https://www.facebook.com/292400570876591/

Shefaa Society | جمعية شفاء الطبيه, Kafr el Sheikh (2026)

28/09/2020

اجازتك ممله وحابب تتعلم حاجه جديده وتستفاد من وقتك وكمان تجرب شعور العمل التطوعي وتاخد حسنات ..🤔
شفاء دلوقتي فتحالك بابها علشان تنضم لينا وتكون جزء م العيلة .. 😌🧘‍♂️
لو شايف ف نفسك شفائي صغير كدا ادخل حالاً واملا الفورم 😂🏃🏻‍♂️

https://forms.gle/6o9JE2Zo6chWUWc59

ولو حابين تعرفوا أكتر عننا هتلاقوا كل اللي محتاجينه في البوست ده 👇
https://m.facebook.com/shefaasociety/photos/a.333369380113043/1032769906839650/?type=3

22/09/2020

رجعنالكم تاني بحلقه جديده عن مرض الاكتئاب 👀
هنتكلم انهارده علاج الاكتئاب عند المرأه🙄
مش بتختلف أعراض أو خطوات علاج الاكتئاب عند المرأة عن الرجل، بس الإحصاءات العلمية قد أثبتت أن عدد المصابات بالاكتئاب من النساء حول العالم يصل إلى ضعف عدد المصابين بين الرجال😱، وممكن يكون دا بسبب مشاعر وحساسية المرأة الزائدة وممكن علشان بتتعرض لمشاكل ومسؤوليات أكثر 😔
ومن أشهر أعراض الاكتئاب عند المرأة:

🔴تقلب الحالة المزاجية بين السعادة والحزن المفاجئ لأسباب غير مفهومة.
🔴 الشعور بالقلق والتوتر الشديد.
🔴عدم اهتمامها بمظهرها أو ملبسها.
🔴الشعور بالأرق الشديد وعدم القدرة على النوم في كل الأوقات.
🔴البكاء الكثير دون أسباب أو مبررات.
🔴الانفعال السريع والمبالغ فيه تجاه الأمور العائلية.

وبيُنصح عند علاج الاكتئاب عند المرأة بوجود أقرب وأهم الأشخاص بجانبها في الفتره دي ، ومحاولة ممارسة الرياضة للتخلص من الطاقة السلبية المحيطة بها

هنتكلم عن نقطه تانيه وهي
مضاعفات الاكتئاب 😱
الاكتئاب لو متعلجش هيدهور زي اي مرض وهيصل الي العجز والي الانتحار ومشاكل عاطفيه وسلوكيه وصحيه .

انا عن مخاطر الاكتئاب:
🔵الانتحار
🔵الادمان علي الكحول والمواد 🔵المخدره
🔵القلق
🔵امراض القلب وامراض اخري
🔵عزله اجتماعيه
🔵مشاكل في الحياه الاجتماعيه والعائليه

تقييم الطبيب أو المعالِج النفساني بيساعد في تحديد إذا كانت الحالة هي مرض الاكتئاب الحاد أو أحد الأمراض الأخرى التي تذكّر بمرض الاكتئاب الحاد، أحيانا، ومن بينها:
🔴اضطراب الإحكام (Adjustment Disorder): ودا رد فعل عاطفي حاد على حدث مؤلم في الحياة. وهو مرض نفساني يرتبط بالتوتّر النفسي وبيؤثر على العواطف، الأفكار وعلى السلوك.

🔴الاضطراب ذو الاتجاهين: (أو: الاضطراب ثنائي القطب - Bipolar disorder، وهو الذي كان يسمى سابقا: الذهان الهَوَسي الاكتئابي - Manic Depressive Psychosis)، بيتميّز هذا النوع من الاضطراب بمزاج متقلّب من النقيض إلى النقيض.

🔴دَورَويَّةُ المِزاج (اضطراب المزاج الدوري - Cyclothymia): أحد أنواع اضطراب الإحكام.

🔴الاكتئاب الجزئي (أو: خَلَلُ التُّوتَة – Dysthymia): هو مرض أقل حدة وصعوبة، لكنه مزمن أكثر من الاكتئاب.

🔴اكتئاب ما بعد الولادة (Postpartum depression): هو اكتئاب يظهر عند بعض النساء بعد ولادتهن أطفالا جددا. وهو يظهر، عادة، بعد شهر من الولادة.

🔴الاكتئاب الذّهانيّ (Psychotic depression): هو اكتئاب حاد وصعب ترافقه أعراض وظواهر ذهانيّة، مثل الهلوسة (Hallucination).

