14/06/2026
“كل شعور له رسالة… وإحنا بدأنا نفهمها.”
في معسكر “المشاعر”، اجتمع عدد ٢٣ طفل في معسكر بالغردقة
في رحلة مليانة اكتشاف وتعلُّم ولحظات مميزة.
من خلال أنشطة تفاعلية وجلسات مشاركة، اتكلم الأطفال عن:
✨ إزاي ياخدوا خطوات صغيرة تساعدهم يحققوا أحلامهم وأهدافهم.
✨ إيه هي المشاعر الخمسة الأساسية، وإزاي المشاعر بتتكوّن.
✨ إيه الحاجات اللي بتخلينا نحس بالخوف أو الغضب أو الاشمئزاز أو الفرح، وإزاي نفهم المشاعر دي بدل ما نهرب منها.
✨إيه الحاجات اللي بتهدينا؟
وإزاي نتعامل مع مشاعرنا بطريقة صحية لما نحس بيها؟
وخلال أيام المعسكر، عاش الأطفال تجارب متنوعة ساعدتهم يعبروا عن نفسهم بشكل مختلف من خلال:
أنشطة وأشغال يدوية.
مشاهدة أفلام وقصص بتتكلم عن المشاعر.
جلسات حكي جماعية .
انشطة بالطين الأسواني للتعبير والإبداع.
أوقات ممتعة على البحر.
خروجات ولحظات مليانة لعب ومرح وصداقات جديدة.
على مدار أيام المعسكر، كان في ضحك، وحكايات، ومشاعر اتقالت لأول مرة، وأفكار اتفهمت بشكل أعمق.
لحظات عرف فيها الأطفال إن كل شعور ليه معنى، وإن فهم مشاعرنا هو أول خطوة علشان نفهم نفسنا ونتعامل مع العالم حوالينا بشكل أفضل.
ولسه مكملين رحلتنا مع الأطفال،
عشان نساعدهم اكتر يسمعوا مشاعرهم، ويفهموها، ويعبروا عنها بثقة وأمان.
لأن كل طفل يستحق أنه يتسمع .
