EEGS SU SC

Home
Egypt
Suez
EEGS SU SC

Contact information, map and directions, contact form, opening hours, services, ratings, photos, videos and announcements from EEGS SU SC, Nonprofit Organization, Suez.

◉ Environmental and Engineering Geophysical Society Suez University Student Chapter
◉ EEGS SU SC is considered as the first internationally-approved student chapter of its kind in MENA (the Middle East and North Africa region).

08/07/2022

كل عام وأنتم بخير، عيد اضحى مبارك ❤️✨

27/05/2022

لأننا في EEGS دايماً بنسعي اننا نساعدك ونحطكم على الـRight Track 😌
يسعدنا اننا نعلن عن فرصة تدريب online مجاني لطلبة كلية الهندسة الفرقة الثالثة والرابعة في المجالات:
▪️Introductory IADC
▪️HSE course
▪️Mud school
▪️Rig inspection
فرصة تدريب مقدمة من شركة عالم الصحراء للخدمات البترولية واللي تعتبر من أفضل شركات الخدمات البترولية، واللي تم تأسيسها سنة 2016 وساهمت في تدريب وتطوير عدد كبير من المهندسين طول الفترة دي

خليك عارف أنه التردد أكبر عقبة في طريق عشان كدة متتأخرش في أنك تملى الـForm دي قبل ما العدد يكتمل ومتلاقيش مكان ليك 👇🏃
https://forms.gle/R4hwQQzFvNt8jGxx6
وتكتبلنا في التعليقات ايه اكتر مجالين حابب تاخد فيهم تدريب مجاني، احنا كمان هنحط لينك لصفحة الشركة في الكومنتات، متنساش تبص علي 😌❤️

02/05/2022

عيد فطر مبارك، كل عام وأنتم بخير ❤️

24/04/2022

احنا في EEGS مقتنعين دايماً أنه دور الـ Student Activities مينفعش يقف عند الجزء العلمي وبس وأنه احنا علينا مسؤوليه تجاه المجتمع، عشان كدة مهم أننا نعمل زيارات خيرية باستمرار
وده جزء من زيارتنا لمستشفى 57357 لسرطان الاطفال، في جزء كبير مننا شايف أنه المكان متاح له كل الإمكانيات، وإنه المساهمات بتاعتنا هتكون بسيطة ومش مؤثرة بالنسبة لمكان كبير زي مستفى 57357، لكن الحقيقة أنه كل مساهمة مننا، حتى لو بسيطة فهى هتفرق جداً وهتساهم في إن المستشفي تضيف أمكانيات أعلى، وتقدر تستوعب اطفال اكتر، عشان مينفعش نسبيب اطفال تستنى، بلاش تقلل من أهمية أي خطوة تقدر عليها❤️

08/04/2022

You Are Enough

ودي مش مجرد جملة وخلاص، دي مهارة لازم تكون عندك عشان تقدر تكمل، وتقوم لوحدك، وتستمر في السعى رغم الظروف الصعبة، والحالة المزاجية اللي مش دايماً أحسن حاجة

الـ Self Motivation
قدرتك أنك تخرج نفسك من جو المشاكل والإحباط والحزن وأي حاجة ممكن تقصر على عزيمتك وتقللها، وده بغض النظر عن كونك حققت نجاح أو لسة بتسعى، أو حتى فشلت في حاجة، لأنك أصلاً موجود في الحياة عشان تقع وتقوم، وتقوم وتقع عادي. 🤷

ولأن الـ Self Motivation مهارة محتاجة تدريب وتطوير فخليني أقولك على كام طريقة تساعدك تخرج
الـ Self Motivated اللي جواك. 🤝
▪️بص على الصورة الكبيرة
كل واحد فينا بيبقى عنده حاجة بيحلم أنه يوصلها، والحاجة دي أحياناً بتوه مننا في زحمة اليوم والضغوطات والأيام الروتينية، فبننسى أهدافنا الحقيقة، ونعيش كدة نخلص اللي ورانا في يومنا وخلاص، لكن لما بنفتكر هدفنا الحقيقي وإن احنا ماشيين خطوات عشان نوصله، بيحصلك كدة تحفيز يخليك تكمل
▪️ تخيل نجاحك
وحط تفاصيل كتير في تخيلك، مجرد انك تتخيل شكل الحياة وأنت ناجح هيديك دافع أنك تكمل في الخطوات اللي انت ماشي فيها عشان توصل للنجاح وللحياة دي
▪️خليك فاكر انجازاتك
لأنه احنا كتير اوي بنقعد نجلد ذاتنا في حين أننا اصلاً عاملين إللي علينا، لكن عشان لسة موصلناش للي عاوزينه نشوف نفسنا مقصرين، لكن الحقيقة انك فعلاً عندك انجازات حتى لو صغيرة، مجرد استمراريتك في حد ذاتها إنجاز يستحق أنك تشكر نفسك عليه
▪️اهتم بصحتك
نام كويس، كل أكل صحي، أهتم بصحتك النفسية، لأنها بتأثر على صحتك الجسدية، وإنسان منهك اكيد مش هيكون قادر يعمل أي حاجة بكفاءة عالية، وكمان مش قادر يفكر بطريقة كويسة، وبالتالي مشتت ومتوتر

