مين احنا؟
مجموعه شباب اتفقوا علي رسم الضحكه علي الوشوش.. مش محتاجين غير وش بشوش وإيد بتشتغل ودماغ بتفكر .. مستنيينك وعايزينك تكون معانا :)
بنعمل ايه؟
بنعيش للناس اللي احنا منهم.. بندور على الحاجات اللي تجمعنا وتفيد بلدنا.. أنشطتنا هدفها إننا نعمل الخير وكمان نطور المجتمع، بدل ما ندي لمحتاج مساعده ماليه نوفرله مصدر للدخل، نحاول نرفع من مستوى مستشفايتنا الحكوميه بتوفير أجهزه طبيه وأدويه ورعايه نفس
يه للمرضى، وأنشطه تانيه مش هتكمل الا بيكم :)
أهدافنا؟
مش عايزين ندي لحد سمكه.. عايزين نديله سناره
عايزين نعيش لنفسنا بس بالطريقه الصح، لما نعرف ازاي نعيش للناس
حلمنا؟
كل واحد فينا ليه حلم بس الجميل ان احلامنا كلنا متجمعه ناحيه هدف واحد هو الخير بس كل واحده بطريقه مختلفه .. فيه الي حلمه يضحك طفل (وده خير ) وفيه الي حلمه يساعد في علاج مريض (وده خير ) وفيه الي حلمه يساهم بافكار تساعد علي عمل الخير ( وده برده خير ) عشان كده تعالي معانا شاركنا حلمنا ..
عيش للناس و خلي حلمك الناس ومتنساش ان اصول الحلم محدش يرجع في نص المشوار
لأي استفسار كلمونا على 01002880651 أو ابعتولنا على انبوكس الصفحه
