صناع الحياة المنوفية

11/06/2026

تنقضي الأيام… وتبقى صدقتك الجارية 💛
طفل صغير اتولد قبل أوانه…
محتاج حضانة دلوقتي، مش كمان شوية ولا بكره.
صناع الحياة المنوفية فرشت الحضانات، جهزت الأجهزة، وجمعت الفريق الطبى
بس مصاريف التشغيل محتاجة دعمك 🙏
تبرعك النهارده = طفل بيعيش بكره 🤍
ادعم دلوقتي عن طريق رسائل الصفحة


💙

03/06/2026

في حملة الأضاحي السنة دي، حرصنا إن كل خطوة تتم بأعلى جودة ممكنة، من اختيار الأضاحي والتأكد من سلامتها، لحد الذبح والتقطيع والتجهيز والتغليف.

وعشان نوصل الأمانة بالشكل اللي يليق بثقتكم، كان فيه متابعة مستمرة لكل مرحلة من مراحل الشغل، ومجهود كبير من المتطوعين اللي كانوا موجودين في كل تفصيلة، من أول المجزر لحد تجهيز اللحوم للتوزيع على الأسر المستحقة.

السنة دي كانت مميزة بالنسبة لنا، لأنها شهدت تنفيذ أول مجزر لصناع الحياة المنوفية، خطوة جديدة خلتنا نكون أقرب لكل التفاصيل، ونضمن إن اللحوم تخرج بالجودة اللي نتمنى نوصلها لكل أسرة.

وسواء كنت شاركت بصك أضحية، أو ساهمت بلحوم الصدقات، فأنت كنت جزءًا من الخير اللي وصل لبيوت كتير، وجزءًا من الفرحة اللي رسمناها مع بعض.

مشاركتك للبوست بتوصل قصة الخير لناس أكتر، وبتشجع غيرك يكون جزء من الرحلات الجاية. 🤍


💙

28/05/2026

السنة دى.. الأضحية بقت في المنوفية!

صناع الحياة المنوفية، وبعد سنين من تنفيذ حملة أضاحي المنوفية خارج المحافظة.. السنة دي حققنا حلم كنا بنشتغل عليه — نعمل المجزر بأيدينا، في أرضنا، بشكل مستقل تمام.

المتبرعين كانوا موجودين بنفسهم وقت الذبح، شايفين أضحيتهم ب عينهم. المجزر اتنظّم بشكل احترافي.
وبعد الذبح، المتطوعين فضلوا شغالين — تقطيع، تعبئة، تغليف، وتجميع اللحوم كصكوك جاهزة للتوزيع.

ومش بس كده — التوزيع بدأ في نفس يوم الذبح، الصكوك وصلت للمضحيين المشاركين مع الجمعية بدون تأخير.
دى مش مجرد حملة.. ده نموذج احنا فخورين بيه وهنكمّله.

27/05/2026

26/05/2026

في يوم عرفة…
اليوم اللي فيه الأجر مضاعف والدعاء أقرب،
كانت صناع الحياه و تكية الخير شغالين علشان يوصلوا وجبات لأهالينا المستحقين ❤️
وكل وجبة وصلت كانت بسبب ناس حبت يكون ليها أثر وخير.
شكرًا لكل متطوع و متبرع شارك معانا…
ربنا يجعله في ميزان حسناتكم جميعًا 🤍

26/05/2026

العيد فرحة💙
كل عام وأنتم بخير،
أعاده الله عليكم بالخير والبركة،
وأيام مليانة طمأنينة وفرحة وقُرب من الله .

وتتمنى لكم صناع الحياة المنوفية
عيد أضحى مبارك 🐑✨

25/05/2026

أول مرة تدخل المجزر…
بتكون فاكر إنك رايح تساعد بس 👀

لكن الحقيقة إنك بترجع
شايل ذكريات، وضحك، ومواقف عمرها ما بتتنسي ❤️✨

من أول التكبيرات الصبح،
لحد آخر بوكس بيتقفل 💙

تعب، هزار، لخبطة، صوت عالي،
ولمة بتحسس كل واحد إنه وسط أهله 👌

ناس كانت داخلة تجرب يوم وخلاص…
وطلعت من اليوم متعلقه بالمكان والناس والمشاعر الحلوة دي ❤️

احكيلنا بقا…
إيه أكتر موقف لسه فاكره من أول تجربة مجزر مع صناع الحياة ؟

25/05/2026

استجابةً لطلباتكم الكتيرة للمشاركة بالتبرع العيني

تم فتح التسجيل لاستلام اللحوم العينية،
على أن يبدأ الاستلام والتوزيع بدايةً من رابع أيام العيد 🤍

سجّل بياناتك من خلال الفورم:
• العنوان
• الكمية
• رقم التواصل

وفريقنا يتولى الاستلام وتنظيم التوزيع على الأسر المستحقة.

سجل دلوقتى : [https://forms.gle/CCzznJ31AFJ3crPY6]

19/05/2026

خلي لأضحيتك نصيب في فرحة بيت جديد" 🏠✨

العيد ميكملش من غير لمة، واللمة مبتحلاش إلا بالـ "عيش والملح".. والسنة دي، حمله عيش وملح فى "صناع الحياة المنوفية" بنفتح الباب لكل اللى ضحوا السنادي عشان يشاركونا اللقمة والخير مع أسر مستحقة ونفرحهم في بيوتهم.

لو ضحيت السنة دي، متخليش ثوابك يقف عندك.. اقتطع جزء من أضحيتك وفرح بيه غيرك، بخطوات بسيطه:

1️⃣ إملى الفورم: سجل بياناتك ونوع ومكان الأضحية في ثوانٍ.
2️⃣ شاركها مع صاحبك: شجع غيرك يشارك معاك فى الخير.
3️⃣ أثرك يدوم: تبرعك هيوصل للي يستحق بجد ويدخل الفرحة لبيت جديد.

🔗 اضغط على الرابط وإملى الفورم دلوقتي:
{https://forms.gle/CCzznJ31AFJ3crPY6}
او تقدر تتواصل معانا من خلال رسائل الصفحه 💬

18/05/2026

العيد السنه دي عيدين
ودا لإننا بنعلن عن حدث اول مره يحصل فى المنوفيه .
وهو مجزر صناع الحياة ولأول مرة داخل اراضى المنوفية! 🤝

حكايه جديده وتجهيزات ضخمة بنعملها السنادي عشان نضمن إن لحوم الأضاحي تتجهز وتتغلف بأفضل شكل وتوصل طازة للأسر الأكثر احتياجاً في بيوتهم.
الخير بيكبر بسعى متطوعينا وبدعمكم لينا.

التسجيل للمشاركه فى اليوم
سجل فى الفورم ✨

https://sites.google.com/view/lifemakersmnf/home