها وزراً ، واجعلها لي عندك ذخراً ، وتقبلها مني كما تقبلتها من عبدك داود }

لازم تحفظه ( هيقابلك كتير سجدات كتير سواء التروايح أو الختمات }

٨_لازلت عند رأيي ختمة واحدة بتدبر أعظم من مليون ختمة بلا تدبر .. وده ما يمنعش إنك تقرأ ختمات كتير وبتدبر أو محاولة فهم المعنى..
٩_ الصيام صوم عن كل المفطرات
أ. الطعام
ب. الشراب
ج. الشهوة
الشهوة أخطر من الطعام والشراب.. ولو ما كانش فيه فايدة من الصيام بتحصيل التقوى فماهي الفائدة؟؟

١٠_ أجر الصيام ربنا بس اللي يعرفه ( وده بيسميه العلماء الأجر العظيييييم ) ٣٠ يوم هتخليك في أعلى الجنان ..

١١ _ أمسك عليك لسانك إلا من الأذكار والقرءان والقول الحسن ..

١٢ _ النظر للمحرمات ليلا كالنظر للمحرمات نهارا ورب النهار هو رب الليل .. والشات المحرم في رمضان زي الشات المحرم في غير رمضان ..
١٣_ الشياطين كلها مصفدة ( مغلغلة ) أبواب الجنة متفتحة وأبواب النار مغلقة.. بالله عليك عايز إيه تاني ..
ياباغي الخير أقبل ياباغي الشر كفاية أبوس ايدك ( أقصر )

فرصة عظيمة تتعرف على نفسك بجد
١٤_ ناس كتيييييير بدأوا من رمضان وربنا فتح عليهم بعد كدة ( أنا واحد من الناس دي ) عشان كنت بحب شيخ معين وبحب أصلي رواه في رمضان ونسأل الله أن يتوب علينا

١٥_ رمضان سريع جدا جدا جدا...مفيش وقت للعب والانشغال ... قرءان وصلاة وذكر وجلسة مع الأحباب في مرضاة الله وصلة وبر و..و..و..
‏١٦ _ تصدق ولو بالقليل يوميا وخدلك أجر ولو صائم يوميا وشارك خير ولو بالقليل يوميا..

١٧_ شباب الدعوة وبنات الدعوة ياخدوا بالهم من الناس اللي حابة تلتزم في رمضان بيبقى فيهم طاقة إيمانية وايجابية عجيبة .. استغلوا حياة القلب عندهم وعندهن ..

‏١٨_ بالله عليك إن كنت ستبتلى برؤية المحرمات أو الملهيات من مسلسلات وبرامج مقالب وغيره بالله عليك بالله عليك .. بالله عليك كمان مرة لا تنشر ذلك على صفحتك ولا تشاركه الناس .. ممكن تضل حد أو تشغل حد .. أو تضيع صيام حد .. الناس عندها فضول تعرف .. بس ماسكة نفسها .. أنت بتكون سبب في كدة وبتاخد وزرهم وبتضيع عليهم رمضان كمان ...
١٩ _ راعوا جيرانكم الأرامل والأيتام والفقراء وبلاش أفصل أنتم فاهمين ..

٢٠ _ في حاجة كلنا بنغفل عنها وهي ( كثرة الدعاء والمناجاة ) مش معنى إنك دعيت مع الشيخ في الصلاة يبقى خلاص!! لا الدعاء وقت السحر.. وقت الإفطار ..

بعد الختمة .. بعد قراءةالقرءان .. وأنت ساجد والشيخ بقى مطول شوية .. قبل المغرب .. وماتنساش تدعو للمرضى في المستشفيات خصوصا السرطان واخوانا في غزة والسودان ......
وأسأل الله أن يبلغنا رمضان قيامه وصيامه وأن يبلغنا ليلة القدر أجرها وثوابها ..
والسلام ختام ..

دي تذكرة لي أولا ( ووالله أنا أحوج الناس بها ) ثم لكم أحبابي المتابعين والأصدقاء وانشروها لله

Address

قرية كتامه مركز بسيون غربية
Tanta
1317

Telephone

01287354613

Website

facebook.com

Alerts

Be the first to know and let us send you an email when جمعية المستقبل المضيء الخيرية بكتامة posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to جمعية المستقبل المضيء الخيرية بكتامة:

جمعية المستقبل المضيء الخيرية بكتامة