🔴الاضْطِرابٌ الفُصامِيٌّ العاطِفِيّ (Schizoaffective disorder): هو مرض يشمل مميزات وأعراض مرض الفُصَام (الانفصام العقلي - Schizophrenia) واضطرابات المزاج (Mood disorders).

🔴اكتئاب الشتاء: هذا النوع من الاكتئاب مرتبط بتبدّل الفصول وبالتعرض غير الكافي لأشعة الشمس.
وبكده تكون حلقتنا انهارده خلصت بخير اتمني تكونو استفدتم♥️
استنونا في التكمله♥️✨

13/09/2020

- أنا خلاص ياعم جبت مجموع عالي😎وحققت حلم أبويا وأمي وهرتاح بقه من المذاكرة والدروس وبعدين امتياز إييه اللي من 85%ده دا انا أجيبه وانا نايم ع السرير في بيتنا 😌

- خد تعالى هنا يا حبيبي ميين اللي قالك كده ؟؟!!😏

- المدرس بتاعنا كان دايما يقولنا" اتعب في الثانوية ترتاح في الكلية"🤷‍♀️

- لا الكلام ده تشيله من دماغك خالص 👊انت يا حبيبي إذا كنت فاكر إنك خلاص طلعت من عنق الزجاجة فانت يا برنس داخل دلوقتي في الشاليموه

- إي ده😱 يعنى انا مش هرتاح في الكلية كمان وهذاكر تاني يوووووه قفلتني خلاص

- استنى بس ياعم هقولك . الكلية دي مرحلة تختلف خالص عن ثانوي يعني مش هتقعد تدح 48ساعة في ال24 ساعة 😁والكلام الفاضي ده.

- أمال إييه ياعم توهتني🤦‍♀️ وأنا أصلا تايه ومش عارف هذاكر إزاااي ولا هاعمل إييه ولا هاخد مواد إييه؟؟!!! أنا عايز أستعد للكلية بقه

- أمال أنا هنا بعمل إييه ؟؟؟!!! ما أنا جايلك عشان كده و معايا اللي هيفهمك الدنيا ماشية إزاااي وهيعرفك البير وغطاه

- بجد طب إييه ده قولي بسرعة ؟؟؟!!!🙏

Shefaa Orientation -
دا يا سيدي حاجة توجيهية عاملاها جمعية شفاء الطبية لطلبة سنة أولى كلية لكليات الطب البشري والأسنان والصيدلة والعلاج الطبيعي والطب البيطري والعلوم كمان سواء دخلت حكومي أو حتى خاص . هنفهمكم فييه الدنيا ماشية إزاااي في الكلية ونظام المذاكرة هيبقى إييه وإييه الأنشطة التانية اللي ممكن تمارسها والأهم بقه إييه المواد اللي هتدرسها في الكلية وهنديك مقدمة بسيطة في كل مادة عشان لما تروح الكلية وتلاقي دكتور بيقولك عندك Section ولا هناخد النهاردة يا دكاترة الDigestive System ولا عندكم النهاردة Tutorial ما تبقاش واقف متنح ومش فاهم هو بيقول إييه؟؟؟!!

- طب دا كده فل قوي يا دكتور طب أعمل إييه عشان أحضر الدورة دي؟؟؟!!!

- هنزلك لينك form في أول كومنت هاتملاها. وعشان نوفر عليك البهدلة يا سيدي عملنا الدورة Online يعني وأنت قاعد مستريح في بيتك واكل شارب ومظبط الدنيا . هتبقى على تطبيق الزوم Zoom وهتبدأ إن شاء الله يوم الثلاثاء 15/9 وتابع معانا عشان تعرف تفاصيل أكتر .

- بس كده؟؟!!! متشكر جدا يا دكتور🤝

- العفو على إييه بس تقول لزمايلك بقه يسجلوا كمان عشان يستفيدوا .

- طبعا يا دكتور تحت أمرك

12/09/2020

هنكلمكم النهارده عن مرض الاكتئاب
اكيد اغلبنا لما بيزعل شويه بيقول ان هو مكتئب ومينفعش اننا نقول كدا لان الاكتئاب مرض ومش حاجه سهله وسعات بيبقي مزمن فتعالوا نتكلم شويه عن مرض الاكتئاب.

💠 نبدأ باننا نعَّرف اي هو الاكتئاب وهو مرض بيصيب النفس والجسد وبيؤثر علي طريقه التفكير والتصرف وبيؤدي الي مشاكل عاطفيه وجسمانيه وعادة الناس المصابه مش بيقدروا يكملو حياتهم طبيعي.

