مدينة 15 مايو معكم

07/04/2026

لجان متنوعة من كل الجهات تمر على ترشيد استهلاك الكهرباء و الطاقة و السولار و بنزين مولدات الديزل و الإضاءة لتخفيض الاستهلاك و منع الكاتلات و الغلايات و التكييفات الضخمة بجميع مستشفيات حلوان الحكومية و العيادات و المراكز الخاصة

08/01/2026

❗ إلى متى يا سادة يا كرام ؟ ❗
ما زال حرق القمامة مستمرًا في مدينة 15 مايو، وما زال أهالي المدينة جميعًا يستنشقون الروائح الكريهة والدخان الخانق يوميًا، رغم الوعود المتكررة من المسؤولين، ورغم التصريحات الواضحة من أعضاء مجلس الشعب وعلى رأسهم النائب عيد حماد بأن هذه المشكلة انتهت تمامًا.
للأسف، الواقع يقول عكس ذلك تمامًا.
🔴 لا تغيير
🔴 لا حلول
🔴 لا مراعاة لصحة المواطنين
🔴 ولا اعتبار لحقنا في هواء نظيف
الأمر لم يعد مجرد إزعاج، بل كارثة صحية وبيئية تهدد الأطفال وكبار السن ومرضى الصدر، وتسيء لمدينة كاملة من حقها أن تعيش بكرامة.
إلى متى يا سادة يا كرام؟
إلى متى الوعود دون تنفيذ؟
وإلى متى يظل المواطن هو من يدفع الثمن؟
نطالب بتحرك فوري وجاد، لا بيانات ولا تصريحات،
نريد أفعالًا على الأرض… الآن قبل الغد.

19/10/2025

📢 رسالة لكل ولي أمر
من غير متابعة، مفيش تربية حقيقية!
دلوقتي 99٪ من أولاد الإعدادي والثانوي محتاجين رقابة وتوجيه أكتر من أي وقت فات.
راقبوا أولادكم… اعرفوا أصحابهم… تابعوا سلوكهم وكلامهم… راقبوا تليفوناتهم ، اسألوا عنهم في المدرسة واعرفوا رأي المدرسين فيهم.

👨‍👩‍👧‍👦 مش كل ابن أو بنت "ملاك" زي ما بنحب نتصور، لأن التربية مش بس أكل وشرب ومصاريف ،
التربية قيم وسلوك ومسؤولية ومتابعة مستمرة.

خلوا أولادكم يحسّوا إن في حد شايفهم ومهتم بيهم…
علشان بكرة ما نندمش على تقصير النهارده.

12/10/2025

💔ما توا في البانيو… حكاية وجعت قلوب الكل

تخيلوا أم سابت ولادها “إهداء – هدى – مودة”… أطفال زي الورد، أكبرهم 10 سنين وأصغرهم 5، من المنوفية 🌸

الأم شغلت السخان وجهزت المية بدرجة حرارة مناسبة، وبعد ما اتأكدت إن كل حاجة تمام، قفلت السخان وقالت:

“هروح أجيب شوية حاجات بسيطة وهرجع على طول.”

نزلت السوق، ورجعت تلاقي الصمت مالي البيت…
الباب مقفول، والريحة غريبة 😔
فتحت الحمّام، ولقت أغلى ما تملك نايمين في البانيو… ملامحهم هادية، كأنهم نايمين بسلام، بس أرواحهم راحت 💔

السخان كان مقفول، ومحدش عارف إزاي الغاز اتسرب، ولا إيه اللي حصل بالظبط…
لكن اللي معروف إن لحظة واحدة كانت كفيلة تغيّر حياة أم للأبد 💭

الأب مسافر، والأم شايلة الدنيا على كتفها…
فالموضوع مش مجرد مأساة، دي صرخة تحذير لينا كلنا ⚠️

🕯️ خلي بالك من سخانك، من غازك، من أولادك… الدنيا لحظة.

🤍 اللهم اجعلهم من أهل الجنة، وامنح أمهم الصبر الجميل الذي لا يُرى إلا منك يا رحيم.

10/10/2025

امبارح حصل حاجة غريبة..

فيه ست عربيات راكنة اتفحموا تماما في الرحاب فجأة كدة وهما راكنين والدنيا اتقلبت لان الموضوع ده حصل فجأة من غير اي سبب يعني منهم لنفسهم يعني النار شبطت في واحدة ومسكت في باقي العربيات اللي جمبها.

