اجدع ناس

اجدع ناس الشعب المصري اجدع ناس

Permanently closed.

وصف قصير
الصفحة ليست سياسيه فبلاش سياسه الصفحه لخدمه الجاليه وبس اذا من ناحيته الشغل السكن او دعايه لأي شي بس بلاش سياسه.....،،،،،،،،..............................G

من اول ماظهرت اغنيه يامصر بتعمليها ازاي واحنا بنشوف العجب والله! اللي قدامك دي بلوجر روسية مشهوره جدا في روسيا بتعمل فيد...
06/08/2026

من اول ماظهرت اغنيه يامصر بتعمليها ازاي واحنا بنشوف العجب والله!

اللي قدامك دي بلوجر روسية مشهوره جدا في روسيا بتعمل فيديوهات لطيفة اسمها الينا اتجوزت شاب مصري من الشرقيه اقنعها بالجواز وقالها هعيشك في فيلا كبيره وهتتفرجي علي مناظر طبيعيه كل يوم

المهم جابها تعيش مع أهله في عزبة جنب الزقازيق وكل يوم بتصحي تحلب الجامو. سه وتخبز مع الحريم فوق السطح وغيرت اسمها من الينا لعليشة وبقت بتقعد قدام البيت بتحسىد اللي رايح واللي جاي وجوزها خد منها الموبايل الايفو.ن وادالها موبايل نوكيىا مكانه ونسيت انها كانت بلوجر اصلا وبقت اسم الله عليها فلاحة قد الدنيا اقسم بالله الراجل المصري عنده قدرة رهيبة على تحويل الدهب لتراب
#الدهب

. كل يوم بيزيد احترامي لعقلية محمد صلاحمش لأنه أفضل لاعب مصري وعربي بس، لكن لأنه فهم إن رسالته أكبر من كرة القدم.الراجل ...
06/08/2026

. كل يوم بيزيد احترامي لعقلية محمد صلاح

مش لأنه أفضل لاعب مصري وعربي بس، لكن لأنه فهم إن رسالته أكبر من كرة القدم.

الراجل سافر أوروبا لأنه كان عارف إن النجاح الحقيقي بيكون وسط أقوى منافسة، وتعب سنين طويلة لحد ما بقى واحد من أفضل لاعبي العالم.

وكان سهل جدًا في آخر مسيرته يختار العقد الأكبر والأموال الأكثر، لكنه اختار طريقًا مختلفًا، وكأنه بيقول لكل شاب: “طموحك أهم من حسابك البنكي.”

في رأيي، كم من العقول المصرية والعربية سافرت إلى الخليج بحثًا عن المال، ثم توقفت أحلامها هناك. أطباء، مهندسون، مبرمجون، باحثون، ورياضيون… كثير منهم دخلوا دوامة الوظيفة والراتب، لكن خرجوا من سباق المنافسة العالمية.

لا ألوم من يبحث عن لقمة العيش، لكن عندما يصبح المال هو السقف الأخير للطموح، فهنا تكون الخسارة.

ولهذا احترمت محمد صلاح… لأنه اختار أن يترك رسالة للأجيال، لا مجرد رصيدًا أكبر في البنك #محمد #صلاح


* #صلاح
*
* #القدوة
* #النجاح
* #الطموح
* #الإصرار
*
*
*
* #المنافسة
* #الاحتراف
*
* #مصر
*
*
*
*

أثناء التحقيق مع القاضي المُزيف،تم سؤاله سؤال مُباشر.ليه ما استغلتش ال٣ مليون جنيه اللي كانوا معاك في عمل شريف تكسب منه،...
04/08/2026

أثناء التحقيق مع القاضي المُزيف،تم سؤاله سؤال مُباشر.
ليه ما استغلتش ال٣ مليون جنيه اللي كانوا معاك في عمل شريف تكسب منه،بدل ما تصرفهم على الرشاوي علشان تدخل المحكمة وتتصور كام صورة وڤيديو على المنصة بوشاح القاضي،و تنصب بيهم على الناس،بدل اللفة دي كلها،كنت حطتهم في بنك وهيجيبوا لك كل شهر ٤٠ ألف جنيه.
وجاء الرد من القاضي المزيف واضحاً وصريح :لا أقبل الربا

بقالنا كام يوم المنتخب المصري تريند عالمي، والعالم كله بيتكلم عن الرجولة والروح اللي لعب بيها منتخب مصر، وعن الظلم التحك...
10/07/2026

بقالنا كام يوم المنتخب المصري تريند عالمي، والعالم كله بيتكلم عن الرجولة والروح اللي لعب بيها منتخب مصر، وعن الظلم التحكيمي اللي حصل قدام الأرجنتين، وعن المواقف المحترمة قبل الماتش وأثناءه وبعده.

