بالعربي إنسان

20/09/2026

ما شاء الله لا قوة إلا بالله .. ذبح العجل اللي هيتوزع جزء منه مع شنط مرضى الجذام النهاردة إن شاءالله وباقيته على حالات أسر فقيرة وأيتام وأرامل .. بارك الله لكل من ساهم وتبرع وتطوع

#إطعام #صدقة #فرحة #لحوم #جذام

15/09/2026

تصدق إن ب ٥٠ ج بس تقدر تسقي شخص واحد مياه نظيفة طول العمر؟ وتاخد ثواب كل مرة يشرب فيها ولا يتوضى ولا يطبخ ولا يستحمى؟

إزاي؟ لما تتبرع لتوصيل خط مياه ٤ ك هيستفيد منه فوق ال ٨٠ ألف شخص في محافظة قنا .. تكلفة الفرد ٥٠ ج يعني الألف تخليك تسقي ٢٠ فرد 🥳 😍 ومتاح طبعا التبرع بأي مبلغ من أول ٥٠ ج

ساعدنا نوصلهم مياه نظيفة ونكرمهم ونرحمهم من أمراض الكلى اللي بتيجي بسبب مياه الطلمبة الملوثة

#سقيا #قنا

11/09/2026

المدارس يوم الاحد والعجز كبير جدا مالمتش غير ٦٣ شنطة من ١٠٠٠ شنطة 🥹🥹 وفي ولاد معهمش حتى قلم يكتبوا بيه ومعظمهم أيتام.. مين يشارك ويفرح طفل بشنطة وأدوات وكشاكيل ويساعدهم يكملوا مشوارهم في التعليم؟ سهم التبرع ١٠٠٠ ج

#صدقة #أيتام #فقراء #مدارس ❤

11/09/2026

05/09/2026

المدارس قربت.. وفي ولاد معهمش حتى قلم يكتبوا بيه ومعظمهم أيتام.. مين يشارك ويفرح طفل بشنطة وأدوات وكشاكيل ويساعدهم يكملوا مشوارهم في التعليم؟ سهم التبرع ٢٠٠ ج

#صدقة #أيتام #فقراء #مدارس ❤

05/09/2026

📅 النهاردة 5 سبتمبر.. اليوم العالمي للعمل الخيري

في اليوم العالمي للعمل الخيري.. بنفتخر إننا جزء من منظومة العطاء في مصر.. وبنستمر في رسالتنا اللي بدأناها من أكتر من ١٠ سنين

العمل الخيري مش مجرد مساعدات عابرة، لكن استثمار في الإنسان عشان يعيش حياة كريمة ويقدر يعتمد على نفسه.. إطعام.. دفء لمن يحتاج.. مياه نظيفة تروي العطش.. إعمار وبناء منازل .. تعليم يبني مستقبل.. وصحة تحفظ الكرامة.. كل ده وأكتر عشان أهالينا يعيشوا بسعادة وما يحتاجوش حد.

إزاي تقدر تشارك في اليوم ده؟ أولا تتبرعلنا 😄😄 (شوف أول كومنت) بس بردو العمل الخيري مش بس فلوس.. زي ما قال رسول الله ﷺ: «عَلَى كُلِّ مُسْلِمٍ صَدَقَةٌ».قيل: أرأيت إن لم يجد؟ قال: «يَعْمَلُ بِيَدَيْهِ فَيَنْفَعُ نَفْسَهُ وَيَتَصَدَّقُ».قيل: أرأيت إن لم يستطع؟ قال: «يُعِينُ ذَا الْحَاجَةِ الْمَلْهُوفَ».قيل: أرأيت إن لم يستطع؟ قال: «يَأْمُرُ بِالْمَعْرُوفِ أَوْ الْخَيْرِ».قيل: أرأيت إن لم يفعل؟ قال: «يُمْسِكُ عَنْ الشَّرِّ فَإِنَّهَا صَدَقَةٌ».

كل فعل خير بيعمل فرق.. ومفيش حاجة صغيرة قدام أثرها على حياة إنسان.

شاركنا رأيك: إيه أكتر حاجة بتحسسك إنك بتعمل فرق في حياة غيرك؟

30/08/2026

تمت بفضل الله زيارتنا الشهرية لمرضى الجذام في مستشفى العمرانية.. وتم توزيع عليهم بفضل الله ثم فضلكم كفالات مالية وشنط إطعام
مش قادرين نوصفلكم فرحتهم عاملة إزاي .. اللي يحب يشارك معانا شهريا يتواصل على رسايل الصفحة
مرض الجذام من أصعب الأمراض.. ربنا يعافينا ويعافيكم يارب..

#تبرع #جذام #مرض

25/08/2026

نهنئكم بذكرى مولد سيد الخلق وخير الأنام سيدنا وحبيبنا ونبينا محمد صلى الله عليه وسلم وعلى آله وصحبه أجمعين ❤️

21/08/2026

المدارس قربت.. وفي ولاد معهمش حتى قلم يكتبوا بيه ومعظمهم أيتام.. مين يشارك ويفرح طفل بشنطة وأدوات وكشاكيل ويساعدهم يكملوا مشوارهم في التعليم؟

#صدقة #أيتام #فقراء #مدارس ❤

20/08/2026

من أجمل أيام 😍
تم بفضل الله يوم الجمعة اللي فاتت عمل حفلة لأطفالنا حبايبنا الحلوين وأهالينا المسنين وقضينا اليوم كله معاهم .. فطرنا وحلينا ونزلنا المياه.. طلعنا لعبنا مع البلياتشو والعرايس .. أكلنا فشار وآيس كريم وغزل البنات ولعبنا في الملاهي.. وبعدها اتغدينا وشربنا العصاير والكولا والمولتو والمصاصات والحلويات .. وكملنا لعب لحد ما كلنا شبعنا لعب ❤️❤️ اتفرجوا على ملخص اليوم في الفيديو ❤️❤️

شكرا لكل واحد اتبرع واتطوع عشان اليوم يطلع حلو وجميل بالشكل ده.. ربنا يفرح قلوبكم ❤️

#فرحة #بلبطة #أيتام #مسنين