وأخيراً حط قدامك دايماً إن النجاح مش لازم يكون على المستوى المهني بس، لأنه في أوقات كتير مش بنشوف غير الجانب ده من حياتنا، وبننسى أنه عندنا جوانب تانيه زى علاقنا بأهلنا واصحابنا، علاقتنا بالناس اللي حولينا، علاقتنا بنفسنا، ممكن نكون حقيقي محققين فيهم إنجازات ومحافظين عليهم، ولكن احنا مش بنعتبر الحاجات دي إنجاز اصلاً، فخد بالك من نفسك وقدرها وحفزها، ومتستناش حد يعملك كدة عشان تحس بتحسن، لأنه أصلاً You Are Enough 😌❤️

وبعد ما عرفنا إن الإنجازات مش مقتصرة بس على الحياة المهنية اكتبلنا في التعليقات إي الإنجاز اللي فخور إنك عملته وإي الحاجة اللي لو عملتها هتحس بالإنجاز؟ 👀

02/04/2022

رمضان كريم، وكل عام وأنتم بخير 🌙❤️✨

31/03/2022

الأكيد إن كلنا عاوزين ننجح، لكن كام واحد فينا عنده استعداد يشتغل على نفسه عشان يوصل للنجاح🤔

كتير اوي اتكلمنا عن إن النجاح مش معتمد بس على اللي بندرسه في الكلية، وإن اكيد في Skills تانية متقلش أهمية عن الشهادة الجامعية، لكن المرادي مش هنقول بس

هنطبق ده بشكل عملي من خلال الـSessions اللي منظمها الـ HRD Committee في مجالات مهمة، وكمان هيكون في جزء هنتكلم فيه عن Soft Skills مهمة
هنتكلم عن
▪️الـ Social Media Marketing
▪️الـ Cv Writing

وفي الجزء الخاص بالـSoft Skills هنتكلم عن
▪️الـ Communication Skills
▪️الـProblem Solving
▪️الـ Critical Thinking
▪️الـ Interview skills
وعشان كلنا نستفيد هتكون الـOnline Sessions
على Zoom
اظن كدة ملكش حجة املى الـ Form دي دلوقتي 👇
https://docs.google.com/forms/d/e/1FAIpQLSfPNvds5sip4DdN5AvzKuUuXjDSKGtBBNnFzQLWckmkmhx5rw/viewform
عشان تقدر تحضر معانا، واعتبرها خطوة أولى في شغلك على نفسك عشان تقدر تكون ناجح ♥️
معادنا يوم الجمعة 4/8
وهيكون في Session كل يوم جمعة في رمضان

05/03/2022

اتكلمنا المرة اللي فاتت عن الـ Land Rig وعرفنا أنواعها، هنتكلم النهاردة عن الـ Marine Rig،
والـ Marine Rigهي البريمة اللي بنحفر بيها في البحر وأنواعها:
▪️ Bottom Supported (Jack Up-Submersible- Platform)
▪️ Floating (Semi-Submersible-Drill Ship -Barge)

ونعرف كل نوع منهم (يستخدم امتي ـ وموصفاته ايه)
وطبعاً اختيار نوع البريمة يتوقف أولاً على احنا بنحفرOn Shore ولا Off Shore، وعلي حسب عمق وضغط الـ Well اللي هنحفره، وأنواع الطبقات اللي هحفر فيها وهكذا

هنبدأ بـ Marine Rig بتوصل تكلفتها لـ(500,000) $/day وممكن $(1000,000)
وهنبدأ بأنواع الـ Bottom Supported، وأول نوع معانا هو:
▪ ️الـ Jack Up:
ـ ودي احد أنواع الـBottom Supported Marine Rig
ـ بنستخدمها لما يكون عمق المياه من m(150ـ 25) تقريباً
ـ أما بالنسبة لعمق البير نفسه الـ (Drilling Depth) فبيوصل لـ9000m
ـ بالنسبة للـHorizontal wells بيكون Max.Horizontal Drilling بيوصل لـ1000m
ـ وبتكون عباره عن supports غالباً من الـSteel، والـPlatform بتكون مرتكزه على الـSupports بحركة ميكانيكية معينه تقدر تطلع و تنزل على الـ supports طبقاً لمنسوب المياه طبعاً في البحر او المحيط
ـ لما بننتهي من الحفر، بنظام تروس معين يقدر ينزل الـ platform دي لحد ما تبقى ملامسه لسطح المياه، و يشدها للمكان اللي عاوزينه .

