https://www.facebook.com/107675544269290/

Egyptian Veterinarians' Union - SVU, Qena, Qena Governorate, Qena (2026)

04/12/2025

السلام عليكم ورحمة الله وبركاته متابعين EVU 🥰

المرة دي سيشن مختلف عن كل اللي فات لكل الناس المهتمة بمجال البيتس 🐈🐕.

هيقدمه معانا د/ حسن العشري صاحب ومؤسس عيادة DrNinja Animal Hospital🤍👀.

هيتناول في السيشن دي :-
🔸ازاي تأسس عيادة بيطرية لطب وجراحة الحيوانات الأليفة 🔥.
🔸وكمان how to perform a proper physical examination.
🔸 وكمان the immunity of new born and vaccinations.

السيشن يوم الجمعة 12\5 الساعة ٩ بالليل بإذن الله على جوجل ميت🤍.

يلا شير ولايك ومنشن لصحابك وابعتولنا على رسايل الصفحة للانضمام للسيشن دي👀🔥.

.❤️❤️
.🩺🐾

02/12/2025

السلام عليكم متابعين EVU الكِرام ✨
بوست عن النهاردة عن "Zoonotic Diseases" وهي
الأمراض التي تنتقل من الحيوان إلى الإنسان.

يحدث تبادُل صامت كل يوم عبر العالم، ليس في قاعات المؤتمرات أو عبر الإنترنت، ولكن عند نقطة التقاء عالَمَي الإنسان والحيوان 🚶‍♂️🐾
هذا التبادل يتضمن الأمراض الحيوانية المنشأ—أمراض معدية تنتقل بين الحيوانات والبشر.

🦠 What Are Zoonotic Diseases?
الأمراض الحيوانية المنشأ تسببها جراثيم ضارة—تشمل الفيروسات والبكتيريا والطفيليات والفطريات—التي تنتشر بين الحيوانات الفقارية والبشر.
والأمراض دي شائعة بشكل لا يُصدق، ويُقدِّر العلماء أن أكثر من 6 من كل 10 أمراض معدية معروفة لدى الناس يمكن أن تنتشر من الحيوانات، وأن 3 من كل 4 أمراض معدية جديدة أو ناشئة لدى الناس تأتي من الحيوانات 😳
هذا يعني أن مُمْرِض الوباء المحتمل القادم يكمن على الأرجح في مجموعة حيوانية، في انتظار فرصة للقفز إلى البشر.

🌍 How Do Zoonotic Diseases Spread?
طرق الانتقال إلى الإنسان
وفهم كيفية انتقال هذه الجراثيم من الحيوانات إلى البشر هو مفتاح الوقاية

طرق الانتقال الرئيسية هي:
• Direct contact 🤝:
الاتصال بلُعاب أو دم أو بول أو مخاط أو سوائل جسم أخرى لحيوان مصاب. وهذا يشمل لمس الحيوان المصاب، والعض أو الخدوش.

• indirect contact 🏞️:
الاتصال بالمناطق التي تعيش فيها الحيوانات وتتجول، أو الأشياء والأسطح الملوثة بالجراثيم، تشمل الأمثلة ماء أحواض الأسماك، وحظائر الدجاج، والإسطبلات، والنباتات، والتربة.

• النواقل 🦟: التعرض لعضة قراد، أو حشرة مثل البعوض أو البراغيث.

• عن طريق الغذاء 🍖: تناول أو شرب شيء غير آمن، مثل الحليب غير المبستر (الخام)، أو اللحوم أو البيض غير المطبوخة جيدًا، أو الفواكه والخضروات النيئة الملوثة ببراز حيوان مصاب.

• عن طريق الماء 💧: شرب أو الاتصال بالماء الذي تلوث ببراز حيوان مصاب.

