Dr Nisreen Alkady /Matar Clinic

09/06/2026

رجاءا من المشتركين فى صالون مطر القادم
لو فيه حد من الى مسجلين حضور فى العيادة مش ناوى ييجى العيادة يا ريت يبلغنا لأن فيه ناس كتير من المسجلين أون لاين نفسهم يحضرو فى العيادة والعدد مش سامح
أتمنى ندى فرصة ليهم لو كنا مش هنقدر ننزل
وشكرا على تفهمكم مقدما 🌹

08/06/2026

للناس الى بتسألنى على جروبات علاجية ثقة
Highly recommended

🔹 للرجال فقط 🔹

جروب علاجي ( هنا ودلوقتي ) للرجال في عيادات باب الخلق
الفئة المستهدفة : من منتصف العشرينات الى أواخر الأربعينات

في أوقات كتير، الراجل بيتعوّد يشيل، يسكت، يكمل… حتى لو جواه ضغط، حيرة، غضب، خوف، أو إحساس إنه مش قادر يشرح اللي بيحصل له.

علشان كده بنفتح في عيادات باب الخلق للطب والعلاج النفسي مساحة علاجية آمنة للرجال، قائمة على

4-Step Model / Here & Now

؛ مساحة تساعدك تفهم نفسك أكتر، تشوف مشاعرك وعلاقاتك بوضوح، وتتعامل مع اللي جواك بشكل أهدى وأكثر وعيًا.

👨‍⚕️ الجروب يُقدَّم بواسطة:

🔶د. كريم راغب / معالج رئيسى

🔶د. أحمد شادي / معالج مساعد

🔶أ. عاصم قورة / معالج مساعد

📅 المواعيد:
كل يوم أربعاء
🕗 من الساعة 8 مساءً إلى 10 مساءً
⏳ لمدة سنة
🚩 بداية من منتصف شهر سبعه القادم

📍 المكان:
عيادات باب الخلق للطب والعلاج النفسي / فرع القاهرة

📌 مصر الجديدة ... صلاح سالم ... عمارات العبور عمارة 11 ... أعلى أم أم ... الدور 7 ... شقة 7

🗺️ اللوكيشن:
https://maps.app.goo.gl/sM4T4iSgo7EjbHM78?g_st=ac

استمارة الالتحاق :
https://forms.gle/aJo1BBQJAqLHDjtV9

📞 للاستفسار والحجز:

📱 01070207060

💬 متاح التواصل بالاتصال أو WhatsApp.

🗯️ باب الخلق … رفقة آمنة

05/06/2026

دايما الفن والأدب سابقين العلم
دى قناعتى الدائمة الى اتأكدت امبارح من خلال جلسة نقاش حوالين حالتين من مسلسل in treatment
فيه معانى لو قعدت أحاول أشرحها أو أفهمها سنين مش هتوصل زى ما الدراما بتوصلها
للكرام الى بعتو يسألو على الموضوع هسيبلكم الرابط الى فيه التفاصيل فى أول كومنت
احنا بندى الأولوية فى الحضور للزملاء الى حضرو معانا كورس الدينامك المستوى الأول أو على الأقل عندهم خلفية دينامية قوية لأننا بندخل نشتبك مع المفاهيم مباشرة فلو حد مش عنده خلفية ممكن ما تبقاش مفيدة أو مجدية بالنسباله

04/06/2026

انتهينا من شوية من أول جلسة نقاشية عن مسلسل in treatment
شكرا والله على اللطف والوعى وجمال المشاركات والتحليل
فخورة بيكم ❤️🙏
وإلى اللقاء فى مرات ومرات أخرى بإذن الله

01/06/2026

تنويه هام : العدد اكتمل حضور فى العيادة لصالون مطر القادم
متاح فقط الحجز أون لاين
لو حد عنده الرغبة فى الحضور فى العيادة ممكن يحجز أون لاين مؤقتا ولو حد اعتذر من الحضور أ.سعاد هتبلغه فورا بإذن الله
شكرا على ثقة حضراتكم وهتشرفونا 🌹🙏

01/06/2026

طيب أنا بفكر أفتح الصالون بنظام هايبرد أون لاين وأوف لاين إكراما لرغبة حضراتكم ولأن العدد بالفعل أوشك على الاكتمال فى العيادة
بس توعدونى ما حدش يفاصل فى فتح الكاميرات عشان الفرهضة رجاءا وافتكرو إن دعوة الثيرابيست مستجابة

