Enactus Qena University

30/04/2026

أبطال من صُنع ايناكتس💪🏻

مش كل يوم بنشوف مجهود بيتحوّل لإنجاز…
بس تيمنا عملها في NextGen.

مش مجرد مراكز اتحققت في مسابقه،
ده نتيجة سعي مستمر، ورغبة حقيقية في التعلم والتجربة🚀

جوه Enactus بنكبر خطوة بخطوة،
وكل خطوة بتبان في تميز ابطالنا وانجازاتهم.

كل الدعم ليكم… ولسه ايناكتس بتقدم اللي بيصنعوا الفرق كل يوم💛

📌وشكر خاص لـ كريتيفا قنا Creativa Hub Qena على استضافة الحدث ودعم الشباب وتطويرهم في مهارات تفيدهم في سوق العمل.

23/04/2026

مش كل يوم بيتحكي…
في أيام بتتَعاش،وبتفضل محفورة في الذاكرة💫

اللحظات عدّت بسرعة…
بس اللي استفدناه كان اكبر من أي لحظة اتصورت📸

مشهد ورا مشهد،
كل تفصيلة كانت بتكمّل اللي قبلها..لحد ما اليوم بقى حكاية.

وحكاية زي دي… مستحيل تتنسي💛

22/04/2026

أقوى انطلاقة لريادة الأعمال...
بحضور عدد كبير من الشباب اللي عندهم شغف يبدأوا،يجربوا،ويعملوا فرق!🚀

إيفينت Step Up مكانش مجرد يوم عادي…
كان تجربة مليانة طاقة وأفكار من اول دقيقه لاخر لحظه، غير الفايبس اللي كانت في حته تانيه.

ومش بس كده...
كل حد حضر خرج وهو فاهم خطواته الجاية بشكل أوضح،
وعنده دافع حقيقي يبدأ ويكمل👌

لحظات بسيطة بس كان ليها تأثير كبير وكفيله تغيّر طريقة تفكيرنا.

مستنيين نسمع الفيدباك بتاعكم…
قولولنا إيه أكتر حاجة فرقت معاكم في اليوم؟🤔

19/04/2026

مش كل يوم بيبقى فيه فرصة تسمع تجارب حقيقية من ناس سبقوك في الطريق…
لكن في Step Up، ده كان الواقع ✨

📢 شكر كبير لكل السبيكرز اللي شاركونا رحلتهم:
🎖️ أحمد نادي:
علّمنا إن البداية مش محتاجة كمال… قد ما محتاجة خطوة وتنفيذ حقيقي
🎖️ بشمهندسة/ ريم عادل:
وضّحت لنا إزاي ندخل السوق صح، وأهمية الـ Marketing في نجاح أي مشروع
🎖️ د. أحمد كمال:
خلّانا نفهم ازاى ريادة الأعمال ممكن تبقا مناسبة لينا وإزاي نطوّر نفسنا فيها
🎖️ د. مهند عبد الباسط:
شاركنا تجربته وإزاي الإصرار يقدر يحوّل أي فكرة لواقع
🎖️ بريزيدنت إيناكتس قنا، عبد الكريم حسن:
ورّانا الرحلة ورا الكواليس لحد ما الفكرة تبقى مشروع له أثر
🎖️بشمهندس/ أحمد جاد:
وضّح لنا مراحل ريادة الأعمال وإزاي كل مرحلة بتبني اللي بعدها لحد ما المشروع يكبر

وجودكم كان مصدر إلهام حقيقي لكل الحضور،
وشكرًا إنكم شاركتونا خبرتكم 💛

16/04/2026

في أي نجاح… بيكون في دايمًا شركاء دعم كان ليهم دور حقيقي في اليوم ✨

🎯 حابين نوجّه شكر كبير لكل سبونسر شارك معانا في Step Up وكان جزء من التجربة:

📒 مكتبة الرضا:
اللي دايمًا بتوفّر كل احتياجات الطلبة في مكان واحد وسهّلت على كتير بداية طريقهم
☕ فرانده كافيه & مطعم :
اللي أضافوا لمسة مختلفة بتجربة مميزة وروح جميلة لليوم
🧾 مركز الأوائل :
بدورهم في تطوير مهارات الأطفال والشباب وصناعة فرق حقيقي في المجتمع
🌍 الاتحاد العربي الإفريقي للتدريب والتنمية:
اللي بيساهم في خلق بيئة للتعلم وتبادل الخبرات بشكل فعّال

وجودكم كان له تأثير كبير في نجاح اليوم... وشكرًا إنكم كنتوا جزء من الرحلة 💛

13/04/2026

Piece by Piece...They made it complete🧩

الـ Orientation Day مكنش هيطلع بالجمال ده غير بـ روح إيناكتس...
اللي كانت واضحة في كل تفصيلة.

