IVSA-Matrouh

19/07/2026

نجاح أي سيشن بيكون بسبب 3 حاجات: المحتوى - التنظيم - المحاضر

واحنا كان عندنا التلاتة ❤️
شكراً د. (أمنية حلمي) على المجهود الجبار كفيتي ووفيتي
السيشن فاد طلبة وخريجين من مجالات مختلفة وكلهم طلعوا مستفيدين

فخورين اننا قدرنا نوصل المعلومة لعدد كبير مهتم بمجال Food Safety
ومكملين🔥🔥🔥

Send a message to learn more

12/07/2026

لو نفسك تبقي من اكبر متخصصين ال Food Safety ومش عارف تبدأ منين
ف احنا راجعين لك وبقوة في مجال Food Safety 📢📢

بنعلن عن كورس مجاني بالكامل في أساسيات سلامة الغذاء
مع دكتورة من عمالقة المجال
👩‍⚕️🔥Dr/Omnia Helmy
يعني هنحطك علي اول الطريق وكمان هنخليك مؤهل لحلمك

**تفاصيل الكورس:**
1. الحضور: مجاني 100%
2. لو حابب تضيف شهادة تقوي الCVبتاعك وتدعمه اختيارية بسعر رمزي 30 جنيه
3. محتوي نظري قوي
ومناقشة حالات فعلية من سوق العمل

العدد محدودة جداً

قدم دلوقتي وادخل جروب الواتساب عشان توصلك كل التفاصيل

قدم هنا https://forms.gle/Vc5ztknNNhekAbBU6

مستنينكم 💪

10/07/2026

"كل أكلة بنحطها على السفرة ليها حكاية🥗🔥... الحكاية دي بدأت من المزرعة، وعدّت بالنقل والتخزين والتحضير، لحد ما وصلت لبيتنا. وكل خطوة في الرحلة دي بتفرق في صحتنا."

💥طيب يعني إيه One Health؟

ببساطة، معناه إن صحة الإنسان، وصحة الحيوان، وصحة البيئة مرتبطين ببعض. يعني لما نحافظ على الحيوان والبيئة، هنحافظ تلقائيًا على صحة الأكل اللي بناكله.

وسلامة الغذاء مش مسؤولية المزارع أو المصنع بس... دي مسؤولية كل واحد فينا؛ المزارع، والطبيب البيطري، وسائق النقل، وصاحب المحل، والشيف، وست البيت، وكل شخص بيحضر أو بيقدم أكل.

💥طيب نعمل إيه علشان نحافظ على أكلنا؟

👈لو إنت مزارع أو مربي، اهتم بصحة الحيوانات، واستخدم مياه وأعلاف نظيفة.

👈ولو بتنقل أو بتبيع أكل، حافظ على النظافة ودرجة الحرارة المناسبة، خصوصًا للأكل المبرد والمجمد.

👈ولو إنت شيف أو شغال في مطبخ، اغسل إيديك كويس، ونضف أدواتك باستمرار، وافصل بين الأكل النيء والمطبوخ علشان تمنع انتقال الميكروبات.

👈ولو إنتِ ست بيت، حافظي على الأكل في التلاجة بالدرجة المناسبة، وما تسيبيش الأكل المطبوخ بره وقت طويل، وسخنيه كويس قبل ما تقدميه، واغسلي الخضار والفاكهة كويس قبل الاستخدام.

كل خطوة صغيرة بتعمليها في المطبخ بتحمي أسرتك من التسمم الغذائي، وبتحافظ على قيمة الأكل وجودته.

◀️افتكروا دايمًا...

سلامة الغذاء مش حاجة معقدة، دي عادات بسيطة بنعملها كل يوم، لكن تأثيرها كبير جدًا على صحتنا وصحة أولادنا.

سلامة الغذاء مسؤولية كل واحد فينا.

ومع بعض نحقق هدف One Health... إنسان سليم، وحيوان سليم، وبيئة سليمة.

13/04/2026

كانت خروجة ف وسط دفا العيلة ولعب الأطفال ومنظر الورد والفراشات وفجاءة صوت صراخ عالي بيقطع كل الأجواء وبيهز المكان كله اتحرك علي صوت عالي (بطني بطني....)
علامات خوف وقلق ملت الوشوش لحد م وصلنا المستشفي
كان رد دكاترة الاستقبال واحد (طبيعي الفسيخ والرنجة...)

