مركز مصر والوطن العربي

Call Directions

مركز مصر والوطن العربي 🎓 تدريب – 🌿 دعم نفسي – 👨‍👩‍👧‍👦 تنمية أسرة
كل ده في مكان واحد… بخبرة المتخصصين 💙
قلوب تراعي.. عقول تداوي

جلسات تخاطب : معالجه مشكلات المطق و تأخر الكلام و التلعثم و اللدغات المختلفه و الحبسه الكلاميه

جلسات تعديل سلوك : معالجه كافه المشكلات السلوكيه للاطفال و المراهقين و توجيه الاباء و الامهات للتربيه السليمه و تنيمه مهارات الاطفال و قدراتهم الخاصة

جلسات ارشاد أسرى : جلسات لحل المشاكل و الخلافات الأسريه و الزوجيه و النفسيه و تأهيل ما قبل الزواج من خلال افضل طرق العلاج الحديثه

اختبار الذكاء : كيفيه تطبيق اختبار ستانفورد بينيه الصور الخمسه _ كيفيه تصحيح الاختبار و تفسير الدرجات _ كتابه التقرير و التقييم النفسي

مقياس اضطرابات الشخصية للمراهقين

مقياس اسبرجر

مقياس فرط الحركه

مقياس كارز

مقياس اضطرابات الشخصيه

مقياس اضطرابات الأكل

مقياس تقدير الذات

مقياس القلق العام

مقياس قلق المستقبل

مقياس الأكتئاب

مقياس الثقة بالنفس

مقياس أنماط الشخصية

في زحمة الحياة، أحيانًا كل ما نحتاجه هو وقت هادئ مع أهلنا…جلسة بسيطة، كلمة طيبة، وضحكة من القلب. 🤍فالتجمع العائلي مش مجر...
02/10/2026

في زحمة الحياة، أحيانًا كل ما نحتاجه هو وقت هادئ مع أهلنا…
جلسة بسيطة، كلمة طيبة، وضحكة من القلب. 🤍

فالتجمع العائلي مش مجرد وقت بنقضيه مع بعض،
ده أمان وراحة وطاقة نفسية بتفرق في حياتنا.

اجعلوا لأهلكم وقتًا لا يُؤجَّل…
فبعض اللحظات الجميلة لا تتكرر. 🌸
جمعة مباركة من مركز مصر والوطن العربي للوعي النفسي والأسري 💙

#الأسرة

هو وهي |هو لما يحببيحب يدي ويكون سندويحتاج يحس إن مجهوده متقدّر وإن وجوده له قيمةوهي لما تحبتحتاج تحس بالأمان والاهتمامو...
01/10/2026

هو وهي |

هو لما يحب
بيحب يدي ويكون سند
ويحتاج يحس إن مجهوده متقدّر وإن وجوده له قيمة

وهي لما تحب
تحتاج تحس بالأمان والاهتمام
وتحتاج الاحتواء وتحس إنها مسموعة ومفهومة

الحب مش بس إننا نحب بعض
الأهم إننا نفهم إيه اللي بيخلّي الطرف التاني يحس بالحب

لما نفهم بعض أكتر هنعرف نحب بعض أكتر


30/09/2026

هل الشخص اللي بتحبه بيخليك مطمن… ولا خايف تفقد نفسك؟ 🤍

الحب مش المفروض يخليك طول الوقت خايف، متوتر، أو حاسس إنك لازم تتغير عشان العلاقة تستمر.

العلاقة الصحية فيها أمان، احترام، ومساحة تكون فيها على طبيعتك.

اسأل نفسك بهدوء:
أنا في العلاقة دي حاسس إني أنا… ولا بحاول طول الوقت أرضي الطرف التاني؟

قول لنا فى التعليقات:
إيه أكتر حاجة بتحسسك بالأمان في العلاقة؟ 💙

بقلم د. جيهانجالي من فترة أخ وأخوه، واحد في بداية الستين والتاني بعد منتصف الستين بشوية.كانوا حاولوا يصلحوا بينهم كذا مر...
29/09/2026

بقلم د. جيهان

جالي من فترة أخ وأخوه، واحد في بداية الستين والتاني بعد منتصف الستين بشوية.

كانوا حاولوا يصلحوا بينهم كذا مرة، وقعدوا في جلسات صلح عرفية، لكن رغم كل ده، كانوا لسه مش عارفين يتعاملوا مع بعض بشكل طبيعي.