في المجمل، أغلب المصريين فرحانين وفخورين بالمنتخب. لأول مرة من سنين نحس إن منتخبنا واقف ند لند قدام كبار الكورة، من غير خوف ولا عقدة نقص.

بصراحة… حسام حسن واللاعيبة وصلونا لحاجة يمكن كتير مننا ماكنوش يحلموا بيها.

ألف شكر ليكم… فرحتونا، ورفعتوا راس كل مصري.

أما بقى موقف حسام حسن من فلسطين… فهو موقف طبيعي من راجل عنده ضمير. ولو الموقف ده ضايق الكيان الصهيوني، فدي حاجة متضايقناش، بالعكس.

لكن اللي صدمني بجد، إن في شوية ناس محسوبين على النخبة والمثقفين، عاملين نفسهم هما بس اللي بيفهموا، وباقي الشعب جهلة!

وصل بيهم الحال إنهم يتهموا حسام حسن بالخيانة، عشان اتكلم عن فلسطين، وعشان أهان علم الكيان.

يا جماعة… إنتوا مالكم؟

هو الوقوف مع شعب بيتقتل كل يوم بقى خيانة؟

هو التعاطف مع الأطفال والستات والمدنيين بقى جريمة؟

إنتوا دين أبوكم إيه؟
مش بتكلم على دين بمعنى العقيدة… بتكلم على الإنسانية.
إيه المبادئ اللي مؤمنين بيها؟
إزاي واحد يشوف اللي بيحصل كل يوم، وبعد كده يبقى كل همه إن واحد قال كلمة عن فلسطين أو رفض علم الاحتلال؟

مصر عمرها ما كانت صغيرة، وعمرها ما كانت بتتخلى عن دورها ولا عن أشقائها.

وحب مصر عمره ما كان ضد فلسطين.

مبروك لمنتخبنا… وشكرًا لكل واحد رفع راس المصريين في الملعب، وبره الملعب. 🇪🇬 #تحيامصر

⛔ حسام حسن النهاردة قال كلام للتاريخ كلام لازم يترجم لكل لغات العالم ، حسام قال اللي في قلوبنا ونفسنا نقوله ونعبر عنه ب...
07/07/2026

⛔ حسام حسن النهاردة قال كلام للتاريخ كلام لازم يترجم لكل لغات العالم ، حسام قال اللي في قلوبنا ونفسنا نقوله ونعبر عنه بكل شجاعة وصدق

» صحفية من تركيا في المؤتمر الصحفي قبل مباراة مصر والأرجنتين سألته

» رأيناك ترفع العلم الفلسطيني بعد مباراة مصر وأستراليا ما هو شعورك وهل ستكرر الأمر بعد لقاء الأرجنتين ؟

رد حسام حسن رد تاريخي من قلبه وخد مساحة كبيرة للرد

» برحب بيكي والشعب التركي كله .. كل واحد ليه مشاعر واحاسيس

» لكن لو في حد في العالم محسش بالشعب الفلسطيني يبقى مش بني ادم ميبقاش بني ادم ايا كان بقى ده عربي او أوروبي أو غيره

» حتى الشعوب في أوروبا و أمريكا بتهتم بحقوق الحيوانات لو حد تعرض ليهم

» ما بالك بحقوق البني ادم وهما بيتعرضوا للتعدي كل يوم أطفال وستات

» احنا شعوب قاعدين في بيوت مكيفة ومعلما الاكل والشرب وفي شعب قاعد في الشوارع ومفيش اكل وشرب

» إحنا لو محسناش باللي بيحصل في فلسطين يبقى مش بني ادم ومينفعش يعيش.. مسلم مسيحي اي ديانه أو أي جنسية

» عايز اي حد بيتكلم اقوله فكر تجرب بس تعيش يوم واحد في الشارع مفيش اكل مفيش شرب وفي البرد مش لاقي حاجه تدفي نفسك وفي الصيف مش لاقي حاجه تهوي عليك

