صناع الحياة سوهاج

صناع الحياة سوهاج ​أهلاً بك في صناع الحياة.. ثناؤكم يدفعنا دوماً لتقديم ما يليق برؤيتنا في ترك أثر جميل. شكراً لكونك جزءاً من رحلتنا 💙

أبطالنا اللي وقتهم كله للخير! 🥇في ناس كده وجودهم بيطمن، وتعبهم بيترجم لأثر بيكبر كل يوم. 💙الشهر ده قررنا نوقف لحظة ونقول...
02/06/2026

أبطالنا اللي وقتهم كله للخير! 🥇

في ناس كده وجودهم بيطمن، وتعبهم بيترجم لأثر بيكبر كل يوم. 💙

الشهر ده قررنا نوقف لحظة ونقول شكرًا من القلب للناس اللي مابخلتش علينا لا بمجهود ولا بوقت.. أبطالنا اللي كسروا الأرقام وسجلوا أعلى عدد ساعات تطوع في استمارة المشاركة وكانوا دايمًا في الميعاد وعلى قد المسؤولية.

شكرًا لكل دقيقة أديتوها بحب، أنتم فعلًا الروح اللي بتخلينا نكمل. ❤️

لو عايز تعيش نفس التجربة وتكون جزء من التغيير؟
مكانك لسه محجوز انضم لينا دلوقتي.. ومين عارف، يمكن البوست الجاي صورتك واسمك هما اللي ينوروا المكان! 👇
🔗 [https://ee-eu.kobotoolbox.org/x/fWdtu7Zy]



اللمة اللي بتهون أي مجهود، وتخلي للتعب طعم تاني! ❤️أجواء من داخل مجزر الصعايدة متتوصفش بكلمتين بين زحمة الشغل، والتعب، و...
29/05/2026

اللمة اللي بتهون أي مجهود، وتخلي للتعب طعم تاني! ❤️

أجواء من داخل مجزر الصعايدة متتوصفش بكلمتين بين زحمة الشغل، والتعب، والهدوم اللي بتتبهدل، بتلاقي ضحكة طالعة من القلب وروح حلوة مابتفارقش شبابنا.
الصور دي بتلخص حكايتنا إحنا مش بس متطوعين بننفذ مهمة، إحنا عيلة واحدة اتجمعت على هدف واحد: نوصل الأمانة ونفرح أهالينا.

عاش لكتيبة الميدان.. أنتم روح الحملة دي وسر نجاحها! 💪📸



عيد أضحى مبارك.. وكل عام وأنتم بألف خير! ❤️يا رب دايمًا أيامكم كلها أعياد، وبيوتكم عمرانة بالخير والفرحة واللمة الحلوة م...
26/05/2026

عيد أضحى مبارك.. وكل عام وأنتم بألف خير! ❤️

يا رب دايمًا أيامكم كلها أعياد، وبيوتكم عمرانة بالخير والفرحة واللمة الحلوة مع كل حبايبكم.
من عيلة صناع الحياة سوهاج بنتمنى لكم عيد سعيد مليان براحة البال، وجبر الخواطر، ودعوات مستجابة.

كل سنة وأنتم طيبين.. وعيدكم مبارك! 🐑




النقلة الصح.. في خير أيام الأرض! ♟️🕋زي ما الشطارة إنك تستغل الفرصة على الرقعة عشان تكسب الماتش، الشطارة الحقيقية إنك تست...
26/05/2026

النقلة الصح.. في خير أيام الأرض! ♟️🕋

زي ما الشطارة إنك تستغل الفرصة على الرقعة عشان تكسب الماتش، الشطارة الحقيقية إنك تستغل نفحات يوم عرفة في طاعة تكسب بيها الثواب الأكبر وتفرح بيتك.

اختار نقلتك المضمونة دلوقتي:
🐑 صك ضاني (15,000 ج) ⟵ تسترد حتى 12 ك + كبدة.
🐂 صك بقري (15,000 ج) ⟵ تسترد حتى 18 ك + كبدة.

إنت عليك النية والدعاء في يوم عرفة.. وإحنا علينا نرتب الأضحية، ندبحها في وقتها الشرعي، ونوصل أمانتك للمستحقين بجد ولحد باب البيت.

كل نقلة محسوبة.. وكل أضحية أمانة.
👇 رسالة واحدة للصفحة كفاية.. إلعبها صح وضحي وإنت مطمن. 💙




العيد ملوش طعم من غير الضاني.. وإحنا جبناهولك لحد الباب! 🐑لو بتدور على الأسرع، والأضمن، والأوفر صناع الحياة سوهاج حلتلك ...
17/05/2026

العيد ملوش طعم من غير الضاني.. وإحنا جبناهولك لحد الباب! 🐑

لو بتدور على الأسرع، والأضمن، والأوفر صناع الحياة سوهاج حلتلك المعادلة السنة دي.
بمشاركتك بالصك الضاني بـ 15,000 جنيه، ثوابك هيوصل لأهالينا المستحقين بجد، وكمان عزومتك متأمنة:

✔️ هيرجعلك 12 كيلو لحم بلدي + نص كيلو كبدة.
✔️ التوصيل لحد باب بيتك مجانًا. 🥩🚗

بدل ما تشيل هم المدبح والتوزيع.. إلعبها صح وريح بالك.
👇 ابعتلنا مسج على الصفحة دلوقتي واحجز صكك، وسيب الترتيب علينا. ❤️



يوم العيدوسط ريحة الفتة واللحمة، لمّة الأهل وفرحة الأطفال بالعيدية،في بيوت تانية أطفالها واقفين مستنيين إحساس الفرحة دي ...
15/05/2026

يوم العيد
وسط ريحة الفتة واللحمة،
لمّة الأهل وفرحة الأطفال بالعيدية،
في بيوت تانية أطفالها واقفين مستنيين إحساس الفرحة دي يوصلهم.