🚨 Who Is Most at Risk? "Population at risk"
الفئات الأكثر عُرضة للخطر

بينما يمكن لأي شخص أن يمرض بسبب مرض حيواني المنشأ، فإن بعض المجموعات أكثر عرضة للإصابة بمرض خطير. تشمل هذه المجموعات عالية الخطورة:
· الأطفال دون سن الخامسة
· البالغون أكثر من 65 عامًا
· الأشخاص ذوو الجهاز المناعي الضعيف
· النساء الحوامل

🛑 الأفراد الذين يعملون مع الحيوانات، مثل المزارعين والأطباء البيطريين وعلماء الأحياء البرية، يواجهون أيضًا خطرًا أعلى للتعرض.

🔥 Why Are Zoonotic Diseases a Growing Concern?

التهديد من الأمراض الحيوانية المنشأ ليس ثابتًا؛ إنه يتطور وينمو، تساهم عدة عوامل في زيادة هذا الخطر:

🔻 التغير المناخي: تؤدي ارتفاع درجات الحرارة وتغير أنماط الطقس إلى توسيع مناطق النواقل مثل القراد والبعوض، مما يسمح للأمراض بالانتشار إلى مناطق جديدة.
🔻 الزحف البشري: مع توسع التجمعات البشرية وتدمير الموائل الطبيعية، يعيش الناس على مقربة من الحياة البرية، مما يزيد من فرص تسرب مسببات الأمراض.
🔻 السفر والتجارة العالميان ✈️: عالم مترابط يعني أن المرض يمكن أن يقفز من قرية نائية إلى مدينة كبرى في أقل من يوم.
🔻 الممارسات الزراعية: يمكن للزراعة المكثفة أن تضخم وتنشر أمراض الحيوانات.

🛡️ How Can You Protect Yourself and Your Family? نصائح للوقاية

كل شخص منا له دوره.. هناك طرق بسيطة وفعالة للمساعدة في حماية نفسك وأسرتك من الأمراض الحيوانية المنشأ:

🔸 ممارسة النظافة الجيدة لليدين. 🧼
🔸 التعامل الآمن والسليم مع الطعام 🍳: اطبخ اللحوم على درجات حرارة آمنة، وتجنب الحليب غير المبستر، وامنع التلوث المتبادل في المطبخ باستخدام ألواح تقطيع منفصلة للحوم النيئة والخضروات.
🔸 تجنب عضات الحيوانات وخدوشها: لا تقترب من الحيوانات البرية أو تلمسها.
🔸 ارتدِ معدات واقية 🧤: إذا كنت تعمل مع الحيوانات أو تتعامل مع فضلاتهم (مثل تنظيف صندوق الفضلات)، فارتدِ القفازات والملابس المناسبة.
🔸 ابقَ على اطلاع دائم بالتطعيمات 💉: لقح حيواناتك الأليفة، خاصة إذا كنت تسافر إلى مناطق بها مخاطر عالية لأمراض مثل داء الكلب.

💡 The "One Health" Approach: نهج "الصحةالواحدة"

مكافحة الأمراض الحيوانية المنشأ بشكل فعال تتطلب استراتيجية تعاونية تعرف باسم "الصحة الواحدة". يقر هذا النهج بأن صحة الناس ترتبط ارتباطًا وثيقًا بصحة الحيوانات وبيئتنا المشتركة.

تعمل منظمات مثل منظمة الصحة العالمية (WHO)، ومنظمة الأغذية والزراعة (FAO)، والمنظمة العالمية لصحة الحيوان _ (OIE) سابقًا، (WHAO) حاليًا _ معًا ضمن هذا المبدأ لتحسين ترصد الأمراض وأنظمة الإنذار المبكر وجهود المكافحة في جميع أنحاء العالم. من خلال كسر الحواجز بين الطب البشري والطب البيطري وعلوم البيئة، يمكننا بناء عالم أكثر صحة وأمانًا.

By: michael Boles
🔎✍🏻
❤️❤️

28/11/2025

جاهزين لأقوى مسابقة تصوير عندنا؟!
لو عندك صورة جامدة، مميزة، مختلفة… دي فرصتك تطلعها للنور !🫣

مسابقتنا هتبدأ وتكمل لأسبوع معانا 😍
ابعت لينا أفضل صورة عندك على رسائل الصفحة…
وخلّي موهبتك تتشاف 👀💚

وأول 3 فائزين هيكون ليهم فرصة خاصة جدًا وهى أنهم هيشاركوا معانا في الزيارات الجاية اللي هنعملها 🤩
يعني مش بس هتكسب… ده كمان هتكون جزء من فريقنا في يوم مميز!