» عار علينا كلنا وعلى العالم كله أنه سايب الشعب الفلسطيني عايش كده والشعوب كلها قاعدة مرتاحه

» أنا إنسان قبل اكون عربي او مصري والموضوع لا ليه علاقة بالديانه أو الجنسية.. هو موضوع ليه علاقة بالإنسانية

» احنا من خلال كرة القدم بنبعت رسالة للعالم كله ارجوكم خلوا الشعب الفلسطيني يعيش بعد اذنكم خلوهم يعيشوا

» تحية من قلب كل مصري وعربي لكابتن حسام حسن علي كلامه الكافي والشافي لصدورنا كلنا تحية للراجل اللي مختصرش السؤال في كلمتين وخلاص ويكمل كلام فالكورة .. رسالتك وصلت يا كابتن #تحيامصر

هو بصراحة الواحد بقى محتاج يفهم… إحنا زعلانين من إيه بالظبط؟الكابتن حسام حسن رفع علم فلسطين بعد الفوز، فطلع شوية ناس معا...
05/07/2026

هو بصراحة الواحد بقى محتاج يفهم… إحنا زعلانين من إيه بالظبط؟

الكابتن حسام حسن رفع علم فلسطين بعد الفوز، فطلع شوية ناس معاتيه عاملين فيها لجنة تفتيش دولية على الوطنية.

يا جماعة اهدوا شوية… علم مصر ماوقعش، والنشيد ما اتلغاش، والمنتخب ما غيّرش جنسيته.
علم مصر مرفوع، وهيفضل مرفوع، ومفيش حد يقدر يزايد على حبنا لمصر.

بس فلسطين دي مش تريند، ولا لقطة، ولا مجاملة.
دي قضية إنسانية، وقضية إخواتنا، ومصر طول عمرها كبيرة المنطقة.

والكبير لما يشوف أخوه موجوع، ما بيقولش: “معلش أنا مشغول بنفسي.”
الكبير بيقف، يسند، ويتكلم.

يعني لو مصر ما اهتمتش بفلسطين… مين يهتم؟
سويسرا مثلًا؟ ولا آيسلندا هتعمل اجتماع طارئ؟

موقف الكيان معروف ومفهوم، طبيعي يضايقه أي علم فلسطين.
لكن الغريب بقى إنك تلاقي ناس من عندنا زعلانة نفس الزعل، وبنفس الحماس، وكأن العلم كان مكتوب عليه “خصم 50% على الوطنية”.

السؤال بسيط:
هو علم فلسطين دولة معادية لمصر؟ لا.
هو علم مصر اتنكس؟ لا.
هو التعاطف مع فلسطين بيقلل من مصر؟ لا.

يبقى المشكلة فين؟
المشكلة إن في ناس لو شافت حاجة محترمة لازم تدخل تقولك: “بس أنا عندي ملحوظة.”

يا سيدي ملحوظتك وصلت… وحطها جنب باقي الملحوظات اللي محدش طلبها.

تحيا مصر، وتحيا فلسطين، وتحيا كل قضية عادلة #تحيا #مصر #تحيامصر #تحيامصرالعظمى

رسالة عاجلة إلى والدة محمد هاني:دعائك مستجاب والحمد لله وابنك جاب جون… بس الماتش الجاي محتاجين إضافة بسيطة جدًا في الدعو...
04/07/2026

رسالة عاجلة إلى والدة محمد هاني:

دعائك مستجاب والحمد لله وابنك جاب جون… بس الماتش الجاي محتاجين إضافة بسيطة جدًا في الدعوة:

“يا رب ابني يجيب جون… بس لصالح مصر مش عليها.” 🤣

الحمدلله الحمدلله الحمدلله🇪🇬 🇪🇬 🇪🇬 🇪🇬 تحيا مصرتحيا مصرتحيا مصر #تحيامصر
03/07/2026

الحمدلله الحمدلله الحمدلله

🇪🇬 🇪🇬 🇪🇬 🇪🇬

تحيا مصر
تحيا مصر
تحيا مصر #تحيامصر

الناس اللي زعلانة من استقبال الظابط الأمريكي اللي شجع منتخب مصر، عندي ليهم سؤال بسيط…هو مين بالظبط اتخصم من مرتبه علشان ...
01/07/2026

الناس اللي زعلانة من استقبال الظابط الأمريكي اللي شجع منتخب مصر، عندي ليهم سؤال بسيط…

هو مين بالظبط اتخصم من مرتبه علشان يستضيفوه؟!