المهم بقا طلع ايه الموضوع؟

الشباب المتربية اللي زي العسل دي اللي هما عيال في مدرسة انترناشونال طبعا كانوا معديين من جمب العربيات دي لقوا عربية منها بتسرب بنزين فراحوا عملوا ايه لما شافوا المنظر ده؟ راحوا مولعينها بالولاعة على سبيل الهزار وجريوا وهما بيضحكوا وبتاع.

اه والله خسروا الناس عربياتها وشقاها اللي بملايين عشان كانوا بيهزروا وكدة.

قصة حقيقية ودليل مادي ملموس على اهمية التربية قبل التعليم 👋

18/08/2025

17/08/2025

⛔ اللواء كامل الوزير وزير النقل والصناعة والتجارة ونائب رئيس الوزراء في زيارة ل اليوم حيث تفقد مصنع للملابس الجاهزة بجوار الكمين

12/08/2025

المحتوى المقدم فى هذا الفيديو يحث على الفسق والفجور وإفساد الذوق العام وإخلال القيم الأسرية للدولة المصرية المعاقب عليهم بنص المادة ١٧٨ من قانون العقوبات والمادة ٢٦٩ مكرر بقانون رقم ١١ لسنة ٢٠١١ .
لذلك التمس من سيادتكم اتخاذ اللازم قانونا لوقف هذه المهزلة التى أصبحت وبال على مجتمعنا
حدث يوم 11 أغسطس 2025 في الطريق المؤدي الي كمين 15 مايو
⛔ شير على أوسع نطاق للقبض على كل من تسول لهم نفسهم ممارسة البلطجة

07/08/2025

لما استني اللي بيرن يخلص علشان اكمل تقليب في التليفون براحتي

30/07/2025

فخر الأزهر الشريف
🌟 ألف مبروك النجاح والتفوق 🌟

نبارك من قلوبنا للطالبة المتألقة ( سهيلة محمد محمود )
بمعهد فتيات حلوان العادى ، بمناسبة نجاحها الباهر في الثانوية الأزهرية وحصولها على مجموع 92.7٪👏🎓

هذا الإنجاز ثمرة جهدٍ متواصل، ودعم من أسرة عظيمة، ومساندة من معلميها الأفاضل الذين بذلوا كل الجهد في تعليمها وتوجيهها، فكل الشكر والتقدير لكل من ساهم في هذا التفوق.

نتمنى لها مستقبلاً مشرقًا ومزيدًا من النجاح والتألق في حياتها الجامعية والعلمية، وندعو لجميع طلابنا أن يسيروا على دربها، فنجاحهم هو فرحة لنا جميعًا ❤️📚

💐 تهانينا الحارة لأسرتها الكريمة وكل معلميها اللي كانوا دايمًا سند وداعم.
ونسأل الله لكِ دوام التفوق، وبداية مشوار جديد مليان نور وتميّز بإذن الله.

🔔 ولجميع الطلاب بنقول:
اجتهدوا واسيروا على درب المتفوقين، لأن النجاح أجمل فرحة ممكن تعيشوها، وفرحته بتوصل لكل القلوب اللي بتحبكم.




🌸

29/07/2025

🌟 ألف مبروك النجاح والتفوق 🌟

نبارك من قلوبنا للطالب المتألق :
يوسف أحمد أبو الحسن 🌹🌹
بمدرسة عثمان بن عفان ، بمناسبة نجاحه الباهر في الثانوية العامة وحصوله على مجموع 81٪👏🎓

هذا الإنجاز ثمرة جهدٍ متواصل، ودعم من أسرة عظيمة، ومساندة من معلميه الأفاضل الذين بذلوا كل الجهد في تعليمه وتوجيه ، فكل الشكر والتقدير لكل من ساهم في هذا التفوق.

نتمنى له مستقبلاً مشرقًا ومزيدًا من النجاح والتألق في حياته الجامعية والعلمية، وندعو لجميع طلابنا أن يسيروا على دربه ، فنجاحه هو فرحة لنا جميعًا ❤️📚

💐 تهانينا الحارة لأسرته الكريمة وكل معلميه اللي كانوا دايمًا سند وداعم.
ونسأل الله لك دوام التفوق، وبداية مشوار جديد مليان نور وتميّز بإذن الله.

🔔 ولجميع الطلاب بنقول:
اجتهدوا واسيروا على درب المتفوقين، لأن النجاح أجمل فرحة ممكن تعيشوها، وفرحته بتوصل لكل القلوب اللي بتحبكم.




🌸