"نبض الخير" سمناها كده عشان تفضل فيها الحياة ,تنبض بيها وتقدم الخير ديما ولكل الناس,
دى كانت فكرة انشاء الجمعية دى وتسمياتها,
الجمعية دى اللى عملها واسسها مجموعة شباب مايختلفوش عن اى حد فيكم,وزيكم, كانوا عايزين يقدموا الخير للناس.
طيب ده هيكون ازاى؟
قلنا على شوية حاجات نعملها تكون هى اهدفنا ورؤيتنا:
1- اننا نساعد الناس "اللى فعلا محتاجة مساعدة ضرورى" سواء كانت مساعدتنا ليهم فى شكل فلوس او فى شك
ل حاجات نقدمها ليهم.
2-اننا نساعد فى الأرتقاء بالفكر ونشر الثقافة, والكلام ده طبعا مش محصور فى مجال واحد بس, لكن انشاء الله هيكون فى كل مجال سواء كانت الثقافة دى:-
- ثقافة صحية
- ثقافة سياسية
- ثقافة تاريخية
- ثقافة علمية.....وغيرهم كتير انشاء الله
وده انشاء الله هيتحقق من خلال خطوات وحتى لو اخدت وقت, و انشاء الله هيتحقق طول ماعندنا ثقة فى الله سبحانه وتعالى اولا, وطول ما ايدينا فى ايد بعض.
3- اننا نسعد بعض فى الأرتقاء بالمعاملات والأخلاق الجميلة اللى امرنا بيها ديننا, وده طبعا من خلال ان احنا نطبقها على نفسنا الأول ويعدين ننصح الناس بيها ونقوم بنشرها
4- اننا نشارك فى حل مشكلات عامة ممكن تحصلنا طالما كنا قادرين نعمل كده
5- اننا نساعد فى حل المشاكل الخاصة, على سبيل المثال " مشكلة البطالة عند بعض الشباب" او " مشكلة التعليم وعدم توفر القدرة على التعلم عند بعض الناس"
وده برضه هيكون انشاء الله من خلال خطوات تساعدنا فى حل المشكلات دى.
يمكن نكون كررنا كلمة "اننا" كتير, لكن الكلمة دى مش الشباب اللى اسس الجمعية دى بس, لكن كلمة "اننا" هى انتم والشباب دول.
وبعض الأفكار اللى قلناها قابلة انها تتحقق فى الوقت الحالى وبعضها يمكن ياخد وقت ويكون على المدى البعيد, ولكن اهم حاجة اننا نحاول عشان نقدر نعمل كل اللى احنا عايزينه.
وانشاء الله كل فكرة هيكون ليها مجموعة من الخطوات, والخطوات دى هنقدر ننفذها انشاء الله طول ما احنا مع بعض " وتعاونوا على البر والتقوى"
وكل حاجة هنعملها انشاء الله هنطلق عليها اسم حركى لحد ما ننفذها زى"حملة الشنطة" كده.
واهم حاجة اننا نخلص نيتنا لله سبحانه وتعالى, ونفتكر ديما واحنا بنقدم الخير قول الله سبحانه وتعالى"إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاء وَلَا شُكُورًا"[الإنسان8-9
واحنا فى انتظار اقتراحاتكم وافكاركم ومساهمتكم معانا.
وياريت تساعدونا فى نشر الصفحة دى "فالدال على الخير كافعله"
وجزاكم الله كل خير
"احنا اكبر بيكم"