في الأول حاولنا نفهم الخلاف اللي حصل بينهم دلوقتي: مين زعل من مين؟ وإيه اللي حصل؟

لكن كل ما كنا نرجع خطوة لورا، نلاقي إن ورا كل موقف موقف أقدم منه... لحد ما وصلنا للطفولة.

الأخ الأكبر كان عنده مشكلة في القلب، فطبيعي جدًا إن الأم كانت مهتمة بيه أكتر، بتخاف عليه، تتابع علاجه، وتفضل جنبه.

لكن أخوه الأصغر كان طفل برضه.

كبر وهو شايف إن أخوه هو اللي بياخد الاهتمام، وهو اللي لازم يستنى.

مرة رجع من المدرسة فرحان بدرجته:

"ماما شوفي أنا جبت كام."

كانت مشغولة بأخوه كان تعبان وبتديله الدوا، فقالت له:

"حلو يا حبيبي، حطه هناك."
هو فاكر كل التفاصيل

ومرة في العيد، وهي بتلبس أخوه،
قال:

"طب وأنا؟"

قالت له:

"إنت عارف تلبس لوحدك وشاطر ."

مواقف صغيرة، لكنها لما تتكرر سنين، بتسيب حاجة جوا الطفل.

الأصغر كبر وهو مستني أخوه يحس بيه.

لكن الأخ الأكبر كان عنده مشكلة تانية اتكونت من غير ما حد يقصد.

هو اتعود إنه محور الاهتمام.

اتعود إن الناس تسأل عليه، تطمن عليه، وتبادر ناحيته.

فما اتعلمش هو كمان يسأل عن أخوه من نفسه.

ما اتعلمش يقول:

"أخويا عامل إيه؟"

"محتاج مني حاجة؟"

"إيه اللي مضايقك؟"

وعشان كده، طول السنين كان أخوه هو اللي يروح له ويقول له:

"أنا عندي مشكلة."

"أنا محتاجك."

"ساعدني."

مش لأن الأخ الأكبر مش بيحبه...

لكن لأنه ببساطة ما اتعلمش إن دوره مش بس إنه يتاخد باله منه، لكن كمان ياخد باله من غيره.

وده كان جزء مهم جدًا من المشكلة.

الاتنين كبروا، وكل واحد دخل الحياة بنفس الدور اللي اتعلمه وهو صغير.

الأصغر مستني أخوه يسأل عنه.مفتقد للتواصل والاهتمام

والأكبر مستني أخوه يقول له إنه محتاجه.

وفي الجلسة، لما وصلنا للنقطة دي، الأخ الأكبر قال:

"أنا ما كنتش أعرف إنك كنت مستني مني ده كله."

وأخوه رد:

"وأنا كنت مستنيكم تعرفوا لوحدكم انى محتاج حد يسال عنى ."

يمكن الجملة دي تلخص سنين طويلة من عمرهم.
ووجع من اب وام واح

واحد كان مستني حد يسأل عنه...

والتاني كان مستني حد يقوله إنه محتاجه.

واتنين كبار، بعد الستين، لسه مستنيين حاجة كان المفروض يتعلموها وهم أطفال.

وعشان كده، لما يكون عندنا طفل محتاج رعاية أكتر، نهتم بيه طبعًا، لكن ما ننساش أخوه.

نطمنه.

نحضنه.

نسأله.

ونعلم الطفل اللي بياخد الرعاية إن أخوه كمان له قلب، وله احتياجات، وإنه مش طول عمره الطرف اللي الناس تسأل عليه.

يمكن حضن صغير النهارده...

أو سؤال بسيط:

"أخوك عامل إيه؟"

يمنع أخوين بعد ستين سنة من إنهم يقعدوا قدام بعض، وكل واحد فيهم يقول في سره:

"أنا كنت مستنيك تسأل عليّا.
فهمتوا حاجة


💭 اختبار سريع: هل اللي بتمري بيه مجرد ضغط؟"مش كل واحدة بتقول أنا تعبانة… تكون محتاجة إجازة.أحيانًا النفس هي اللي محتاجة ...
28/09/2026