أطفال يمكن كل أمنيتهم في العيد أكلة لحمة تفرّحهم،
أو إحساس إن العيد جه عندهم هما كمان.

علشان كده، كنا العيد اللي فات
بنخبط على أبواب الأسر المستحقة،
وشوفنا بعيننا قد ايه حاجة بسيطة ممكن تعمل فرق كبير في فرحة بيت كامل.

والسنادي
عندك فرصة تكون جزء من الفرحة دي،
من خلال التبرع بنصيب الفقراء من أضحيتك، أو المشاركة بلحوم صدقات.

يمكن مساهمتك تكون سبب إن أسرة كاملة تعيش فرحة العيد.💙

ما تترددش املى الفورم دي
وشاركهم فرحة العِيد 🤩
https://ee-eu.kobotoolbox.org/x/YUebCIye


لما تختار أضحيتك.. اختارها وأنت مطمن 🐑لإن مش أي أضحية تنفع تكون قُربة.. الأضحية لازم تكون مطمّنة لقلبك قبل بيتك. واحنا ف...
15/05/2026

لما تختار أضحيتك.. اختارها وأنت مطمن 🐑

لإن مش أي أضحية تنفع تكون قُربة.. الأضحية لازم تكون مطمّنة لقلبك قبل بيتك.

واحنا في صناع الحياة بنهتم بكل تفصيلة في أضحيتَك، علشان تكون على درجة عالية في الرعاية لمطابقة شروطها الشرعية.

متشلش هم أضحيتك وبادر بحجزها من صكوك [البقري، الجاموسي، الضاني وصك الخير]، أو تقدر تشارك بسهم صدقة لحوم سعره 400 جنيه. ❤️
ــــــــــــــــــــــــــــ
⬅️ تقدر تشارك بالتبرع من خلال رسائل الصفحه



الأضحية أمانة.. وإحنا بنصونها كأنها لبيتنا! 🐑❤️لما بتوكلنا في أضحيتك، إنت مش بس بتشتري صك، إنت بتأمنا على شعيرة عظيمة.وع...
13/05/2026

الأضحية أمانة.. وإحنا بنصونها كأنها لبيتنا! 🐑❤️

لما بتوكلنا في أضحيتك، إنت مش بس بتشتري صك، إنت بتأمنا على شعيرة عظيمة.
وعشان الأمانة دي غالية، في صُناع الحياة سوهاج بنهتم بأدق التفاصيل كأنك نزلت واختارتها بنفسك:

✔️ بنختارها في السن الشرعي المظبوط.
✔️ بنتأكد إنها خالية تمامًا من أي عيوب.
✔️ بندبح في الوقت الشرعي بالدقيقة.
✔️ وبنوصل الأمانة للأسر المستحقة فعلًا.

ريح بالك، وخد الثواب كامل.. لأن أجرها ليك كبير، وأثرها في بيوت أهالينا المستحقين أكبر.

👇 ابعتلنا رسالة على الصفحة دلوقتي واحجز صكك.. سيب الترتيب علينا، وضحي وإنت مطمن.


الصوت ونس.. ولما بيرجع، بترجع معاه الحياة! 🦻تخيل تفصيلة صغيرة تقدر ترجع إحساس كامل بالأمان والتواصل؟ عشان كده فرحتنا الن...
12/05/2026

الصوت ونس.. ولما بيرجع، بترجع معاه الحياة! 🦻

تخيل تفصيلة صغيرة تقدر ترجع إحساس كامل بالأمان والتواصل؟
عشان كده فرحتنا النهاردة متتوصفش وإحنا بنسلم 14 حالة بعدد 28 سماعة طبية لعدد من أهالينا المستحقين، عشان نكون سبب بسيط في إنهم يسمعوا صوت حبايبهم من تاني.

الخطوة دي تمت بفضل الله ثم التعاون المثمر مع شركاء الخير Egyptian Cure Bank - بنك الشفاء المصرى
إيد على إيد بتعمل تأثير كبير، وشراكتنا دي بتأكد إن تكاتفنا بيوصل الخير لأبعد نقطة في سوهاج ويخفف عن أهالينا.

مكملين معاكم خطوة بخطوة، وشكرًا لـ بنك الشفاء ولكل حد بيكون جزء من الأثر ده. 💙🤝


Address

اخر امتداد الجمهوريه شارع قتيبه بن مسلمه امام شركه قناه السويس لتأمينات الحياه
Sohag
85211

Telephone

+201050800170

Website

Alerts

Be the first to know and let us send you an email when صناع الحياة سوهاج posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to صناع الحياة سوهاج:

Shortcuts

Share

Category