اشْدُدْ أَزْرِي

Call Directions

اشْدُدْ أَزْرِي انت فاعل خير....كن بلسماً يُداوي الچروح هنساعدك ف اي شئ تحتاجه😊💟

24/10/2026

الصورة الي انتو اخدتوها عننا مكانتش بالساهل....ديه نتيجة سعي استمر لمدة ٦ سنين علشان بس اعمل شخصية منفصلة ومميزة ل كيان جديد
من اسهل الحاجات الي كان ممكن نعمل هي اننا نعلن عن اشدد ازري بوجودنا وظهورنا على السوشيال ميديا
والحقيقة ده كان امر سهل جدا...لكنه مكانش هيبني ل اشدد ازري كيان مختلف ومنفصل

انا مكنتش عايزاكم تعرفو اشدد ازري بوجودي ولا تربطو وجودي ب اشدد ازري
ويمكن ديه اكتر حاجة انا نجحت فيها وهي اني قدرت اعمل شخصية للكيان تميزه وتخليه مختلف تماما💙
والحقيقة ان الي عملته ساعدني اتطور لاني مربطتش ان اشدد ازري يكون شبهي
بل بقيت انا شبهه وبتعلم منه....وحاولت طول الوقت اخلي شخصيتنا مناسبة لمعنى اسمنا...
علشان كده عايزاكم تشجعو كيان اشدد ازري وتفتخروا بيه
مش مهم مين المؤسس مش مهم مين القائد
الاهم هو مين اشدد ازري وبيمثلكم ايه💙💙💙💙
اكتبولي في الكومنتس ايه الانطباع الي اخدتوه عننا لان ده هيساعدنا نشتغل افضل ونركز على جوانب اكتر...
دعمكم بيشجعنا نكمل...لكن بيساعد كيان اشدد ازري يوصل 💙💙💙💙💙💙💙
اشدد ازري كيان وشخصية وروح بتدعم وتساعد وبتحبكم كلكم💙
اشدد ازري مختلفة بذاتها ومميزة بمميزتها وديه اكتر حاجة انا فخورة بيها💙💙💙💙




للتواصل 01099874993

علطول بتسأل نفسك هو انا ازاي اكون مرتاح او مبسوط رغم كل المشاكل الي حواليا؟بتسأل نفسك دايما امتى هكون عارف ادير نفسي واف...
24/10/2026

علطول بتسأل نفسك هو انا ازاي اكون مرتاح او مبسوط رغم كل المشاكل الي حواليا؟
بتسأل نفسك دايما امتى هكون عارف ادير نفسي وافهم نفسي
والحقيقة ان ده كله بيبدأ من نقطة واحدة وهي نقطة اتزانك....
الحياة مليانة ضغوطات وفيها ابتلاءات مختلف
بس السؤال هنا ازاي اوصل لحالة الهدوء الي تخليني متقبل الحياة؟
وازاي احقق توازن في الحياة يخليني عارف اعيش
الاجابة في انك تلاقي نقطة توازنك...
وديه هتلاقيها اما تعرف ازاي تدير صحتك النفسية
وده هنتعلمه سوا في سيشن إدارة الصحة النفسية مع كوتش سارة أحمد
هنتكلم فيها عن
- ليه أحيانا أعرف الصح ومش قادرة أعمله؟
إزاي أتعامل مع مشاعري وقت الغضب والقلق والحزن بدل ما هي اللي تتحكم في؟
- ليه بحس إني لازم أثبت نفسي طول الوقت عشان أحس إني كفاية؟
- ليه برضي الآخرين على حساب نفسي وبخاف أحط حدود؟
- ليه بنتعلق أحيانا بأشخاص أو علاقات بتستنزفنا؟
- وإزاي أرجع لنفسي وأبدأ من جديد بعد الفشل أو الرفض أو الخذلان أو أي أزمة تهزني؟

السيشن يوم الجمعة الموافق 30\10\2026
السيشن للبنات فقط ومش عليك غير أنك تنضم ل الجروب علشان تلحق مكانك معانا
https://chat.whatsapp.com/LWQBc8RThDtGkit8HWDuxv?s=cl&p=a&mlu=0

أول طريق النجاح بيكون خطوة فاستمر!طيب عمرك فكرت إن الخطوة اللي إنت متردد تاخدها ومش عارف هتوصلك لفينممكن تكون هي نفسها ب...
20/10/2026

أول طريق النجاح بيكون خطوة فاستمر!