الراجل حب مصر وشجعها من قلبه، فاتعزم واتكرم، وظهر في برامج، واتصور، وشركات استغلّت الفرصة وروجت لنفسها… وده اسمه دعاية، وإعلان، وتسويق، وسياحة، وكل واحد بيكسب بطريقته.

لكن لازم يطلع فريق من المُكتئِبين : ويقولو أيه التفاهة دي؟!”… “كان أولى تعملوا كده مع الغلابة”… “إحنا ناقصين؟”

يا عم الحاج، بنفس المنطق ده، محدش هيفرح بأي حاجة أبداً. كل مناسبة هتلاقي حد يقولك: “إزاي تفرح وجوز خالتك مات السنة اللي فاتت؟!”
هتفرح ازاي وطبقة الازون مخرومه ؟

في ناس هوايتها الوحيدة إنها تطفي أي لحظة حلوة.

وبعدين دي رسالة محترمة: اللي يحب مصر، حتى لو بكلمة أو بتشجيع، مصر ترد له التحية بأحسن منها.

وأهو يمكن يبقى سبب في تنشيط السياحة، ويمكن يخلي ملايين يشوفوا مصر بصورة جميلة.

أما أنا، فأؤمن بمبدأ بسيط:
اللي يحب مصر قيراط… نحبه 24 قيراط. 🇪🇬❤️

سيبوا الناس تفرح شوية… مش كل حاجة لازم تتحول إلى جلسة نكد مجانية

- لما تزور حد والحد ده ساكن في مكان بعيد والطريق لبيته زحمة او مكسر ... مفيش داعي تحسسه انك اتبهدلت عشان تزوره ،.. هو بي...
26/06/2026

- لما تزور حد والحد ده ساكن في مكان بعيد والطريق لبيته زحمة او مكسر ... مفيش داعي تحسسه انك اتبهدلت عشان تزوره ،.. هو بيبقي حاسس بالإحراج لوحده ... هو عارف ان المنطقة اللي هو عايش فيها زحمة ومكسرة ... وهو لو كان بإيده انه يسكن في مكان أحسن كان عمل كده.

- لما تزور حد شقته ضيقة او الجو فيها حر ... مفيش داعي كل شوية تتكلم عن شقتك الواسعة وتتكلم عن أهمية البراح والوسع والتكييف ... مش لازم تنغص عليه حياته .... هو لو كان قادر يشتري قصر ماكنش إتأخر.... هون عليه وحسسه ان شقته جميلة وفيها بركة رغم انها مش كبيرة.

- مفيش داعي تهزر مع حد بكلام انت عارف انه بيضايقه لمجرد انك بتستمتع بده.... للأسف في ناس بتتبسط لما تشوف اللي قصادها محروق دمه ومضايق.

- مفيش داعي كل ما تشوف صاحبك تفكره انه تخين وشكله وحش.... هو حافظ شكله كويس ومضايق منه.... لو عندك نصيحة تنفعه في مشكلته وهو هيقبلها قولهاله ... غير كده بلاش تحرجه.

- مفيش داعي تتكلم عن مدرسة ولادك الغالية النضيفة اللي بتعمل أنشطة كتير قصاد واحد ظروفه المادية إضطرته يودي ولاده مدرسة متواضعة جدا.

- مفيش داعي تتكلم عن عربيتك وإزاي هي بتسهل عليك حياتك قصاد واحد طلعان عين اللي جبوه في المواصلات كل يوم.

الانسان بطبيعته بيحب يحس بالتميز ... وبيحب اللي حواليه يحسوا بتميزه بده... وأحيانا شعوره بالتميز بيبقي مرهون انه يشوفه في عيون الآخرين .... بس الأسلوب ده ممكن يكسر قلوب ناس حوالينا وينغص عليهم حياتهم.

Address

Nasr City

Website

Alerts

Be the first to know and let us send you an email when اجدع ناس posts news and promotions. Your email address will not be used for any other purpose, and you can unsubscribe at any time.

Shortcuts

Share

Category