إيه المشروع ده ؟
مشروعنا عبارة عن مشروع توعوي هيتم في .
طب إيه فكرة الاسم ؟
فكرة الاسم إن كتير مننا قيمته "صفر"، إمتى قيمته تكون "+1"؟ لما يبتدي يشتغل على نفسه ويطور منها، ولما يبتدي بقى ينفع مجتمعه باللي اتعلمه ده وقتها هيبقى "+2".
طيب إنتوا مين ؟
المشروع بالكامل مجهود طلابي، يعني إحنا مجموعة شباب جامعي كل هدفنا نشر الوعي.
يعني المشروع مش تبع حد معين ؟
لأ المشروع غير تابع لأي فصيل، ومش
هنقولك ده صح وده غلط إحنا هنعرض مميزات وعيوب كل شيء وأنت تحدد بنفسك الصح والغلط عشان منكونش موجِّهين ليك.
طب هناخد إيه فيه بالظبط ؟
المشروع معمول لكل واحد مقدرش يدرس "علم سياسة"، هيتم فيه شرح أيدلوجيات ومصطلحات معينة زي مثلًا: "ليبرالية، علمانية، اشتراكية، رأسمالية، قومية، إمبريالية...إلخ"، وهيبقى في workshops أثناء المشروع.
طيب والتكلفة كام ؟
المشروع مجاني بالكامل!
طب منين مش تبع أي فصيل والمشروع مجاني؟! أومال بتجيبوا الفلوس دي منين!
إحنا زي أي مشروع لينا Sponsor (راعي مالي)، والتكاليف كلها بتبقى على حسابه في مقابل إننا نعلن عنه ونعمله دعايا وكده.
طب هو لحد سن كام ؟
المشروع بالكامل طلبة في طلبة، يعني ما دمت طالب في أي مرحلة كانت فأنت مرحب بيك في المشروع.
