منظمة صحتى من بيئتى

Call Directions Contact the organization

منظمة صحتى من بيئتى Contact information, map and directions, contact form, opening hours, services, ratings, photos, videos and announcements from منظمة صحتى من بيئتى, Nonprofit Organization, 84 شارع العشرين _ برج النور _ فيصل _ الجيزة, Giza.

💚 جمعية صحتي من بيئتي 💚
المكان الآمن للفحص والمشورة والدعم النفسي بسرية تامة وبدون أي حكم.
إحنا هنا علشان نسمعك، نطمنك، ونسندك بخطوات بسيطة وواضحة.
لأن الوعي بداية القوة، والمعرفة أول طريق للحياة الصحية. 🌿 جمعية صحتى من بيئتى
المقر : بمحافظة القاهرة
تعمل على نطاق جمهورية مصر العربية
------ ميادين العمل ---
- الخدمات الصحية
- حماية البيئة
- التنمية الاقتصادية
- حقوق الانسان
- الخدمات العلمية والتعلمية والثقافية

زي ما بنعمل تحاليل وفحوصات عشان نطمن على صحتنا، فحص HIV كمان خطوة للاطمئنان، مش حاجة نستناها لحد ما نقلق. 💚معرفة حالتك ب...
21/10/2026

زي ما بنعمل تحاليل وفحوصات عشان نطمن على صحتنا، فحص HIV كمان خطوة للاطمئنان، مش حاجة نستناها لحد ما نقلق. 💚

معرفة حالتك بتساعدك تاخد الخطوة المناسبة في الوقت المناسب، والمعلومة الصح بتبدأ بالفحص ومن مصدر موثوق.

خلي الاطمئنان عادة، مش مجرد رد فعل للقلق.

لو عندك سؤال عن فحص HIV أو محتاج تعرف أكتر؟ ابعتلنا على رسايل جمعية صحتي من بيئتي، وإحنا معاك عشان نساعدك ونوجهك للمعلومة الصح.

#معًا_ضد_الوصم

مش كل إصابة وراها الحكاية اللي إنت متخيلها...ومش كل شخص متعايش مع HIV نقدر نحكم على قصته ونفترضها؛ وده لإن الفيروس ممكن ...
18/10/2026

مش كل إصابة وراها الحكاية اللي إنت متخيلها...

ومش كل شخص متعايش مع HIV نقدر نحكم على قصته ونفترضها؛ وده لإن الفيروس ممكن ينتقل من خلال مشاركة ادوات ملوثة، أو استخدام أدوات طبية أو حادة غير معقمة🪒💉

والتشخيص لوحده مش دليل على سلوك الشخص أو ظروف انتقال العدوى إليه، المعلومة الصح بتوعي لكن الافتراضات بتوصم.

لو عندك اي سؤال عن طرق انتقال HIV أو الوقاية منه؟ ابعتلنا على رسايل جمعية صحتي من بيئتي.

#معًا_ضد_الوصم

أنت مش لوحدك 💚🎗الإصابة بفيروس HIV مش نهاية الطريق، ومش معناها إن حياتك وقفت. مع العلاج والمتابعة الطبية المنتظمة، تقدر ت...
14/10/2026

أنت مش لوحدك 💚🎗

الإصابة بفيروس HIV مش نهاية الطريق، ومش معناها إن حياتك وقفت.

مع العلاج والمتابعة الطبية المنتظمة، تقدر تعيش حياة صحية ومستقرة، وتحقق أحلامك وتكمل حياتك بشكل طبيعي.

في جمعية صحتي من بيئتي، إحنا معاك في كل مرحلة، من أول الفحص لحد الدعم والمعلومة الصح.

مفيش داعي للخوف أو إنك تواجه لوحدك، الـHIV مش وصمة، وكل شخص يستحق الدعم والاحترام من غير تمييز💚🎗

مش معنى إني مصاب إني عملت حاجة وحشة...التشخيص مش دليل على أخلاقك، ولا مقياس لقيمتك كإنسان. ومفيش حد يستحق إنه يتعرض للحك...
10/10/2026

مش معنى إني مصاب إني عملت حاجة وحشة...

التشخيص مش دليل على أخلاقك، ولا مقياس لقيمتك كإنسان. ومفيش حد يستحق إنه يتعرض للحكم أو اللوم بسبب حالته الصحية.

كل إنسان يستحق الاحترام، والدعم، وإنه يعيش حياته من غير خوف من نظرة الناس أو أحكامهم.