مستنيين إبداعاتكم 👀

📸✨
❤️❤️

25/11/2025

فساد اللحوم – لما الهزار يتحوِّل لكارثة! 🥩

كل شوية بنسمع عن ضبط لحوم فاسدة في مخزن أو مطعم أو عربية نقل… نضحك شوية ونتريق
بس عمرك سألت نفسك: هو أنا فعلاً في أمان؟
ولا الاستهانة دي مش هتخلص غير عند دخول المستشفى؟

🚨 يعني إيه "لحمة فاسدة"؟

اللحمة الفاسدة مش بس لحمة (بايظة) بمفهومنا المعتاد،
دي لحمة اتغيّر تركيبها الكيميائي بفعل البكتيريا 🦠
أو تم حفظها في ظروف غير صحية
أو اتحقنت بمواد معينة تخلّي شكلها حلو 💉
وهي في الحقيقة قنبلة موقوتة!

⛔ بعض اللحوم الفاسدة بتتغسل بمواد كيميائية، تتحقن بألوان صناعية، وتتغلف في كيس عليه تاريخ صلاحية جديد…
عشان توصل لك أنت، وتأكلها وأنت مطمئن!

⚠️ إيه اللي ممكن يحصل لو أكلت لحمة فاسدة؟

- تسمم غذائي حاد
- إسهال وقيء وارتفاع حرارة
- في بعض الحالات، فشل كلوي أو تسمم دموي
- عدوى بكتيرية زي:
• E. coli (بتعمل نزيف معوي)
• Salmonella
• Listeria (خطيرة على الحوامل والرُّضَّع وكبار السن)

🔍 علامات اللحمة الفاسدة:

1. اللون: تحوّل للرمادي، البني الغامق، أو ظهور بقع خضراء.
2. الرائحة: زفارة قوية، حموضة، أو رائحة تعفُّن.
3. الملمس: لزج بشكل واضح
4. التسوية: بتطلع ريحة سيئة عند الطهي أو لونها ما بيتغيرش كويس.

💡 ازاي تحمي نفسك وأسرتك؟

- اشتري من مصدر موثوق، حتى لو أغلى شوية.
- افحص اللحمة بنفسك قبل الطبخ.
- خزنها صح: التجميد السريع عند درجة 18- مئوية، وعدم إعادة تجميد اللحمة بعد فكها.
- اطبخها كويس: درجة الحرارة الداخلية لازم توصل لـ 70 درجة مئوية على الأقل.

🔴 لو عندك شك في إن اللحمة فاسدة أو لأ، تخلَّص منها، صحتك مش مجال للمجازفة.

By: Mohamed Abd-Elhameed
.❤️❤️
.🔎✍🏻

20/11/2025

مبرووك لنجوم شهر أكتوبر عندنا في التيم! 🌟

شُغل، التزام، حضور، وروح حلوة فرقت مع كل حد فينا.
فخورين بيكم جدًا، ومبسوطين إن عندنا ناس بالشغف ده، واللي كل مرة يثبتوا إن التميّز مش صدفة ❤️

تيم EVU دايمًا بيكم أحسن 🤍🔥

❤️❤️
🌟

03/11/2025

الطبيب البيطري..
خط الدفاع الأول ضد الأوبئة العالمية. 🌍🩺

يُعد الطبيب البيطري أحد أهم عناصر منظومة الصحة العامة في العالم، فدوره لا يقتصر على علاج الحيوانات فقط 🐄
بل يمتد ليشمل حماية الإنسان من الأمراض المُشتركة بين الحيوان والإنسان "Zoonotic Diseases"، والتي تمثل أكثر من 60% من الأمراض المعدية عالميًا ⚠️.

