20/06/2025
النهاردة هنتكلم عن أشهر سبب لأعراض المسالك البولية عند الرجال مع تقدم العمر وهو تضخم البروستاتا الحميد
هنعرف يعني ايه تضخم البروستاتا الحميد ؟ وايه اعراضه ؟ و هل بيجي لكل الرجال الكبار في السن ؟ وهل لازم علاج في كل الحالات ؟ تعالوا نشوف
❓يعني ايه تضخم البروستاتا الحميد ؟
هو زيادة في عدد الخلايا الغدية والعضلية في المنطقة المحيطة بمجري البول من البروستاتا واللي بيؤدي الى انسداد في فتحة المثانة وصعوبة في افراغها
يعني ايه برضه مفهمتش😀 بص ع الصورة 👇
🔍 طيب ايه الأعراض التي يسببهها
🧱أعراض انسدادية زي:
📍ضعف في قوة تدفق البول.
📍تقطيع في البول.
📍صعوبة في بدء التبول
📍الإحساس بعدم إفراغ المثانة بالكامل.
📍تنقيط بعد التبول
💧 أعراض تخزينية زي :
📍دخول متكرر للحمام أثناء النهار
📍الاستيقاظ من النوم للتبول أكثر من مرة
📍رغبة مفاجئة للتبول يصعب تأجيلها
🎯طيب هل كل الرجال بيحصل لهم كدا مع التقدم في السن ؟
الأجابة لأ بس احتماليته بتزيد مع تقدم العمر
الارقام بتقول ان نسبته في الأربعينات 23%, بتزيد ⬆️في الخمسينيات ل 42 % وبتوصل في الستينات ل 71% 📈
📊 تمام 👍 هل كل من عنده تضخم يشعر بأعراض؟
الاجابة لا ❌
مش كل من عنده تضخم في البروستاتا يعاني من أعراض.
الدراسات بتقول انه 50% بس اللي بيعانوا من اعراض البروستاتا مش كدا وبس دا 20% بس اللي بيحتاجوا تدخل جراحي.
⚠️طيب ليه لازم نتابع ونعالج لو ظهرت الأعراض؟
💥 لأن المضاعفات تشمل:
1️⃣احتباس بول حاد قد يتطلب تركيب قسطرة لافراغ المثانة
2️⃣التهابات بولية متكررة
3️⃣تكوّن حصوات بالمثانة
4️⃣ضعف عضلات المثانة و حدوث احتباس مزمن
5️⃣فشل كلوي ثانوي بسبب ارتجاع البول
6️⃣نزيف بولي متكرر
✳️ العلاج المناسب يقلل من تطور الحالة ويمنع حدوث هذه المضاعفات
باقي نعرف ازاي نشخص الموضوع دا وايه هو العلاج المناسب ... دا اللي هنعرفه البوست الجاي ان شاء الله
🔥تابع الصفحة عشان تعرف اكتر عن أمراض المسالك البولية.