▪️ الـ Submersible Rig:
ـ دي بتكون طافيه على سطح المياه، بس بيكون معمول لها نظام تربيط بـ wiresبتكون مربوطة في قاع البحر بحيث متتجركش من مكانها
ـ بالإضافة انها بتكون مرتكزة على ما يشبه العوامات، اول ما توصل للمكان اللي عاوز تحفر فيه بتنزل العوامات ببطء، عشان تستقر بشكل آمن

▪️ الـ Platform Rig:
ـ ودي بتكون الأشهر والأفضل بين باقي الأنواع، ولكنها الاكثر تكلفه
ـ ثانياً دي بتكون مثبته بقاع البحر
ـ بتكون Concrete Base وباقي الـPlatformمن الـsteel
ـ الأكثر استخداماً وخصوصاً في عمليات الـ production

ندخل بعد كدة في أنواع الـ Floating Rig، وأول نوع معانا هو:
▪ الـ Semisubmersible:
ـ اكتر الأنواع شيوعاً فالـ Floating Rig
ـ دي نستخدمها لما يكون عمق الحفر 1000m
ـ ولما يكوعمق المياة من(3000-500)m
ـ بيكون فيها زي خزانات أو براميل من تحت، طول ما هي فاضيه هتطفو على سطح المياه
ـ لما تعوز تثبتها في أي مكان، بتفتح الخزانات دي وتملاها من مياه البحر فيزيد وزنها، فتشد البريمة لتحت، لحد عمق معين علي حسب مستوي المياه ف الخزانات
- لما تعوز تمشي أو تسحبها لمكان تاني، استخدم Pumps تدفع المياه خارج الخزانات فتطفو تاني على سطح المياه، وتسحبها للمكان اللي عاوزه

▪️ الـ Drill Ship
ـ من أفضل انواع الـ Floating Rigs، لأنها بتبحر لأي عمق، بيوصل عمق المياه لـ7000m
ـ بيوصل الـ Drilling Depth لـ 12000m

▪️ الـ Barge
ـ تستخدم في الاعماق الصغيرة زي المستنقعات.
ـ بتكون قريبه من الشاطئ واعماق المياه لا تزيد عن 20m أو 30m بالكثير

وبكدة نكون خلصنا كلمنا عن الـ Marine Rigs، استنونا في البوستات الجاية هنتكلم عن مواضيع مهمة

22/02/2022

لأننا في EEGS متأكدين أنه دورنا كنشاط طلابي مش مقتصر على الجزء العلمي بس، وأنه واجبتنا خدمة المجتمع بشكل عام، كنا حريصين دايماً أننا ننظم زيارات خيرية بشكل مستمر❤
وجمعنا هنا جزء من لحظاتنا الجميلة مع أطفال دار الرحمة للأيتام على مدار أكثر من Season، كنا مبسوطين أننا موجودين معاهم ، ونتمنى أننا نكرر دايماً زيارتنا وفرحتنا بوجودنا مع الأطفال😌❤

04/01/2022

حابين نشكر كل الناس اللي نورونا في الـ Opening، كان يوم لطيف جداً واتشرفنا بوجودكم، نتمني ليكم تحققوا اكبر استفادة من الـ Skills الجديدة اللي هتكتسبوها معانا ❤️

01/01/2022

طبعاً أول لما نيجي نتكلم عن الحفر اول حاجه هتيجي في بالنا الاداة اللي بنحفر بيها، واللي هي بريمة الحفر او الـRig، خلينا نبدأ بأنواع الـRigs وهما:
▪️ الـLand Rigs
▪️ الـMarine Rigs

الـLand Rig: ودي البريمة اللي بنحفر بيها في البر، واللي بيكون تكلفتها تقريبا (5000-3000) day/$ وانواعها:
▪️ الـUltra-Heavy Duty Land Rig
ـ تصل قدرتها لحد 3000hp
ـ يصل عمق البئر m(7500ـ 5500)أو أكثر

▪️ الـHeavy Duty Land Rig
ـ بتوصل قدرتها لحد 2000hp
ـ ويصل عمق البئر من m(5000ـ3500)

▪️ الـMedium Duty Land Rig
ـ تصل قدرتها لحد 1300hp
ـ يصل عمق البئر من m(2000ـ1200)

▪️ الـLight Duty Land Rig
ـ تصل قدرتها لحد 650hp
ـ يصل عمق البئر من m(1500ـ 1000)

▪️ الـPortable Land Rig
ـ بنستخدمها غالباً في الـ shallow Depth وبيكون حجمها صغير
ـ بتتنقل علىTrucks وبتكون سهلة وسريعة الحمل تكلفتها قليلة، بنستخدمها في عمليات الاصلاح اللي بنعملها على الـwell لكن صعب اني استخدمها ف حفر بئر كامل.

وبكدة نكون خلصنا كلامنا عن الـLand Rigs، استنونا البوست الجاي هنكلمكم عن الـ Marine Rigs

31/12/2021

سنة سعيدة عليكم ❤️✨

Address

Suez

Website

http://www.eegs-susc.org/

Alerts

Be the first to know and let us send you an email when EEGS SU SC posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to EEGS SU SC:

Shortcuts

Want your organization to be the top-listed Non Profit Organization in Suez?