خلينا نحكم على الناس بأفعالهم، مش بحالتهم الصحية💚

#معًا_ضد_الوصم
جمعية صحتي من بيئتي.. دعمنا ليك دايمًا موجود.

32.1 مليون شخص كانوا على العلاج من HIV💚التشخيص مش معناه إن الحياة بتقف، العلاج والمتابعة والالتزام بيخلوا الحياة تستمر خ...
06/10/2026

32.1 مليون شخص كانوا على العلاج من HIV💚

التشخيص مش معناه إن الحياة بتقف، العلاج والمتابعة والالتزام بيخلوا الحياة تستمر خطوة ورا خطوة.

ابدأ بأول خطوة واسأل عن العلاج والدعم المناسب ليك وابعتلنا على رسايل جمعية صحتي من بيئتي.

#معًا_ضد_الوصم

الدعم مش نصيحة...أوقات الشخص اللي قدامك مش محتاج يعرف يعمل إيه ويتصرف ازاي، هو محتاج حد يسمعه، يفهمه، ويحسسه إنه مش لوحد...
01/10/2026

الدعم مش نصيحة...

أوقات الشخص اللي قدامك مش محتاج يعرف يعمل إيه ويتصرف ازاي، هو محتاج حد يسمعه، يفهمه، ويحسسه إنه مش لوحده.

ومش عايزك تقدمله حلول أو نصايح هو محتاج تسمعه من غير حكم، وتفضل جنبه.

لو عندك سؤال أو محتاج دعم أو معلومة موثوقة؟ ابعتلنا على رسايل جمعية صحتي من بيئتي.

#معًا_ضد_الوصم

مش كل سؤال من حقه إجابة، ومش كل معلومة صحية لازم تتحكي للناس. 💚حالتك الصحية خصوصية وحق ليك، ومحدش من حقه يضغط عليك تحكي ...
28/09/2026

مش كل سؤال من حقه إجابة، ومش كل معلومة صحية لازم تتحكي للناس. 💚

حالتك الصحية خصوصية وحق ليك، ومحدش من حقه يضغط عليك تحكي تفاصيل مش حابب تشاركها.

خلينا نتعلم نحترم حدود بعض، ونسأل باهتمام من غير تدخل أو إحراج.

جمعية صحتي من بيئتي موجودة معاك دايمًا لو محتاج أي استفسار.

#معًا_ضد_الوصم

نفس الشخص، بس مش نفس نظرة الناس ليه بعد التشخيص.💔الوصمة بتوجع، وبتخلي الشخص يحس بالرفض والعزلة، رغم إن التشخيص مش بيغير...
22/09/2026

نفس الشخص، بس مش نفس نظرة الناس ليه بعد التشخيص.💔

الوصمة بتوجع، وبتخلي الشخص يحس بالرفض والعزلة، رغم إن التشخيص مش بيغير قيمة الإنسان ولا حقه في الحب والاحترام والدعم.

خلينا نغير نظرتنا، مش بس معاملتنا، معًا ضد الوصم💚

#معًا_ضد_الوصم

التشخيص مش هو اللي بيحدد قيمة الإنسان، ولا هو اللي بيلغي حقه في إنه يعيش حياته بشكل طبيعي💚الشخص المتعايش مع HIV هو إنسان...
19/09/2026

التشخيص مش هو اللي بيحدد قيمة الإنسان، ولا هو اللي بيلغي حقه في إنه يعيش حياته بشكل طبيعي💚

الشخص المتعايش مع HIV هو إنسان له حياة، وأحلام، وحقوق، ومش محتاج حكم من حد، هو محتاج فهم ودعم واحترام.

خلينا نبدأ بالمعلومة الصح، ونكسر الوصمة مع بعض.

#معًا_ضد_الوصم

14/09/2026

معًا للقضاء على الوصم والتمييز المجتمعى ضد المتعايشين مع فيروس نقص المناعة البشرى!!

Address

84 شارع العشرين _ برج النور _ فيصل _ الجيزة
Giza

Opening Hours

Monday 3pm - 9pm
Tuesday 3pm - 9pm
Wednesday 3pm - 9pm
Thursday 3pm - 9pm
Sunday 3pm - 9pm

Telephone

+201141923577

Website

Alerts

Be the first to know and let us send you an email when منظمة صحتى من بيئتى posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to منظمة صحتى من بيئتى:

Shortcuts

Share

Category