مؤسسة ذَات للتنمية المستدامة TSDF

مؤسسة ذَات للتنمية المستدامة TSDF Contact information, map and directions, contact form, opening hours, services, ratings, photos, videos and announcements from مؤسسة ذَات للتنمية المستدامة TSDF, Non-Governmental Organization (NGO), ismalia, Ismailia.

مبادرة بنات اوفلاين هي محطة انطلاق ل مؤسسة ذات للتنمية المستدامة ( منظمة غير هادفة للربح مسجلة في وزارة التضامن الاجتماعي )
مهتمة بقضايا النساء والفتيات والاطفال , بتحلم بمجتمع خالي من العنف و مساحة داعمة وآمنه لكل النساء

للشباب دور محوري في القضاء علي ختان الإناث و رفع الوصم عن المختنات شارك شباب قريتي( الرياح والبياضية ) ...
14/05/2026

للشباب دور محوري في القضاء علي ختان الإناث
و رفع الوصم عن المختنات
شارك شباب قريتي( الرياح والبياضية )
الحوار الواعي و النقاش حول
التغيير ونشر قيم حقوق الانسان

*يتبع



"معاً لوقف جريمة لختان الإناث".. مؤسسة ذات تتبني مشروع "صف واحد" لحماية الفتيات من الختانتتبني "مؤسسة ذات للتنمية المستد...
13/05/2026

"معاً لوقف جريمة لختان الإناث".. مؤسسة ذات تتبني مشروع "صف واحد" لحماية الفتيات من الختان

تتبني "مؤسسة ذات للتنمية المستدامة" مشروع (صف واحد)، لمناهضة ختان الإناث بإستهداف قريتي الرياح والبياضية بمركز ومدينة القنطرة غرب التابعة لمحافظة الإسماعيلية، وذلك وفقاً للمبادرة التي أطلقها السيد الرئيس "عبد الفتاح السيسي" رئيس الجمهورية الاستراتيجية الوطنية لمناهضة ختان الاناث 2020.

يستهدف مشروع (صف واحد) مناهضة ختان الإناث من خلال تقديم محتوي مبسط وشامل يجمع بين الجانب الطبي، النفسي، القانوني، الديني، بشكل يراعي السياق الثقافي داخل المجتمع المستهدف، والخروج بائتلاف من داخل القري لمواجهة ختان الإناث.

تعمل مؤسسة "ذات للتنمية المستدامة" التابعة لوزارة التضامن الإجتماعي علي دعم وتمكين النساء والفتيات، خاصة الفئات الأكثر هشاشة داخل مجتمعها المحلي، من خلال برامج توعوية وتدخلات مجتمعية تركز علي العدالة والحقوق والواجبات، والصحة النفسية والجسدية ومواجهة كافةاشكال العنف المبني علي اساس النوع الاجتماعي.

كما تسعي المؤسسة الي خلق بيئة آمنة وداعمة تُمكن النساء من التعبير عن أنفسهن، وإتخاذ قرارات واعية تخص حياتهم ومستقبلهن.



11/05/2026

جسدها كامل حقها.. مش ساحة للخوف والسيطرة
شاركوا الفيديو وكونوا جزء من التغيير..
كل بنت تستحق تكبر بسلام


​

❌ ​الخرافة: بتقول إن الموضوع بسيط ومش بيأثر.✅ ​الحقيقة: جرح نفسي عميق بيطفي الشغف وبيمحي الأحلام، وبيلازم البنت لسنوات ط...
10/05/2026

❌ ​الخرافة: بتقول إن الموضوع بسيط ومش بيأثر.

✅ ​الحقيقة: جرح نفسي عميق بيطفي الشغف وبيمحي الأحلام، وبيلازم البنت لسنوات طويلة.

​بتر الفرحة مش مجرد إجراء، ده اعتداء على مستقبل جيل كامل. التغيير بيبدأ لما نواجه الخرافات دي بالوعي وبمواقف حاسمة.

​ #وعي

❌ خرافة:“الختان عادة دينية لازم تتعمل.”✅ الحقيقة:لا يوجد نص ديني صريح يفرض ختان الإناث، وكثير من المؤسسات الدينية والأطب...
09/05/2026

❌ خرافة:
“الختان عادة دينية لازم تتعمل.”
✅ الحقيقة:
لا يوجد نص ديني صريح يفرض ختان الإناث، وكثير من المؤسسات الدينية والأطباء أكدوا أن الختان عادة مجتمعية ضارة وليست فريضة.
الدين يدعو للرحمة وحماية الإنسان من الأذى…
وأي ممارسة تسبب ضررًا نفسيًا أو جسديًا للبنات لا يمكن تبريرها باسم الدين.
الوعي يحمي البنات،
والرحمة أهم من أي عادة موروثة.

❌ الخرافة: "الختان بيحافظ على أخلاق البنت."✅ الحقيقة: الأخلاق والتربية عمرهم ما كانوا مرتبطين بتشويه جسد البنات.ختان الإ...
07/05/2026

❌ الخرافة: "الختان بيحافظ على أخلاق البنت."

✅ الحقيقة: الأخلاق والتربية عمرهم ما كانوا مرتبطين بتشويه جسد البنات.

ختان الإناث مالوش أي علاقة بالأخلاق، لكنه ممارسة مؤذية بتسبب أضرار نفسية وجسدية ممكن تستمر طول العمر.
البنت تحتاج أمان ووعي واحترام… مش ألم وخوف.