🔸أولًا: مفهوم الأمراض المُشتركة
ودور الطبيب البيطري في مكافحتها:-👩‍⚕️

الأمراض المشتركة هي تلك التي تنتقل بين الإنسان والحيوان، ومن أبرزها:
🐔 أنفلونزا الطيور (Avian Influenza)
🐕 داء الكَلَب (Rabies)
🐄 السُل البقري (Bovine Tuberculosis)
🧫 السالمونيلا (Salmonellosis)
🦇 الإيبولا وكورونا (Ebola & COVID-19)

يقوم الطبيب البيطري بمتابعة صحة الحيوانات في المزارع والبيوت والحياة البرية، مما يمكنه من اكتشاف العدوى مبكرًا، وبفضل هذه المتابعة الدقيقة يمكن احتواء المرض عند مصدره الحيواني قبل أن ينتقل إلى الإنسان ويتحول إلى أزمة صحية عالمية. 😷💪

🔸ثانيًا: الطب البيطري ونظام "الصحة الواحدة"
(One Health)
ويرتكز مفهوم "الصحة الواحدة" One Health على أن صحة الإنسان🧍وصحة الحيوان 🐾 وصحة البيئة 🌳 مترابطة بشكل وثيق.

ويعتمد هذا النظام على التعاون بين:
الأطباء البيطريين 👩‍⚕️
الأطباء البشريين 🧑‍⚕️
علماء البيئة 👨‍🔬
المنظمات الصحية العالمية مثل:
🌍 منظمة الصحة العالمية (WHO)
🐄 منظمة الأغذية والزراعة (FAO)
🧬المنظمة العالمية لصحة الحيوان(WOAH – سابقًا OIE)

هذا التعاون يساعد على رصد الأمراض في الحيوانات مبكرًا ومشاركة المعلومات عالميًا لتجنّب تفشّي العدوى👨‍⚕️🔬.

🔸ثالثًا: مساهمة الطبيب البيطري في الوقاية والسيطرة على الأمراض الوبائية:-
يقوم الطبيب البيطري بأدوار متعددة وحيوية، منها:

1.🧑‍🔬المراقبة الوبائية: تتبع انتشار الأمراض بين الحيوانات ورصد الحالات المشتبه بها.
2.💉 التطعيم والتحصين: تنظيم حملات اللقاح للماشية والطيور للحد من انتشار العدوى.
3.📢 التوعية المجتمعية: توعية المربين والمواطنين بخطورة الأمراض المشتركة وطرق الوقاية منها.
4.🔬 البحث العلمي: المشاركة في تطوير اللقاحات والأدوية البيطرية.
5.😷 الحجر البيطري "quarantine": وذلك لفحص الحيوانات المستوردة أو التي يتم تصديرها لحماية الأمن الصحي الوطني.

🔸 رابعًا: أمثلة تؤكد أهمية الطبيب البيطري:-

🐔 في وباء أنفلونزا الطيور كان للأطباء البيطريين الدور الأساسي في اكتشاف الفيروس وعزل المزارع المصابة.

🧬 أثناء جائحة كورونا (COVID-19) شارك الأطباء البيطريون في دراسة منشأ الفيروس ورصد انتقاله من الحيوانات للبشر.

🌍 كما نجح المجتمع البيطري العالمي في القضاء على طاعون الماشية (Rinderpest) عام 2011، ليصبح أول مرض حيواني يتم القضاء عليه بالكامل 👏🔥.

إن الطبيب البيطري هو جندي مجهول في معركة حماية صحة الإنسان 🌍💪.
فمن خلال مراقبته المستمرة وتدخله السريع، يمنع انتشار أمراض قد تهدد البشرية، لذلك فإن دعم قطاع الطب البيطري والبحث العلمي، هو استثمار حقيقي في الأمن الصحي العالمي.
لأن صحة الحيوان = صحة الإنسان = صحة الكوكب 🌿❤️.