01/03/2026

ليه تخلّي سنين الكلية تعدّي وخلاص؟ 👀🔥
استغلها صح… واطلع منها بشخصية أقوى، خبرة حقيقية، وذكريات تتحكي.
لو عايز:
• تطوّر نفسك علميًا وعمليًا
• تكتسب مهارات تميزك فعلًا عن غيرك
• تبني شخصية قيادية وواثقة
• تبقى وسط ناس طموحة بتشدّك لقدّام
• تعيش تجربة فيها شغل بجد و صحبة حقيقية و نجاح
يبقى مكانك معانا في IVSA Matrouh 🐾💙
معانا هتلاقي:
🔥 إيفنتات مختلفة تضيفلك قيمة حقيقية
📚 ورش عمل وكورسات تزوّد خبرتك
🎤 فرص تتكلم قدام جمهور وتبني ثقتك بنفسك
✈ فرص تبادل طلابي وتجارب جديدة
🤝 شبكة علاقات قوية هتفيدك مهنيًا وشخصيًا
💡 بيئة داعمة تساعدك تطلع أفضل نسخة من نفسك
IVSA مش مجرد نشاط طلابي…
دي تجربة هتفرق في شخصيتك ومستقبلك 🚀
جاهز تاخد الخطوة؟ 😉✨
سجّل من هنا 👇
https://forms.gle/jAyUUBN7ZScT22db8
تفاصيل كل لجنة في الكومنتات 👇🏽
Deadline 5/3/2026 Thursday


🐾

24/02/2026

كانت بتجري…
مش عشان بتلعب.
مش عشان مبسوطة.

كانت بتجري وهي حامل.

بطنها تقيلة…
جسمها ضعيف…
وعينها بتسأل سؤال واحد بس:
“هو ولادي هيلاقوا ياكلوا؟”

بعد شهور قليلة؟
هتولد في الشارع.
نصهم ممكن يموت.
والباقي… هيعيش نفس الدائرة.

طب هل احنا كنا نقدر نمنع ده كله !؟

ايوه طبعاً بقرار واحد وهو التعقيم

🌍 World Spay Day
مش مجرد يوم عالمي…
ده وقفة ضمير.

إيه فايدة إني أعقم قطتي؟ وليه أعملها أصلًا؟

تعقيم القطط إجراء جراحي بيطري شائع وآمن، بنعمله لسببين أساسيين:
1️⃣ نحمي قطتنا من أمراض خطيرة ممكن تهدد حياتها.
2️⃣ نمنع تكرار دائرة المعاناة والتكاثر غير المسؤول.

✂️ الفرق بين العملية للذكر والأنثى

🔹 الأنثى (Spaying)
إزالة المبيضين والرحم.
مدتها من 30 لـ 60 دقيقة.

🔹 الذكر (Castration)
إزالة الخصيتين.
مدتها من 10 لـ 30 دقيقة.

🔬 لو معملتش تعقيم… إيه اللي ممكن يحصل؟

🐈 للإناث

▪️ التهاب الرحم القيحي (Pyometra)
مرض خطير جدًا، عبارة عن تجمع صديد داخل الرحم، ولو ما تمش التدخل بسرعة ممكن يهدد حياتها.

▪️ سرطان الثدي والمبيض والرحم
التعقيم — خصوصًا قبل أول دورة حرارة — بيقلل خطر الإصابة بشكل كبير جدًا.

▪️ إرهاق الحمل والولادة المتكررة
كل حمل بيستنزف جسمها وبيزود احتمالات المضاعفات.

🐈‍⬛ للذكور

▪️ القضاء نهائيًا على خطر سرطان الخصية.
▪️ تقليل احتمالية تضخم أو التهاب البروستاتا.
▪️ تقليل انتقال العدوى الناتجة عن التزاوج والخناقات.

🐾 التغيرات السلوكية الإيجابية

✨ هدوء أكتر وأقل عدوانية.
✨ اختفاء رش البول في البيت.
✨ تقليل الهروب بحثًا عن شريك.
✨ انتهاء الصراخ العالي خلال موسم التزاوج.

⚠️ هل في مضاعفات؟

زي أي عملية جراحية، فيه احتمالات بسيطة لكنها نادرة:
• تحسس من البنج.
• التهاب لو الجرح متحافظش عليه كويس.
• فتح الغرز بسبب الحركة الزائدة.

لكن مع الرعاية الجيدة بعد العملية، كل ده بيكون نادر جدًا وسهل تجنبه.

🗓️ نصايح مهمة قبل وبعد العملية

قبل العملية:

✔️ صيام 8–12 ساعة عن الأكل.
✔️ منع المياه قبلها بـ 2–3 ساعات.
✔️ أفضل عمر للتعقيم من 4–6 شهور (وقبل أول دورة حرارة للأنثى).

بعد العملية:

✔️ طوق حماية لمنع ل*ق الجرح.
✔️ راحة تامة في مكان هادي لمدة أسبوع.
✔️ متابعة الجرح يوميًا (نظيف، جاف، بدون احمرار أو إفرازات).
✔️ الالتزام بالأدوية في مواعيدها.
✔️ تقديم أكل خفيف بعد 6 ساعات، ومع الوقت يمكن التحول لأكل مخصص للقطط المعقمة لتجنب زيادة الوزن.

❤️ الخلاصة ❤️

تعقيم قطتك مش رفاهية.
مش قسوة.
مش تدخل في الطبيعة.

هو حماية.
هو رحمة.
هو مسؤولية.

قرار بسيط منك…
ممكن ينقذ حياة قبل ما تبدأ أصلًا.