💠 ويعتبر الاكتئاب احد اكتر الامراض المنتشره في العالم وناس كتير بتخطئ في انها تعرف اي هو الاكتئاب فبيبقي فيه لغبطه بينه وبين الحزن العام و الفرق بين الحزن والاكتئاب في شدة شعور المريض بحالة الضيق والرفض لنفسه واللي حواليه بدون مبرر كافي، مع استمرار التفكير بتشاؤم شديد و غير مبرر.

💠 نيجي بقا للأعراض اللي بتظهر وساعتها نقول ان دا حالة اكتئاب 🛑⬇️
♦️فقدان الرغبة في ممارسة الفعاليات اليومية الاعتيادية
♦️الإحساس بالعصبية والكآبة
♦️الإحساس بانعدام الأمل
♦️نوبات من البكاء بدون أي سبب ظاهر
♦️اضطرابات في النوم
♦️صعوبات في التركيز
♦️صعوبات في اتخاذ القرارات
♦️زيادة أو نقصان الوزن بدون قصد
♦️عصبية
♦️قلق وضجر
♦️حساسية مفرطة
♦️إحساس بالتعب أو الوهن
♦️إحساس بقلة القيمة
♦️أفكار انتحارية أو محاولات للانتحار
♦️مشاكل جسديه بدون تفسير مثل اوجاع الظهر والراس.

💠 اما بالنسبة لاسباب وعوامل الاكتئاب فهي لحد دلوقتي مش معروف سبب معين ودقيق بس الاعتقاد السائد هو ان في كتير من العوامل اللي ممكن تكون السبب في الاكتئاب من بينها 🛑⏬
1️⃣ عوامل بيوكيميائيه: اكدت الابحاث حصول تغيرات فيزيائيه في ادمغه الناس المصابه بالاكتئاب وفي احتمال ان
الناقلات العصبيه الموجوده في دماغ الانسان واللي ليها علاقه بالمزاج ليها دور في الاكتئاب.
2️⃣ عوامل وراثيه: بعض الابحاث وضحت ان ظهور الاكتئاب هو اكثر انتشار عند الاشخاص اللي ليهم اقارب مصابون به بس لسه الباحثون بيحاولوا الكشف عن الجينات اللي ليها علاقه بالمرض.
3️⃣ عوامل بيئيه: وجود بعض الظروف اللي من الصعب مواجهتها والتعايش معاها زي مشاكل اقتصاديه او فقدان شخص عزيز والتوتر الحاد من عوامل الاصابه بالاكتئاب.

وكده نكون خلصنا اول حلقه عن مرض الاكتئاب.
استنونا في التكمله♥️🔜
دمتم بخير♥️✨

02/09/2020

هنكلمكم النهاردة إن شاء الله عن نبات يعتبر من النباتات المفضلة جدا عندنا خاصة في شهر رمضان المبارك ألا وهو نبات العرقسوس أو نبات السوس.

طب يا ترى إييه هي فوايده ‼️
وهل ينفع نشربه لفترة طويلة ‼️
وهل هو مناسب لكل الناس ‼️
دا اللي هنعرفه إن شاء الله مع بعض .

يلا بينا نشوف مع بعض فوايده ⬇️⬇️
1️⃣ طارد للبلغم ويهدئ السعال ومفيد لالتهاب الجهاز التنفسي العلوي.

2️⃣ فعال جدا في علاج الإمساك وقرحة المعدة والاثنا عشر والقولون.

3️⃣ بيقوي المناعة عن طريق تحفيز تكوين الخلايا المناعية التائية T-cells وكمان بيحفز الكبد إنه يكون بروتينات مناعية.

4️⃣ علاج وتخفيف آلام العظام والروماتيزم لأنه بيحتوي على الكورتيزون المضاد للالتهاب.

5️⃣ بيرفع الضغط لأنه بيسبب احتباس الصوديوم في الجسم وخروج البوتاسيوم من الجسم عشان كده هو مفيد لمرضى الضغط المنخفض .

6️⃣ مقوي للعضلات خاصة عضلة القلب.

7️⃣ مقوي عام للجسم عشان بيحتوي على معادن كتيرة زي المنجنيز والكالسيوم والبوتاسيوم والصوديوم والماغنسيوم والزنك والنحاس ودي مهمة جدا لأنها بتشتغل كمساعد للإنزيمات في شغلها داخل الجسم .