شكرًا من القلب لكل ميمبر، أياً كان الكوميتي بتاعتك، على:
🔹 روح التعاون اللي خلت اليوم لوحة رسمناها كلنا سوا.
🔹️الطاقة الإيجابية اللي كانت موجودة رغم أي تعب.
🔹 بصمة كل واحد اللي خلت اليوم يطلع بصورة تشرّف.

فخورين بكل واحد شارك وساب أثره…
دايمًا مع بعض أقوى، ومكملين اللي جاي بنفس الروح👌

12/04/2026

The work may stay quiet, but the results always speak loud and clear ✨

واللي بيحصل مش مجرد نتائج… ده أثر شغل اتبنى خطوة بخطوة لحد ما بقى واضح.

فوقتها كان طبيعي يبقى الاختيار لـ:
🏆 Best Committees –OC&PR
الكوميتيز اللي جمعت بين التنظيم والتنسيق، فخلّت كل تفصيلة تطلع في صورة تليق بينا.

🏆 Best Head – SM – محمود حربي
رؤية واضحة وتنظيم قوي شكّلوا هوية واحدة للمحتوى.

🏆 Best Head – HR – منه محمد
متابعة مستمرة وتنظيم خلّت التيم كله مترابط.

🏆 Best Vice – PR – مهند عبدالباسط
التزام واهتمام بالتفاصيل خلّى الصورة العامة تطلع بشكل يليق بينا.

🏆 Best Vice – PM – سلفانا أيمن
شغل مستمر وتنظيم خلّت التفاصيل تمشي زي ما متخطط لها.

وفي الآخر…
النجاح عمره ما بييجي صدفة، هو شغل بيتراكم لحد ما يبان في أفضل صورة💪🏻

11/04/2026

The spotlight is yours this time!
Enactus QU – Impact Maker of the Month🏅

مش كل نجاح بيكون صوته عالي…
في نجاح بيتعمل في هدوء،
بس أثره بيفضل يتكلم عن صاحبه طول الوقت.

الشهر ده شفنا نموذج لحد قرر يدي أقصى ما عنده…
فكان طبيعي يكون هو اللي في الصورة🌟

فخورين بيكم وباللي قدمتوه…
واللي جاي بيكم هيكون اقوى.

وخلّيكم فاكرين…
الـ Impact مش صدفة،
ده قرار بتاخده كل يوم👌

09/04/2026

لو البراند هو البطل… فالماركتنج هو اللي بيكتب القصة✍️

وعلشان كده، كان لازم نتعلم من حد بيعرف يكتب القصة صح…
في سيشن مميزة نظمتها Marketing Committee، مع المهندسة/ ريم عادل:

🔹️ أخصائية التسويق الرقمي بشركة "ندرة الإبداع" (مشغل كرييتيفا قنا وأسوان).
🔹️ خبرة أكتر من 3 سنين في إدارة الحملات الرقمية وبناء الهوية لقطاعات مختلفة (الزراعة، العقارات، السياحة، الطب، والتغذية).
🔹️ متخصصة في صناعة المحتوى المرئي والمسموع، التعليق الصوتي، وكتابة المحتوى وفق قواعد الـ SEO.
🔹️ عندها مهارة قوية في تطوير استراتيجيات المحتوى الرقمي للمشاريع الناشئة.

السيشن كانت أكتر من مجرد معلومات..
فهمنا ازاي نقول الصح للشخص الصح في الوقت الصح.

شكرًا بشمهندسة/ ريم على السيشن المميزه اللي قدمتيها لينا، ونتمنالك دايمًا نجاح أكبر وتألق مستمر في مجالك🙏🏻

07/04/2026