خلّي وقفتك في World Spay Day
تكون فعل… مش مجرد كلام

21/02/2026

🐎عمرك سألت نفسك ليه الدكتور البيطري وصاحب الحصان بيهتموا بالحافر كده جدًا؟

الحكاية مش مجرد ضُفر يتقص ويتساب… ده سر قوة الحصان كله!

تخيّل معايا: انت لابس جزمة. 🥾
مش بس بتحمي رجلك… الجزمة دي كمان:
✔️ شايلة وزنك
✔️ بتمتص الصدمات
✔️ بتخليك تمشي وتجري من غير تعب

ده بالظبط دور الحافر بالنسبة للحصان.

الحصان طول يومه: واقف… ماشي… بيجري… وممكن شايل بني آدم على ضهره.
كل الحمل ده واقع على إيه؟ 🤔

ايوه طبعاً هو اللي جه في بالك دلوقتي
👈الحافر👉

💡 الحافر مش مجرد جزء صلب… ده نسيج حي مليان أعصاب، أوتار، وأوعية دموية. بيتأثر بالضغط، الحرارة، الأرضية… وبيتوجع أو يفرح لما يتظبط صح 😅

📌 القاعدة الذهبية:
لو الحافر تمام ➜ الحصان تمام
لو الحافر تعبان ➜ الجسم كله يتلخبط

⚠️ إهمال الحافر ممكن يعمل مشاكل كبيرة:

• حصان يعرج 🦵
• عصبية وألم مخفي 😖
• صعوبة في الحركة أو الجري 🏃‍♂️🐎
• ضعف أداء الحصان في الشغل أو السباق
• مشاكل مفاصل وأوتار مع الوقت

💬 الحصان مش هيقول “أنا بتوجع”… لكنه هيصرخ بلغة جسمه، ولازم حد فاهم يقرأ الإشارة!

🧼 الروتين المثالي للعناية بالحافر

🔹 1) التنظيف اليومي
• قبل وبعد الشغل
• إزالة الطين والروث لتجنب التعفّن
• فحص الشقوق، الحرارة، أو أي ريحة غريبة 👀
• لو الحافر ريحته غير طبيعية = غالبًا فيه مشكلة تحتاج تدخل سريع

🔹 2) القص والتظبيط (Trim)
• كل 4–6 أسابيع حسب سرعة نمو الحافر ⏳
• لازم يتم على إيد متخصص (Farrier أو بيطار)
• القص الغلط ممكن يغيّر توزيع الحمل بالكامل، ويسبب:�• عرج تدريجي�• مشاكل مفاصل�• ألم مزمن

🔹 3) الزوايا المظبوطة
• الحافر الأمامي: 50–55°
• الحافر الخلفي: 55–60°
• لازم الزوايا تتماشى مع ميل الكتف والرسغ
• الكعبين (Heels) مش عاليين ولا واطيين زيادة
• التوازن يمين وشمال أهم من الشكل الخارجي ⚖️

⚠️ أي خلل = تحميل غلط على المفاصل = عرج مع الوقت، حتى لو الحصان شكله “تمام”

🌱 البيئة والتغذية

✔ أرضية ناشفة ونضيفة
✔ تجنب الرطوبة المستمرة 💧
✔ تغذية متوازنة:

• زنك 🧬
• بيوتين 💊
• معادن وأحماض أمينية ضرورية 🥕

💡 نصيحة إضافية:

• استخدم حدوات أو حوافر حامية في أرضيات صلبة جدًا أو صخرية
• المتابعة الشهرية مع Farrier تقلل المشاكل المستقبلية بنسبة كبيرة

😄🔍 ملاحظات ذهبية

• الحافر يعكس صحة الحصان بالكامل: الجلد، التغذية، الأداء، المزاج.
• حصان حافرُه مضبوط = حصان سعيد، نشيط، قوي.
• حصان حافرُه تعبان = ألم داخلي محتاج حل سريع.

📌 المرة الجاية لما تشوف حصان… بص على حافره قبل ما تبص على جسمه.
الحافر هو الأساس… والأساس لو اختل، الأداء كله يختل.

❤️ لو المعلومة عجبتك، دوس لايك وشاركها مع أي صاحب حصان 👇🐴

19/02/2026

🌙 رمضان كريم 🌙

تتقدم IVSA-MATROUH بأصدق التهاني وأطيب الأمنيات بمناسبة حلول شهر رمضان المبارك.
نسأل الله أن يجعله شهر خير وبركة وسكينة، وأن يعيده عليكم وعلى أحبابكم باليُمن والصحة والتوفيق.

رمضان فرصة جديدة للتقارب، والعطاء، وبداية مليئة بالأمل والطاقة الإيجابية. ✨

تابعونا للمزيد من الأنشطة والفعاليات:
Instagram:
Facebook: Ivsa-matrouh

18/02/2026

30/01/2026

you well not be afraid if you're going slowly you'll be afraid if you're standing still🔥🔥