31/05/2026

📚 إعلان هام | صالون مطر الثقافي
تتشرف مطر كلينك بدعوتكم لحضور لقاء جديد من صالون مطر الثقافي لمناقشة كتاب:
📖 «التحديق في الشمس» للمرة الثانية فى صالون مطر
للطبيب النفسي والكاتب إيرفن يالوم
وذلك يوم الثلاثاء الموافق ٣٠ يونيو
🕕 الساعة السابعة مساءً
⏳ لمدة ساعتين
📍 المكان: مطر كلينك
3 ش عدنان مدني – العريش – الهرم
الدور الأول – أمام المالكي مباشرة
في هذا اللقاء سنقترب معًا من واحدة من أكثر الحقائق الإنسانية حضورًا وتأثيرًا: الموت.
لكننا لن نتعامل معه باعتباره فكرة مخيفة أو موضوعًا يجب تجنبه، بل باعتباره سؤالًا وجوديًا يرافق حياتنا ويمنحها كثيرًا من معناها.
وكما اعتدنا في صالون مطر، لن يكون الهدف تلخيص الكتاب أو شرحه، بل الانطلاق منه إلى حوار مفتوح حول قراءاتنا الشخصية له، وما أثاره فينا من أفكار وأسئلة وتداعيات. فمع كل لقاء نكتشف أننا لا نناقش كتابًا فحسب، بل نكتب معًا كتابنا الجمعي الخاص من خلال الحكي والمشاركة والتأمل.
☕ وكالعادة... الشاي والقهوة والسناك علينا
يدير اللقاء:
د. نسرين القاضي
أخصائي الطب النفسي ومؤسس مطر كلينك
📞 01013593949
💰 قيمة الاشتراك: ٢٠٠ جنيهًا مصريًا
📌 الحضور بالحجز المسبق فقط، ويُغلق باب الحجز فور اكتمال العدد.
طرق السداد:
من خلال مقر العيادة
أو عبر فودافون كاش أو انستاباى على رقم: 01068682626
للحجز أو الاستفسار: 📱 واتساب العيادة من 12 ظهرًا حتى 10 مساءً يوميًا (عدا الجمعة).
اقرأوا الكتاب، وأخبروا أصدقاءكم المهتمين، وانضموا إلينا في أمسية من الحوار والتأمل والإنصات.
مع تحياتى
د.نسرين القاضى

31/05/2026

المشكلة الى بتواجه ناس كتير و بتعطلهم كتير فى حياتهم هى محاولة تهدئة القلق عن طريق البحث عن ضمانات
وهو ظاهريا يبان منطقى جدا لكن فى باطنه هو أكبر مغذى لدايرة القلق المفرغة
ازاى ؟
لما مستوى القلق بيزيد و يبدأ الإنسان يحاول يهديه عن طريق البحث عن ضمانة (سؤال الناس بكثرة / الإفراط فى البحث على الانترنت / الإفراط فى التخطيط .......الخ )
فى الأول بيحصل تهدئة مؤقتة بعدها بتنشأ أسئلة تانية واحتمالات تانية فيدخل نفس الدايرة
و دا بيأكد عنده فكرة إن القلق مش بتهدى غير لما لقى ضمانة وبينسى إنه كان مؤقت أصلا
القلق فعليا مش بيتحسن غير لما بيحصل حاجة اسمها زيادة (Tolerance of Uncertainty) أو القدرة على تحمل عدم اليقين !
لأنه بما إننا كائنات محدودة هشة تعيش فى عالم غير قابل للتحكم ولا السيطرة يبقى مالهاش حل غير إنى أتعود أتحرك وأنا ماسك ايد المعنى دا و بنروح ونيجى ونختار مع بعض كأى صحاب أنتيم !
وأقولك ع التقيلة بقة
ساعات القلق والبحث عن ضمانات ورغم إنه أد ايه منهك ومهلك لكنه خيار جيد للانشغال عن إنى أواجه حقيقة هشاشتى الإنسانية وخطر الوجود فى عالم واسع الاحتمالات بدون مقدرة فعلية على السيطرة والتحكم وما يحمله من خطر الاختيار بالتبعية
ولهذا حديث آخر
أو هكذا أظن !

30/05/2026

بوست كل سنة فى نفس المعاد (بعد العيد إن شاء الله)
Radical acceptance, Unconditional love,
والغول والعنقاء والخل الوفى..

Send a message to learn more