شباب جدد قلبك ....
مين ؟؟ وبنعمل ايه ؟؟ وايه هدفنا ؟؟....
احنا شويه شباب ولاد وبنات مش بتحب السلبية عمرها ما بين 18 و20 سنه مش عايزين نعيش الواقع ده وناوين نلونه بايدينا ونحلم ونحقق احلمنا
فكرننا فى اننا من ساعه ما خرجنا من الثانوى العام واحنا مقضين حياتنا كلها فى اننا بنزاكر ونمتحن نزاكر ونمتحن ..... معملناش حاجه نفتخر بيها ولا عملنا حاجة الناس تفتكرنا بيها
فقررنا اننا نبدأ بنفسنا ونتغير ونعمل
خير اى حاجه حته لو كانت بسيطة بس اما تعمل خير لشخص فعلا محتاجه بتبقى كبيرة اوى عندة
مقتنعين بأن الله لا يغير ما بقوم حتى يغيروا ما بأنفسهم
احنا كل الى محتاجينه فكرة وجهد ووقت وطالما نيتنها خير وفى ارادة واصرار على تحقيق حلمنا .... مفيش حاجة هتقدر توقفنا
هدفنا ....
نرسم بسمة واى حاجه هنلاقى انها بتوصل لاسعادة انسان هنعملها كبيرة بسيطة مش هتفرق المهم اننا نحسس اى حد انه مش لوحدة وان فى حد بيسندة
البدايه معانا هتبقى بسيطه لحد ما نقدر نثبت نفسنا وفكرتنا توصل للناس صح ...
يعنى هنبدأ بزيارة دار ايتام او دار مسنين
توعيه الشباب
مساعدة الاسرة المحتاجه
وحاجات كتير ممكن نساعد بيها الناس .....
اهم حاجه اننا نغير التكشيرة الى على وشوش الناس ونحوله لبسمة ..... وزى ما هنرسمها على وشوش الناس هنرسمها جوانا
ومفيش سعادة الانسان هيحسها زى سعادة انه فرح غيرو وعمل حاجه الناس هتفتكرة بيها :)