💭 اختبار سريع: هل اللي بتمري بيه مجرد ضغط؟

"مش كل واحدة بتقول أنا تعبانة… تكون محتاجة إجازة.
أحيانًا النفس هي اللي محتاجة حد يسمعها." 🤍

جاوبي عن حالتك خلال الأسبوع الأخير*:

1️⃣ الحزن

0️⃣ مش حاسة بحزن
1️⃣ بحس بالحزن أحيانًا
2️⃣ بحس بالحزن معظم الوقت
3️⃣ حاسة بحزن شديد

2️⃣ الاستمتاع بالحياة

0️⃣ بستمتع بالحياة عادي
1️⃣ استمتاعي قل شوية
2️⃣ مبقتش أستمتع زي الأول
3️⃣ تقريبًا مش بستمتع بأي حاجة

3️⃣ نظرتك لنفسك

0️⃣ راضية عن نفسي
1️⃣ بلوم نفسي أحيانًا
2️⃣ بلوم نفسي كتير
3️⃣ مش راضية عن نفسي تمامًا

4️⃣ المستقبل

0️⃣ عندي أمل في المستقبل
1️⃣ أحيانًا بكون متشائمة
2️⃣ حاسة إن المستقبل مش مبشر
3️⃣ حاسة إن مفيش أمل

5️⃣ النوم

0️⃣ نومي طبيعي
1️⃣ نومي اتغير شوية
2️⃣ نومي متأثر بوضوح
3️⃣ نومي متأثر جدًا

6️⃣ الطاقة

0️⃣ طاقتي طبيعية
1️⃣ بتعب أسرع من الأول
2️⃣ معظم الوقت حاسة بتعب
3️⃣ التعب مأثر على قدرتي أعمل أي حاجة

7️⃣ اتخاذ القرارات

0️⃣ باخد قراراتي طبيعي
1️⃣ القرارات بقت أصعب شوية
2️⃣ بواجه صعوبة واضحة في القرار
3️⃣ تقريبًا مش قادرة أقرر

8️⃣ الاهتمام بالناس والحياة

0️⃣ زي المعتاد
1️⃣ اهتمامي قل شوية
2️⃣ اهتمامي قل بشكل واضح
3️⃣ فقدت اهتمامي تقريبًا

🧮 احسبي مجموعك

0 = 0 درجة | 1 = درجة | 2 = درجتين | 3 = 3 درجات

اجمعي درجات الـ8 أسئلة.

📩 ابعتي لنا مجموع درجاتك في رسالة على الصفحة
مثال: "نتيجتي 13"

وهنقولك معنى نتيجتك وإيه الخطوة المناسبة بعدها. 🤍

ماتوقفيش عند الرقم… التفسير هو الأهم.


27/09/2026

🍫 مش كل مرة نفسك في الأكل… يكون جسمك هو اللي محتاجه!

أحيانًا بنلجأ للأكل لما نكون زعلانين، متوترين، وحيدين أو مضغوطين… فنستخدم الأكل كأنه مسكّن مؤقت للمشاعر.

لكن السؤال الأهم:
**أنت جعان فعلًا؟ ولا محتاج تطمن نفسك وتحتوي مشاعرك؟ 🤍

🎥 قولنا في التعليقات...
**هل حصل قبل كده وأكلت علشان تهرب من إحساس معين؟


جمعة مباركة 🤍💙اللهم في يوم الجمعة ارزقنا راحة القلب، وطمأنينة النفس، وسكينة الروح، واجعل لنا من كل ضيق مخرجًا ومن كل همّ...
25/09/2026

جمعة مباركة 🤍💙
اللهم في يوم الجمعة ارزقنا راحة القلب، وطمأنينة النفس، وسكينة الروح، واجعل لنا من كل ضيق مخرجًا ومن كل همّ فرجًا.
🌿 جمعة طيبة مليئة بالخير والسكينة
تمنياتنا لكم بيوم هادئ وقلوب مطمئنة 🤍
#طمأنينة #سكينة

يمكن اللي بيحصل في خناقتك النهارده… يكون له حكاية بدأت وإنت طفل. ليه أول ما تزعل بتعلي صوتك؟ليه لما تتضايق بتسكت وتبعد؟ل...
24/09/2026

يمكن اللي بيحصل في خناقتك النهارده… يكون له حكاية بدأت وإنت طفل.