By: Dr/Sara Harith
❤️❤️
🔎✍🏻

29/10/2025

إعلان سيشن جديد! 🐴🎯

استنونا في سيشن مميز جدًا مع د. حسين المصري💫
اللي هيكلمنا عن تجربته في طب الخيول بشكل عملي ومفيد لكل الطلبة والمهتمين بالمجال البيطري. 🩺🐎

📍 الخبرات:
طبيب بيطري في Egypt Equine Aid
سابقًا: طبيب بيطري في نادي القوات المسلحة للفروسية

🎓 المؤهلات الأكاديمية:
طالب ماجستير طب خيول – كلية الطب البيطري، جامعة جنوب الوادي

دبلومة في الكيمياء الحيوية والبيولوجيا الجزيئية – كلية الطب البيطري، جامعة جنوب الوادي (2024)

خريج دفعة 2023 من نفس الكلية

السيشن هيكون فرصة ممتازة إننا نتعلم من خبرة حقيقية في التعامل مع الخيول ميدانيًا وعلميًا،
فـ متفوتوش السيشن ده اللي هيكون يوم الجمعة 31/10 الساعة 9 على Google meet♥️

هنستناكم تبعتولنا على رسايل الصفحة علشان تنضموا للسيشن.

.❤️❤️
.🩺🐾

26/10/2025

ازيكم متابعين EVU الأعزاء 🙋‍♂️
النهاردة هنكلمكم عن الراديتر بتاع الحصان!

طبعًا بتقول: " إيه اللي جاب راديتر العربية للحصان...؟؟" صبرك عليّ! 🤌

هنكلمكم عن "Guttural Pouch".
وده عبارة عن:
"an air-filled outpouching or diverticulum of the auditory tube (Eustachian tube)"

أترجملك: "هو عبارة عن جيب أو تجويف مليان هواء، طالع من القناة السمعية (اللي اسمها قناة استاكيوس)."
يعني هو جيب في القناة السمعية، والجيب ده ممكن يتسع من 300 لـ 500 مللي.

📍ومكانه بالظبط:
"The guttural pouches occupy the region of the head caudal to the rami of the mandibles, dorsocaudal to the nasopharynx and larynx, and ventral to the base of the skull and wing of the atlas. They lie deep to the parotid salivary gland."

أترجملك تاني: "المكان ده بالظبط بيكون في منطقة الرأس، ورا الفكين بتوع الحصان، وفوق البلعوم والزور، وتحت قاعدة الجمجمة وجناح الفقرة الأطلسية، وبيكون مختفي تحت الغدة النكافية اللعابية."

طيب... هو في كل الحيوانات؟
فوق معايا! إحنا فوق قلنا حصان، يبقى إزاي في كل الحيوانات؟

هو في الأساس بيكون في ال "Perissodactyla"،
كلمة جديدة عليك عارف 😅 معناها "وتريات الأصبع" يعني اللي فيها حافر أو صباع واحد. 🐎🫏

طيب... أنا معرفتش إيه علاقته بالراديتر بتاع العربية!

تعالى هقولك:
وظيفة الـ Guttural Pouch (راديتر الحصان): 🏇

الدم السخن اللي رايح للمخ وللرأس عمومًا بيعدي على الجيب ده، الـ Guttural Pouch بيشتغل هنا كمُبرِّد طبيعي وبيبرد الدم ده.. ليه؟ لأن الدم لو وصل للدماغ ودرجة حرارته عالية (وده بيحصل بسبب الجري أو أي مجهود بيرفع حرارة الجسم...) هيعمل مشاكل كتير، لذلك الـ Guttural Pouch بيضمن سلامة الدماغ من الحرارة العالية، وكمان في دراسة بتقول إنه بيظبط ضغط الدم اللي موجود في الدماغ.

وكده هو راديتر ولا لأ؟

طبعاً في مشاكل كتير بتحصل للـ Guttural Pouch، منها: الـ Empyema والـ Mycosis والـ Tympany وغيره، وإن شاء الله هنتكلم عنهم مرة تانية عشان ما نطولش عليكم.❤️

By: Mohamed Dawy
.❤️❤️
.🔎✍🏻

20/10/2025

꧁Guess the disease!꧂

🔸viral disease affects cattle 🐄

🔸Symptoms:
•sever bloody diarrhea, prostration
•pregnant animal may abort
•oral and eye lesions (mucosal phase)
•fever (prodromal phase)
•morbidity rate 100% & mortality rate 90-100%

🔸P. M lesion:
👉 Characterized by zebra strips in cecum,
colon and re**um.