8️⃣ بينظم عمل الغدة الكظرية وبينظم إفراز الكورتيزون عشان كده بيقاوم التوتر وبيزود نشاط وحيوية الجسم والقدرات الذهنية وبينظم نشاط الغدة الدرقية .

9️⃣ مفيد لتوتر الأعصاب ومفيد لالتهابات الجلد زي الصدفية والإكزيما وحب الشباب كدهان خارجي .

🔚 وبكده نكون عرفنا مع بعض فوايد العرقسوس وإن شاء الله المرة الجاية نعرف أضراره وأمتى ما نستخدمهوش .

22/08/2020

هنتكلم النهارده ببساطه شديده عن مرض مهم من امراض البطن وهو التهاب الزائده الدودية.

❇️ التهاب الزائده حالة شائعة جدا ولازم نكون على وعي بيها وبأعراضها أولا كده الزايده عباره عن أنسجه ليمفاويه بتساعد في نظام المناعه وهي عباره عن جيب ضيق على شكل اصبع بارز من القولون.

❇️ طب إيه أسباب التهابها ؟
التهاب الزايده الدوديه بيحصل بسبب انسدادها بأجسام مختلفه زي تراكم البكتيريا فيها أو بقايا الأكل أو البراز ... ده غير ان الغشاء الداخلي للزايده بيفرز ماده مخاطيه باستمرار وبالتالي كل ده بيسبب انسدادها وانتفاخها وزياده حجمها و ده طبعا بيسبب ألم حاد في البطن بيزيد بزياده انتفاخ الزايده.

❇️ عرفنا الأسباب ندخل ع الأعراض
وازاي اتأكد اصلا انها زايده مش حاجه تانيه ؟
في الأول المريض هيحس بوجع حوالين السره وبعدين يتنقل لأسفل البطن من ناحيه اليمين ... ممكن الوجع يكون في البطن كلها وهنا بتكون الزايده جابت آخرها معاه.

طب وإيه كمان ؟!
✴️ احساس بالغثيان وفقدان الشهيه
✴️ الإمساك أو الإسهال
✴️ انتفاخ البطن
✴️ ارتفاع درجه الحراره (بتزيد مع تطور المرض)

🛑 *ملحوظة مهمه*: مريض الزايده الدوديه لو حاول يكح هيحس بألم في منطقه الزايده وكمان لو نام ع ضهره وحاول يتني رجله اليمين هتلاقيه مش قادر من الألم.

❇️ وفي حاجه برضو اسمها ألم ارتدادي.. يعني إيه؟
يعني لو المريض ضغط ضغطه بسيطه ع بطنه الوجع هيخف ولو شال ايده هيحس بوجع ... والحركه دي بيستخدمها الطبيب غالبا لو شك أن المريض ده عنده التهاب في الزايده.

❇️ طيب ايه الحل هل ليها علاج يعني؟
لأ.. الحل الوحيد هنا هو الجراحه ويشيل الزايده ويكون صايم قبلها بخمس ساعات ع الأقل.

12/08/2020

"إن أراد الإنسان تخليد ذكراه بين الناس عليه أن يترك أثر لا ينسى، وما أطيب أن يترك الإنسان اثر صالح من علم ينتفع به" ❤

جمعية شفاء الطبية تهنئ أوائل الثانوية العامة في مدينة الرياض وأولياء أمورهم الي شرفونا بحضورهم حفلتنا يوم الاثنين الموافق 10/8/2020 وبتتمنى لهم التوفيق في حياتهم العلمية والعملية. 💖
ونتقدم بجزيل الشكر لكل من ساهم في اتمام هذا الحفل رغم الظروف الراهنة ❤

صور الحفل وتكريم الاوائل ⬇️💯

08/08/2020

🔴 السلام عليكم يا دكتور
🟢 وعليكم السلام

🔴 لو سمحت يا دكتور عندي حرقان جامد في معدتي مع قيئ وزوري واجعني جدا وصوتي بيطلع بالعافية وفيه كمان ألم ف صدري يا تري إي دا مع العلم إن الحرقان بيزيد لما بنام أو بنحني ؟
🟢 بص يا فندم دا اسمه ارتجاع المرئ ودا بيبقي بسبب مشكله ف الجهاز الهضمي وبيحصل لما عضلة المرئ متقفلش كويس فبتسمح للاحماض انها ترجع تاني للمرئ وبيسبب الالتهابات دي كلها .