ليه أول ما تزعل بتعلي صوتك؟
ليه لما تتضايق بتسكت وتبعد؟
ليه بتحس إن لازم تكسب الخناقة حتى لو الشخص اللي قدامك بتحبه؟

أوقات إحنا مش بنتخانق بسبب الموقف نفسه…
إحنا بنتصرف بطريقة اتعلمناها من زمان.

يمكن وإنت صغير كنت بتسمع:
«اسكت.»
«مجادلش.»
«محدش بيسمعك.»
«اللي صوته أعلى هو اللي بيتسمع.»

ومع الوقت… الطريقة دي ممكن تكبر معانا.

مش معنى كده إن طفولتك هي السبب في كل حاجة،
لكن فهمك للي اتعلمته زمان ممكن يساعدك تفهم نفسك أكتر دلوقتي.

المرة الجاية لما يحصل خلاف، قبل ما تسأل:
«هو ليه مستفزني؟»
جرب تسأل نفسك:
«أنا ليه برد بالطريقة دي؟»

يمكن السؤال ده يغيّر شكل الخلاف كله. 🤍

إنت لما بتزعل… بتتكلم؟ بتسكت؟ ولا بتبعد؟
اكتب لنا في التعليقات.👇👇




#الطفولة

🗣️ مش كل تأخير في الكلام «هيعدّي لوحده»… ومش كل كلمة بنقولها لطفلنا ملهاش تأثير.في أول 3 سنين من عمر الطفل، كل تفاعل بين...
23/09/2026

🗣️ مش كل تأخير في الكلام «هيعدّي لوحده»… ومش كل كلمة بنقولها لطفلنا ملهاش تأثير.

في أول 3 سنين من عمر الطفل، كل تفاعل بينك وبينه فرصة حقيقية لبناء اللغة والتواصل.
طريقة كلامك معاه، وقت اللعب، القراءة، وحتى الوقت اللي بيقضيه بعيد عن الشاشات… كلها تفاصيل بتفرق.

👶 جربي تبدأي من النهارده بـ 5 حاجات بسيطة:

• كلميه بجمل قصيرة وواضحة.
• سمي الأشياء اللي حواليه باستمرار.
• اقرئي له حتى لو لدقائق كل يوم.
• العبي معاه وجهًا لوجه، وسيبيه يشارك ويتفاعل.
• قللي الشاشات وبدّلي وقتها بتواصل حقيقي.

والأهم… متستنيش إن الطفل يتكلم علشان نبدأ نهتم بتواصله.
التواصل بيبدأ قبل أول كلمة. ❤️

ولو حابة تعرفي هل تطور طفلك اللغوي مناسب لمرحلته، الملاحظة المبكرة والمتابعة المتخصصة ممكن تفرق كتير في رحلة تطوره.

📩 أحيانًا سؤال بسيط في الوقت المناسب… يكون بداية خطوة مهمة لطفلك.


#تخاطب
#جلسات

22/09/2026

"أنا مش عايز أرجع البيت."

قالها وهو قاعد قدامي وبيبص في الأرض.

سكت شوية، وبعدين قلت له:
"ليه؟"

قال بمنتهى الهدوء:

"عشان هناك محدش بيسمعني… كلهم بيسألوني."

الجملة دي، رغم بساطتها، كانت بتشرح حاجات كتير جدًا.

لأن أمه كانت داخلة قبله بدقايق بتحكيلي عن ابنها:

"مبقاش بيسمع الكلام."
"عصبي."
"قاعد على الموبايل طول الوقت."
"مش مهتم بمذاكرته."
"ومش بيتكلم معانا."

ومن وجهة نظرها، هي فعلًا كانت بتحاول تساعده.

بتسأله كل يوم: ذاكرت؟
عملت إيه؟
كلمت مين؟
ليه درجتك قلت؟
ليه صاحبك أحسن منك؟
إنت عايز تبقى إيه؟

هي شايفة إنها بتربيه وبتحافظ عليه.

هو كان شايف حاجة تانية خالص.

كان شايف إن كل مرة يفتح بقه، هيسمع نصيحة.
وكل غلطة، هتتحول لمحاضرة.
وكل مشكلة، هيتقال له هو عمل إيه غلط.

فبدأ يسكت.

وبعدين بدأ يعصب.

وبعدين بدأ يقفل على نفسه.

وبعدين الأهل قالوا:

"ابننا اتغير."