طيب عمرك فكرت إن الخطوة اللي إنت متردد تاخدها ومش عارف هتوصلك لفين
ممكن تكون هي نفسها بداية لحاجة كبيرة نفسك تحققها؟

أوقات بنفضل مستنيين اللحظة المناسبة وخايفين نبدأ عشان مش ضامنين النتيجة..
فنفضل مكاننا ومش عارفين نتحرك...
بس الحقيقة إنك مش هتعرف إنت قادر توصل لفين غير لما تبدأ بخطوة حقيقية
ومش كل طريق صعب معناه إنك ماشي غلط ولا كل تأخير معناه إنك فشلت....يمكن بس محتاج تحاول تاني؟
ومش لازم كل خطوة تاخدها تكون كبيرة ومش لازم تشوف نتيجتها علطول... يكفي إنك كل يوم بتحاول تقرب حتى لو بخطوة صغيرة من الشخص اللي نفسك تكونه والحياة اللي نفسك تعيشها..... 💙
ولو تعبت
ارتاح..
ولو وقعت
اتعلم وقوم تاني
مش مطلوب منك توصل بسرعة ولا تقارن بدايتك بنهاية طريق حد تاني كل اللي عليك إنك تدي لنفسك فرصة..وتكمل على قد ما تقدر...
وافتكر دايما إن أحلامك مش هتقرب منك بمجرد التفكير فيها لكن كل خطوة بتاخدها ناحيتها بتفرق.. حتى لو إنت لسه مش شايف النتيجة...
يلا قولولنا في الكومنتات ايه الخطوة الصغيرة الي تقدر تعملها النهارده وتكون بداية لحاجة نفسك تحققها؟
تم الكتابة بواسطة ايمان فتحي Eman Fathy
تم التصميم بواسطة تسنيم نصر الدين Tasneem Nasser
من ابطال اشدد ازري




للتواصل 01099874993

صلو وباركو وقولو ماشاء الله 🥰💙💙💙💙💙💙💙💙💙💙احلى فيدباك بناخده على شغلنا الي بيكون في اثر ايجابيوذكرى تفتكرونا بيها دايما ودع...
18/10/2026

صلو وباركو وقولو ماشاء الله 🥰💙💙💙💙💙💙💙💙💙💙
احلى فيدباك بناخده على شغلنا الي بيكون في
اثر ايجابي
وذكرى تفتكرونا بيها دايما
ودعوة جميلة من قلوبكم
عامتا انا الغرفة لا تسع اجنحتي من الرسالة القمر ديه🥰💙💙💙💙💙💙💙💙💙💙💙💙💙
شكرا ليكم الفيدباك الجميل بيساعدنا نكمل🥰💙💙💙💙💙💙💙




للتواصل 01099874993

المحاولات جزء أساسي في الرحلة وجزء من الشعور باللذة الحقيقية للنجاح....الإنسان اللي بيقع ويقوم من تاني هو اكتر واحد بيحس...
18/10/2026

المحاولات جزء أساسي في الرحلة وجزء من الشعور باللذة الحقيقية للنجاح....
الإنسان اللي بيقع ويقوم من تاني هو اكتر واحد بيحس بقيمة النجاح لما يحققه....
أنت بتحاول وبتسعى لكن ربنا بيكتبلك إمتى وإزاي هتوصل

بس خلينا نسأل نفسنا: هل كل الم في المحاولات نتيجته الوصول للهدف؟

أنت بتحدد هدفك وتتوقع إيه اللي هيحصل لما تبدأ في طريقك ولو قابلتك عقبات بتحاول لحد ما تتخطاها....
لكن ده مش كل حاجة... المحاولات ممكن تفتح قدامك طرق تانية ما كنتش تعرفها وممكن تكتشف حاجات عن نفسك ما كنتش هتعرفها غير بالتجربة
وممكن تكتشف إن فيه أهداف تانية مناسبة ليك أكتر من الهدف اللي كنت راسمه في خيالك....

فلو أنت حاولت وشايف إنك فشلت
فا أنت مش فاشل....أنت بس محتاج يكون عندك مرونة تتقبل طرق وأهداف تانية وتفهم نفسك أكتر من خلال رحلتك
لأن النجاح الحقيقي مش معناه إن المحاولات خلتني أوصل لهدفي وبس لكن معناه إني حاولت ووقعت وقمت وجربت حاجات جديدة واكتشفت حاجات عن نفسي وفتحت أبواب تانية في الحياة لحد ما وصلت وفهمت إن كل محاولة كان ليها قيمة حتى لو الطريق ما كانش زي ما أنا تخيلته من البداية....