🔴 طيب إي سبب دا كله !!
🟢 فيه حاجات كتير ممكن تسبب حرقان المعدة زي مثلا التدخين أو تناول أدوية كتيرة أو شرب الكافيين الكتير اللي موجود ف الشاي والقهوة والأطعمة الدسمة والشوكولاتة كل دا بيخلي حموضة وحرقان للمعدة وفيه برضو الوزن الزائد والحمل ممكن يسببوا المشكلة دي.

🔴 طيب لو المشكلة دي اتكررت معايا ممكن اخاف منها ؟
🟢 والله معظم الناس بتقدر إنها تتغلب على المشكلة دي عن طريق إنهم بيغيروا من حياتهم أو بياخدوا ادوية لعلاجها بس ممكن أن الارتجاع دا يسبب شوية مضاعفات المضاعفات دي بتسبب مشاكل للاسف بتبقي خطيرة زي التهاب المرئ والتهاب الحنجرة وتضييق الشعب الهوائية الموجودة حول الحنجرة وكمان تجويف الأسنان ودا بيسبب تآكل الأسنان.

🔴 طب وإي العلاج المناسب للحرقان دا ؟!
🟢 زي ما قولت إحنا ممكن نعالج المشكلة دي عن طريق أدوية مضادة للحموضة زي مثلا :
🔷️فاموتيدين
🔷️ نيزاتيدين أو اوميبرازول
🔷️بانتوبرازول
🔷️إيسوميبرازول
دي افضل الادوية اللي بتعالج حموضة وحرقان المعدة مع بعض الحاجات اللي ممكن نغيرها في حياتنا شوية زي مثلا الأطعمة ياريت نقلل جدا من الأطعمة الدسمة ودي هتخلينا نقل في الوزن اكيد وبلاش الاكل اللي بيبقي قبل النوم مباشرة دا على الاقل يبقي بينهم 3ساعات وكمان رفع الرأس مهم أثناء النوم وياريت بلاش الملابس الضيقة وبس ي سيدي.

🔴تمام يا دكتور الف شكر لحضرتك.

03/08/2020

بعد ما كلمناكم في البوستين الي فاتوا عن النوع الاول والتاني من انواع الرجيم ... هنكلمكم النهارده عن النوع الثالث والاخير وهو "رجيم الوجبة الواحدة" ويسمى بنظام OMAD اختصار لجملة (One meal a day).

مبدأيا كده ايه هو رجيم الوجبة الواحدة ‼️
رجيم الوجبة الواحدة بمعنى انك تاكل وجبة واحدة في اليوم فيها عدد السعرات الحرارية الي الجسم هيحتاجها طول اليوم وبتحتوي جميع العناصر الغذائية من الكربوهيدرات والبروتينات والدهون والفيتامينات والمعادن.

طب ايه هي اهم مزايا رجيم الوجبة الواحدة 💯✅
1️⃣ خفض معدل السعرات الحرارية الي بيكتسبها الجسم.
2️⃣ ضبط مستوى السكر في الدم عن طريق خفض مستوى الجلوكوز ورفع كفاءة هرمون الانسولين.
3️⃣ زيادة الشعور بالطاقة خلال اليوم وعدم الرغبة في تناول الطعام دون حدوث هبوط.

ومن عيوب رجيم الوجبة الواحدة 🚫❌
1️⃣ ممكن ان يتسبب في الاجهاد وعدم القدرة على التركيز.
2️⃣ عدم قدرة بعض الاجسام على تحمل عدم الاكل لفترات طويلة.

🛑 من النصائح عند اتباع رجيم الوجبة الواحدة البدء بتناول ثلاث وجبات يوميا ثم تقليلها لوجبتين الى وجبة واحدة عشان ميحصلش خلل في عملية التمثيل الغذائي للجسم.

❇️ واخيرا يجب عمل فحوصات طبية لوظائف الكلى والكبد وقياس مستوى الدهون في الجسم قبل البدء في الرجيم او المتابعة تحت اشراف طبيب مختص.

🔚 وبكده نكون اتكلمنا عن الثلاث انواع رجيم ومزايا كل نوع وعيوبه نتمنى تكونوا استفدتوا وشكرا.
❤

31/07/2020

🐏❤

Shefaa Society | جمعية شفاء الطبيه

28/09/2020

22/09/2020

13/09/2020

12/09/2020

02/09/2020

22/08/2020

12/08/2020

08/08/2020

03/08/2020

31/07/2020

Address

Telephone

Website

Alerts

Contact The Organization

Shortcuts

Share

Category