خمنوا إيه هو المرض في الكومنتات 🙌

By: Taha Hgagy
Design: Menna Sabry
.❤️❤️
.🔎✍🏻
🧐

16/10/2025

سلامٌ عليكم ورحمة الله وبركاته متابعين EVU.🥰

بسم الله بداية أول سيشن معانا السيزون دا 👀
سيشن مُميز جدًا هتقدمه معانا د/ فاطمة عبد الهادي :-
🔸Graduated From Veterinary Medicine, South Valley University. at 2021.

🔸Diploma in Analytical Chemistry- South Valley University 2023.

🔸Assistant Quality & Hygiene Manager at AKASSIA Swiss Resorts.

🔸Training Course in GMPs, ISO 22000:2018, HACCP at Regional Center for Food Safety and Quality Food Stuffs in Cairo University.

هنتكلم فيه بشكل عام عن الطب البيطري ومجالاته للناس اللي لسة محتارة تدخل أي مجال❤️🔥👀
بالإضافة كمان ازاي نستفاد من الكلية أقصى استفادة وايه الكورسات اللي ممكن ناخدها واحنا في الكلية .👀

موعدنا إن شاء الله الجمعة ١٧ أكتوبر الساعة 8 مساءً على google meet.🤍
لو حابب تنضم للسيشن دي ابعتلنا على رسايل الصفحة .📥
لايك وشير وكومنت لصحابك عشان الفايدة تعم.🤍

.❤️❤️
.🩺🐾

15/10/2025

🚨 خلي بالك! ده بيقضي على قطيعك بصمت؟

أنا بتكلم عن ال milk fever أو«حمى اللبن»
واللي متعرفهوش إن مش دايما سببها بيكون نقص الكالسيوم...

كتير من الناس أول ما يسمع “milk fever” دماغه تروح فورًا لنقص الكالسيوم، وخلاص.
بس الحقيقة إن الصورة أكثر تعقيدًا من كده.

🔸الـ Milk fever أو parturient paresis هي واحدة من أهم metabolic diseases اللي بتحصل فترة الولادة، خصوصًا في الأبقار عالية الإدرار.
👈🏻 الفكرة ببساطة إن الجسم بيواجه فجأة طلب عالي جدًا على المعادن في وقت الولادة وبداية الـ lactation، وفي اللحظة دي بيحصل خلل في توازن أكتر من عنصر واحد.

🔸أول وأشهر سبب طبعًا: Hypocalcemia (نقص الكالسيوم)
وده اللي بيحصل لما الكالسيوم اللي بيتسحب في اللبن (خصوصًا الـ colostrum) يكون أكتر من اللي الجسم قادر يعوضه من العضم أو يمتصه من الأكل.
👈🏻 النقص ده بيأثر على انقباض العضلات، القلب، والـ smooth muscles زي الرَحِم والمعدة، فتبقى البقرة ضعيفة، والـ rumen يوقف، والرحم يبقى مرتخي.

📌 لكن مش الكالسيوم لوحده اللي في الصورة:

1. Hypophosphatemia (نقص الفوسفور)
الفوسفور شريك الكالسيوم في عملية انقباض العضلات ونقل الطاقة (ATP).
لما يقل، ممكن تلاقي نفس أعراض الـ milk fever بالضبط: ضعف، رقود، قلة أكل، وتعب شديد بعد الولادة.
وده بيظهر غالبًا بعد فترة قصيرة من الولادة خصوصًا لو النظام الغذائي فقير في الفوسفور أو النسبة بين الكالسيوم والفوسفور مش متوازنة.

2. Hypomagnesemia (نقص الماغنسيوم)
الماغنسيوم عنصر أساسي في تنشيط إفراز الـ parathyroid hormone اللي مسؤول عن تحريك الكالسيوم من العضم للدم.
يعني لو الماغنسيوم ناقص، الجسم حتى لو فيه كالسيوم مش هيعرف يستخدمه كويس.
وده يخلي الحالة مقاومة للعلاج بالـ calcium لوحده.

