جمعية أصدقاء الخير الخيرية

06/06/2026

مقترحات للخبيئة أو صدقة السر بينك وبين ربنا ثوابها جميل ومش متشافه كتير
* صلح اى كولدير بايظ فى مكان عام
* اى مدرسة تجريبى اسأل الاخصائية على الأولاد اللى هيتم تحويلهم لمدارس عاديه بسبب المصروفات
* ادفع مديونية غير القادرين فى الصيدلية أو السوبر ماركت
* سلم كرسى أو مقاعد لمكان فيه انتظار زى التأمينات والمعاشات لكبار السن
* لو مقتدر وتقدر تعمل خط مايه عمومى فى قريه مافيهاش مايه لأن فيه بيوت بتنزل جمعيات تعملهم وصلات داخل البيوت مابتلاقيش ماسورة عموميه ياخدوا منها فمش بيوصلوا
* اشترى مراوح لأسر ماعندهمش مراوح وخاصة لو دور اخير

04/06/2026

أصدقاء الخير الحاله اللى معانا لست مطلقه معاها ٤ اولاد جوزنا بنت منهم وده تقرير ابنها الكبير اللى لسه مخلص الدبلوم السنه دى هى بتشتغل فى سنتر اجهزه كهربائية ومن الشيل التقيل جالها مشكله فى ركبتها والدكتور منعها من الشغل ومع ذلك متحامله على نفسها عشان تعرف تصرف على ولادها ابنها تعبان ومحتاج العمليه دى وبنتها فى إعدادى وبرضه هتحتاج عمليه ومعاها الصغير فى ابتدائى
العمليه هتتكلف ٩٠ الف جنيه اللى يقدر يساعدها فى تمن العمليه يتواصل معانا 01020879057
عنواننا برج الخياط بشارع ترعة الشابورى بالقرب من مسجد الحرمين اخر شارع عشرة من محطة الفيلا شبرا الخيمه ثان

01/06/2026

الحمد لله وبفضل الله عشر سنين معاكم فى الخير عشر سنين ربنا كرمنا وقدرنا بفضل الله وبيكم نقدم الخير لكل مستحق ومحتاج قدرنا بتوفيق الله نجهز عشرات بل مئات العرائس قدرنا بفضل الله نعمل اكتر من مئة عملية من عمليات عيون وعمليات فتاء ومراره وربنا يعافينا بتر وعمليات عظام غير علاج الكانسر اللى بيتكلف آلاف الجنيهات واللى كانت حاله واحده بس معانا علاجها بيتكلف كل اسبوعين ٢٦ الف جنيه والحمد لله قدرنا نشترى الكتب الخارجيه لكل الطلبه الأيتام اللى فى جمعيتنا واللى بتوصل تكلفتها لحوالى ٥٠ الف جنيه غير استمارات الاعداديه اللى بندفعها لخمس مدارس كامله بتوصل ل٨٠ الف جنيه والحمد لله قدرنا نعمل مئات من وصلات المياه السفريه الواحده بنعمل فيها مالا يقل عن عشرين وصله بتكلفه حوالى ١٤٠ الف للسفريه الواحده والحمد لله قدرنا نكفل ٩٠ حاله شهريا بكفالات شهريه للأيتام وكفالات تعليمية للطلبه بأكتر من ٥٠ الف جنيه شهريا والحمد لله بفضل الله بنحاول فى كل أنشطتنا نختار اجود حاجه من كل حاجه اجود اطعام واكبر كميه مشبعه للفرد اجود لحوم اضحيه بنختارها لما عرفنا أن فيه فرق بين البقرى والجموسى اختارنا البقرى طالما اجود وان كان اغلى بنختار انضف واغلى اجهزه للعرايس عشان يتشرفوا بيها وتعمر معاهم وتتم فرحتهم على خير متعاقدين مع اكبر مستشفيات وافضل دكاتره للعمليات عشان نقدر نقدم خدمه على أعلى مستوى وكله بفضل الله وبفضل مساهمتكم ربنا يبارك فيكم ويجازيكم كل خير على كل اللى بتقدموه من خير

01/06/2026

📢 تذكير شهري لأهل الخير
النهارده اول الشهر موعد الكفالات الشهرية التي يتم تحديد قيمتها حسب مقدرة كل متبرع، لدعم: 👈 الأيتام. 👈 المسنين وتوفير العلاج الشهري لهم. 👈 الأسر المستحقة المقيدة بالجمعية.
مساهمتكم المنتظمة هي سر استمرار هذه الخدمات ووصولها لمستحقيها.
🌷 جزاكم الله خيرًا وبارك لكم فيما أعطاكم.
للتواصل 01114445015
01020879057
عنواننا شبرا الخيمه ثان محطة الفيلا اخر شارع عشرة برج الخياط فوق محل قطونيل بالقرب من مسجد الحرمين

01/06/2026

01/06/2026

صدقة جارية فى ميزان حسنات أطفال حضانة Future kids - فيوتشر كيدز ربنا يتقبلها منهم ويبارك فيهم وفى أولياء أمورهم ومدرسينهم

01/06/2026

وصلة مياه صدقة جارية فى ميزان حسنات أطفال حضانة Future kids - فيوتشر كيدز

30/05/2026

الحمد لله تم الانتهاء من توزيع لحوم الأضاحي وكل عام وانتم بخير

29/05/2026

كل عام وانتم بخير