جمهورية امبابة اون لاين

25/10/2026

‏تسجيل المكالمات. " خيانة. ".
تصوير الناس بدون علم. " خيانة "
فتح السبيكر. " خيانة. "
استدراج الاطفال في الحديث. " خيانة. "
تتبع اسرار الناس " خيانة. "
تزيف الحقيقة لغرض الفتنة. " خيانة "
الافتراء والكذب في الحديث " خيانة "
التبلي علىٰ الناس لأنك تكرهم. " خيانة "

كونوا شرفاء واحترموا أمانة المجالس ولا تحاولوا تبرير بشاعة طباعكم .

قال رسول الله ﷺ وهو يَصِف أيام الهرج والفتن بقوله:
حين لا يأمَن الجليسُ جليسَه ......

25/10/2026

تحيا مصر

25/10/2026

هيحصل ايه لو احنا كشعب حبينا بعض وخوفنا على بعض وبطلنا الحقد اللى جوانا
طبعا كل واحد هيطلع نفسه ملاك وان الكلام مش عليه
لكن ف الحقيقة الكلام لينا كلنا وللجميع
لازم كل شخص كبير يحترم الاصغر منه ويعرف ان الاحترام بيجيب احترام
لازم كل شخص صغير يقدر الكبير ويعرف ان كل سن وليه وضعه وان الناس الكبار ف السن محتاجين معاملة خاصة وان دا فرض علينا اننا نقدرهم ونكرمهم حتى لو كان اسلوبه مش حلو على الاقل افتكر ان هايجيلك يوم وتكون زيه
لو ماشي فى الشارع ولقيت حد مستعجل خليه يعدى الله اعلم بظروفه وبلاش تعمل ناصح وتمشي تخبط فى الناس وتقول معلش عشان مش فى كل الاوقات بتنفع كلمة معلش

هننزل كل يوم نصيحة جديدة لعل وعسى

20/10/2026

ياجماعة ايه الحل ف شارع القومية العربية الناس اللي ماشية عكس في كل الاتجاهات غير ان الشارع اتقلب جراج للعربيات والتكاتك الموضوع وجع قلب والله

30/09/2026

https://www.youtube.com/watch?v=LqMjnXGCWFc

دا شغل واحد من اولاد امبابه لو عجبكم الشغل ياريت تدعموه حتى باعجاب وشكرا من القلب 🙏

Sameh Magdy

DON'T TELL YOUR DREAM — متقولش حلمك A cinematic music...

29/09/2026

التقطت أول صورة للكعبة المشرفة عام 1880 ميلادياً (1297 هجرياً) بواسطة المصور والمهندس العسكري المصري محمد صادق بك.

لو اول مرة تشوف الصورة سمعنا صلاة النبي ❤

22/07/2026

وادى واحد نصاب وطريقة نصب جديدة بيعمل كارت مشتريات اون لاين ويقولك اطلب الكود وجاى من شركة فودافون نفسها عشان محدش يشك وفى الاخر دا كارت هوا عمله عشان يسحب منك فلوسك ودا اسمه ورقمه متسجل على تروكولر بالاسم دا
انا طبعا عشان عارف انه نصاب فضلت استعبط عليه شوية وفى الاخر اول ماقولتله اعتبر نفسك عملت بيهم حاجة خيرية قفل ف وشي الخط كله يخلى باله ياجماعة ومحدش يصدق اى حد او يعمل اى اجراء غير لما يتصل بالشركة ويتأكد منهم

13/07/2026

فكرة بـ ٢٠٠ جنيه ممكن تنقذ بها حياتك وحياة أولادك!
"سلم مصنوع من الحبال للطوارئ"

بعد تكرار حوادث حرائق الشقق في الأدوار العليا، وصعوبة الهروب أو القفز.
تفصيل سلم من الحبال وربطه بحديد البلكونة بشكل قوي ودائم.
وللأمان:
الأفضل تجميعه داخل صندوق مغلق في البلكونة (لحمايته من الشمس وعَبث الأطفال).
وقت الخطر:
افتح الصندوق، وارمِ السلم للشارع، وانزل فوراً.

فكرة بسيطة، لكن قد ينجيك الله تعالى بها من خطر محقق.
شارك المنشور فالدال على الخير كفاعله.

22/06/2026

بعيدًا عن الجدل... خلينا نتعلم.
حادثة البايكرز الأخيرة وجعت ناس كتير، لكن أتمنى ما تبقاش مجرد ترند يومين وننساه.

كل يوم بنختلف: مين غلطان؟ العربية ولا الموتوسيكل؟ لكن الحقيقة إن على الطريق أحيانًا خطأ واحد أو خطأين في نفس اللحظة كفاية ينهو حياة إنسان.

لو راكب موتوسيكل:

- السرعة مش مهارة.
- والسباق مش بطولة.
- ومتستناش إن مش كل سواق ممكن يشوفك أو يتوقع حركتك.

ولو سايق عربية:

- الإشارة مش معناها إن الطريق بقى بتاعك.
- قبل ما تغيّر أي حارة، اتأكد إنها فاضية فعلًا، وابص في المرايات والنقطة العمياء، وسيب مسافة أمان.

الطريق مش مكان لإثبات مين أشطر، ولا مين عربيته أسرع، ولا مين رد فعله أقوى.

كل واحد فينا مستني حد يرجعله البيت... أب، أو أم، أو زوجة، أو أولاد.

يا ريت بدل ما نختلف على مين كان غلطان، نتعلم إزاي الحادثة دي ما تتكررش مع حد تاني.

ربنا يرحم كل من فقد حياته في حوادث الطرق، ويحفظ كل واحد نازل يسوق، سواء كان راكب موتوسيكل أو سايق عربية.

19/06/2026

هل سألت نفسك من قبل أين تبداء المنطقة صفر فى القاهرة 🤔