لكن الحقيقة؟

هو ما اتغيرش فجأة.

هو كان بيحاول يقول لهم إنه تعبان… بس بالطريقة الوحيدة اللي يعرفها.

---

في جلسات المراهقين، أنا مش بسمع بس الكلام اللي بيتقال.

بسمع كمان الكلام اللي مش قادرين يقولوه.

المراهق ممكن يقول:

"أنا مش فارق معايا."

وأنا أسمع وراها:

"أنا خايف أفشل."

ممكن يقول:

"سيبوني في حالي."

وأسمع:

"أنا محتاج مساحة… بس مش محتاج أبقى لوحدي."

ممكن يبقى عصبي جدًا، وهو في الحقيقة موجوع.

وممكن يضحك طول الجلسة، وهو من جواه مليان خوف وقلق وأسئلة مش عارف يسألها.

وده اللي بيخلي المراهقة مرحلة صعبة جدًا.

لأنه عايز يبقى كبير ومستقل، وفي نفس الوقت محتاج أهله.

عايزهم يثقوا فيه، وفي نفس الوقت خايف يغلط.

عايز يتكلم، لكنه مش عارف يبدأ.

وعايز يتحب زي ما هو، مش بس لما يجيب درجات كويسة أو يعمل اللي أهله عايزينه.

---

والأهم من ده كله…

إننا أحيانًا بنركز على سلوك المراهق وننسى نبص على اللي حواليه.

مراهق عصبي؟

طيب… هو بيعيش في بيت فيه إيه؟

مراهقة قافلة على نفسها؟

هل لما كانت بتتكلم كنا بنسمعها فعلًا؟

مراهق مش واثق في نفسه؟

هل طول الوقت بنقوله إن غيره أحسن منه؟

مراهق معتمد على أهله في كل حاجة؟

هل بنديه فرصة أصلًا يجرب ويغلط؟

وأحيانًا الأهل بيكونوا بيعملوا كل ده من الحب.

أم خايفة على بنتها، فتحولت حمايتها لمراقبة.

أب نفسه ابنه ينجح، فتحول خوفه على مستقبله لضغط مستمر.

أهل عايزين يشجعوا ابنهم، فاستخدموا المقارنة.

مش لأنهم أهل سيئين.

لكن لأن الحب وحده مش كفاية… طريقة التعبير عنه بتفرق جدًا.

---

وعشان كده العلاج مش دايمًا بيكون للمراهق وحده.

أحيانًا آه، هو محتاج يتعلم يفهم مشاعره، ينظم غضبه، يعبر عن نفسه، ويتعامل مع الضغوط.

لكن أحيانًا إحنا كمان محتاجين نشتغل مع الأب والأم.

نعلّمهم إمتى يتكلموا، وإمتى يسمعوا.

إمتى يحطوا حدود، وإمتى يسيبوا ابنهم يجرب.

إمتى يقدموا نصيحة، وإمتى يكون المطلوب بس:

"أنا سامعك."

لأن المراهق مش جزيرة لوحده.

هو جزء من بيت.

وطريقة البيت في التعامل معاه بتشكل جزء كبير من الطريقة اللي هو بيتعامل بيها مع نفسه ومع الناس.

وعشان كده، ساعات جدًا، المراهق يدخل عندي باعتباره:

"المشكلة."

وبعد شوية نفهم إن المشكلة محتاجة تتشاف من زاوية أكبر.

مش عشان نلوم الأب والأم.

لكن عشان نساعد كل واحد فيهم يفهم التاني.

لأن ممكن جدًا يكون كل اللي المراهق محتاج يقوله من البداية:

"أنا مش عايزكم تصلحوني… أنا عايزكم تفهموني."

وساعتها يبدأ العلاج الحقيقي.
فهمتوا حاجة


#مراهقين
#جلسة

Address

شارع طلعت حرب بجوار المستشفى العسكري أمام جيم S2O, أعلى صيدلية الحسين الدور الثاني علوي شقة ٢
Shebin Al-Kom

Opening Hours

Monday 11am - 10pm
Tuesday 11am - 10pm
Wednesday 11am - 10pm
Thursday 11am - 10pm
Saturday 11am - 10pm
Sunday 11am - 10pm

Telephone

+201001999586

Website

Alerts

Be the first to know and let us send you an email when مركز مصر والوطن العربي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category