3. Hypokalemia (نقص البوتاسيوم)
رغم إنه أقل شيوعًا، لكن النقص الشديد في البوتاسيوم – خاصة بعد الولادة أو مع فقد شهية – ممكن يعمل ضعف عضلي عام وشلل يشبه جدًا الـ milk fever.

4. Metabolic alkalosis
في بعض الأبقار بيكون العلف غني بالأيونات القاعدية (زي الصوديوم والبوتاسيوم) فيحصل alkalosis تقلل استجابة المستقبلات للـ PTH، فبرضه الكالسيوم مايطلعش كويس من العضم.
وده السبب اللي بنستخدم عشانه anionic salts قبل الولادة.

📢 يعني الخلاصة:
مش كل بقرة واقعة بعد الولادة معناها نقص كالسيوم وبس.
ممكن تكون Hypocalcemia، أو Hypophosphatemia، أو Hypomagnesemia، أو combination بينهم.
وعشان كده التشخيص الصح لازم يعتمد على التحليل المعملي للـ serum minerals مش على الأعراض بس.

الـ Milk fever مرض متعدد العوامل، أساسه خلل في الاتزان بين احتياجات الجسم وإمداداته من العناصر المعدنية أثناء فترة الـ transition.
التحكم فيه مش بالحقن الدوائي بس، لكن بالوقاية الغذائية الدقيقة قبل الولادة.

قولي بقى عمرك شوفت حالة milk fever؟

By: Dr. Taha Hgagy.
. ❤️❤️
.🔎✍🏻

10/10/2025

🐴❤️ هل فعلًا الحصان عنده 5 قلوب؟ ولا دي إشاعة!

الحقيقة إن الحصان عنده قلب واحد بس ❤️
زي الإنسان وكل الحيوانات التانية.

القلب ده فيه أربع حجرات 🫀
2 أذين و2 بطين، وبيشتغل على ضخ الدم في الجسم كله،
اليمين بيوصل الدم للرئة، والشمال بيرجع الدم اللي فيه أكسجين لكل الجسم 💪
للمعلومة ❤️👇🏻
يبلغ وزن قلب الحصان البالغ في المتوسط 3.6 كيلوغرام (7.9 رطل)، مع أنه قد يتجاوز ضعف هذا الحجم.

طيب ليه الناس بتقول عنده خمسة قلوب؟ 🤔
السبب إن في حاجة في حافر الحصان اسمها (Frog)
دي بتشتغل زي مضخة صغيرة، كل ما الحصان يحط حافره عالأرض بتساعد الدم يطلع لفوق ⬆️
فبعض الناس افتكروا إن كل حافر فيه "قلب صغير"
لكن علميًا دي مش قلوب، دي بس طريقة الجسم يحافظ بيها على الدورة الدموية 👩‍🔬

وبالمناسبة، قلب الحصان قوي جدًا 🔥
في الراحة بينبض حوالي ٣٠–٤٠ مرة في الدقيقة،
ولما يجري ممكن يوصل لأكتر من ٢٠٠ نبضة في الدقيقة
وده كفاية يخليه أسرع وأقوى من أغلب الحيوانات 💪🔥

المصادر:-
-https://wilvet.com/interactive-animal/equine/circulatory/
https://ceh.vetmed.ucdavis.edu/sites/g/files/dgvnsk4536/files/local_resources/pdfs/pubs-March2013-sec.pdf
-https://share.google/fsGJN51QBztcjfWKy

By: Mohamed Saeed
❤️❤️
🔎✍🏻

Egyptian Veterinarians' Union - SVU

04/12/2025

02/12/2025

28/11/2025

25/11/2025

20/11/2025

03/11/2025

29/10/2025

26/10/2025

20/10/2025

16/10/2025

15/10/2025

10/10/2025

Address

Telephone

Website

Alerts

Contact The Organization

Shortcuts

Share

Category