06/05/2026

اما عن الشق الاجتماعي من تدريب صف واحد
هو المساحة اللي بتتحول فيها الحكايات الشخصية لقوة جماعية.. هنا البنات والسيدات بيشاركوا تجاربهم بدون خوف أو حكم، وبيكتشفوا إنهم مش لوحدهن

من خلال جلسات النقاش، بنفكك الموروثات والعادات اللي بتأثر على قراراتنا، ونسأل: “ليه؟” و“مين قال؟” و“إيه البديل؟”. بنشتغل على بناء وعي نقدي، وتمكين كل مشاركة إنها تاخد قرارها بنفسها، بعيدًا عن الضغط المجتمعي.
الشق الاجتماعي مش بس كلام
لكنه تغيير حقيقي في طريقة التفكير
وبداية لدوائر دعم بتكمل بعد التدريب



نحرص في الشق النفسي علي خلق مساحة آمنة تسمح للمشاركات بالتعبير عن أنفسهن دون خوف من الحكم أو الوصم. هذه المساحة ليست مجر...
04/05/2026

نحرص في الشق النفسي علي خلق مساحة آمنة
تسمح للمشاركات بالتعبير عن أنفسهن دون خوف من الحكم أو الوصم. هذه المساحة ليست مجرد جلسة نقاش، بل هي عملية تفريغ نفسي (Catharsis) تساعد البنات والسيدات على استرجاع تجاربهن الشخصية، والتحدث عنها لأول مرة في بعض الأحيان ..

كثير من الحكايات التي تُروى تحمل بداخلها ألمًا مكبوتًا، وشعورًا بالخوف أو الغضب أو حتى الارتباك تجاه ما حدث.
يعتمد التدريب على تقنيات الدعم النفسي مثل الاستماع الفعّال، وإعادة صياغة التجارب بشكل أكثر وعيًا، وربط المشاعر بالمفاهيم الصحية السليمة. الهدف هنا ليس فقط “الحكي”، بل فهم ما وراء الحكي

لماذا نشعر بالخجل؟
من أين جاء الخوف؟
وكيف يمكن استبداله بإحساس بالأمان والحق في الجسد؟



03/05/2026

مش كل القضايا محتاجة خطابات طويلة…
أحيانًا فيديو 30 ثانية منكم ممكن ينقذ حياة بنت.
إلى كل إعلامي/ة، وصانع/ة محتوى في مصر والعالم العربي:
صوتكم مسموع… وتأثيركم حقيقي.
في مشروع صف واحد لمناهضة ختان الإناث،
بنواجه واحدة من أخطر الممارسات
اللي لسه بتوجع بنات كل يوم…
وبنحتاجكم تكونوا جزء من التغيير

📌سجّل فيديو قصير
قول فيه موقفك الواضح ضد ختان الإناث
ادعم حق البنات في أجسادهم
وابعتلنا الفيديو
يمكن بالنسبة لك “بوست”…
لكن بالنسبة لبنت، دي ممكن تكون حماية… نجاة… أو بداية وعي.
متخليش تأثيرك يقف عند حد
خليه يوصل للحياة الحقيقية..






📩 تواصل معنا للمشاركة

في الشق القانوني فتحنا نقاشات حول :إيه اللي بيقوله القانون؟إزاي نتصرف في حالة التعرض لخطر؟فين نقدر نلاقي دعم قانوني حقيق...
03/05/2026

في الشق القانوني فتحنا نقاشات حول :

إيه اللي بيقوله القانون؟
إزاي نتصرف في حالة التعرض لخطر؟
فين نقدر نلاقي دعم قانوني حقيقي؟

والأهم… كسرنا فكرة إن القانون دايمًا ضدنا أو صعب الوصول له .. حاولنا نرجّع الثقة في إن المعرفة القانونية قوة، وإن كل واحدة ليها حق تعيش بأمان وكرامة، والقانون موجود—ولو بشكل نسبي—علشان يحمي ده.
اللحظات الأصدق كانت لما المشاركات بدأوا يربطوا بين تجاربهم الشخصية والنصوص القانونية، ويفهموا إن اللي مرّوا به مش “عادي” ولا “مفروض”
لكنه انتهاك وجريمة لها وصف وعقوبة.

التدريب هنا مش بس توعية… كان بداية لاسترداد حق.



💬 اتكلمنا بصراحة عن قضية ختان الإناث، وفهمنا سوا: ✔️ يعني إيه ختان؟✔️ إيه أضراره الصحية والنفسية؟✔️ ليه مفيش أي سند طبي ...
02/05/2026

💬 اتكلمنا بصراحة عن قضية ختان الإناث، وفهمنا سوا:

✔️ يعني إيه ختان؟
✔️ إيه أضراره الصحية والنفسية؟
✔️ ليه مفيش أي سند طبي أو ديني ليه
✔️ليه القانون بيجرمة وقانون العقوبات المصري بيسجن اللي بيعمل الجريمة دي
الجلسات كانت مساحة آمنة لطرح كل الأسئلة بدون خوف، ومع كل إجابة… كان في وعي بيتبني خطوة بخطوة.
الأجمل كان التفاعل الحقيقي من المشاركات، والقصص اللي اتقالت، والجرأة في مواجهة أفكار متوارثة بقالها سنين.
مش بس ورشة… دي بداية تغيير



#الرياح


#احميها

Address

Ismalia
Ismailia
02064

Website

Alerts

Be the first to know and let us send you an email when مؤسسة ذَات للتنمية المستدامة TSDF posts news and promotions. Your email address will not be used for any other purpose, and you can unsubscribe at any time.

Shortcuts

Share

Category