وفي النهاية...افتكر إن ألم المحاولة مش دايمًا معناه إنك بتبعد عن النجاح...أحيانًا بيكون جزء من رحلتك لاكتشاف نفسك والطريق الأنسب ليك
لأنك من غير ما تحاول مش هتعرف قدراتك الحقيقية ومش هتعيش إحساس إنك سعيت واجتهدت واتعلمت لحد ما وصلت...

فما لم تتذوّق ألم المحاولة...لن تعرف حقًا طعم النجاح.....💙💙
تم الكتابة بواسطة مرام محمد Maram Mohamed
تم التصميم بواسطة بسملة أشرف بسمله أشرف
من ابطال اشدد ازري




للتواصل 01099874993

فى بنت من فترة مش بعيدة كانت بتسمع اغانى وبتلبس بناطيل ومش مهتمية بصلاتها لحد ما ربنا مَن عليها بالهداية وبدئت تتغير واح...
15/10/2026

فى بنت من فترة مش بعيدة كانت بتسمع اغانى وبتلبس بناطيل ومش مهتمية بصلاتها لحد ما ربنا مَن عليها بالهداية وبدئت تتغير واحدة واحدة وبقت اقرب لربنا وسابت حاجات كتير كانت متعلقة بيها عشان رضا ربها
لكن مع الوقت بدأت تبص لبنت تانيه بتعمل نفس الحاجات اللى كانت بتعملها زمان
وتقول جواها .."انا الحمد لله بقيت احسن منها "

إنتِ مش أحسن منها عشان ربنا هداكِ إنتِ ربنا مَنَّ عليكِ بالهداية…

"كذالك كنتم من قبل فمن الله عليكم"

ربنا قادر إنه يغير قلبك ويخليكِ ترجعي زي زمان
ربنا قادر يغير قلب أي بنت متبرجه ويهديها ويخليها أفضل منك

الواجب علينا لما نشوف بنت كدا نسأل الله الثبات لينا وندعي ليها بالهداية والصلاح.

تم التصميم بواسطة خلود ماهر Kholoud Maher
تم الكتابة بواسطة ملك شعبان Malak Shaban
من ابطال اشدد ازري 💙




للتواصل 01099874993

14/10/2026

صباح الخير 💙
بمناسبة الدراسة فا حبيت أفكر نفسي وافكركم اننا مطالبين بالسعي فقط 💙💙💙💙💙💙
السعي هو أهم جزء في رحلتك....فا لو وقفت تستنى النتيجة من غير ما تسعى هتخسر...
ولو سعيت وفضلت واقف مستني النتيجة هتخسر...

فقط عليك السعى والتوكل على الله والثقة بالله أولا ثم بأن أمر المؤمن كله خير لذلك تيقن أن ما يحدث سيكون الخير....
حينها سيهدأ عقلك ويستريح قلبك وتستطيع العيش بسلام وهدوء💙💙💙

صباحكم بطعم الرضا والتوكل على ربنا💙




للتواصل 01099874993

13/10/2026

جماعة ممكن احنا نستخدم ال ai وبلاش نخليه يستخدمنا بجد كفاية ai في رسايل انترفيو
كفاية ai في محادثات عادية جدا
كفاية ai في اي وقت واي حاجة
وبالله محدش يبعتلنا كلام جايبه من ال ai ويطلب مننا نساعده
طب هساعد مين او ازاي بجد انا كده باخد الصورة الي هو كونها عنك مش باخد كلامك
فا ارجوكمممممم كفاية ai في أساسيات حياتنا علشان الموضوع كبر😁😁😁😁😁😁😁

'علمك ثغرك وثغرك مقاومة'متخليش حاجه في الدنيا توقفك عن السعي لطلب العلمهو ثغرك الوحيد الي دايماً هيعود عليك بالنفعوبجد ا...
13/10/2026

'علمك ثغرك وثغرك مقاومة'
متخليش حاجه في الدنيا توقفك عن السعي لطلب العلم
هو ثغرك الوحيد الي دايماً هيعود عليك بالنفع
وبجد الموضوع محتاج طاقه وجهد وسعي كبييير اوي عشان تقدر توصل
ولما توصل هتحس انك لسه محتاج اكتر واكتر لان العلم مش بنشبع منه
هو الملاز دايماً لكل صعب وضيق بنواجهه
واحساس المعرفه شئ جميل ف متضيعش عليك الاحساس ده ❤️
فثق بالله وجدد النية وتوكل عليه
حتي لو كان الوقت متأخر فأن تأتي متأخراً خيراً من الا تأتي....
تم التصميم بواسطة ملك شعبان Malak Shaban
تم الكتابة بواسطة مودة احمد Mawada Ahmed
من أبطال أشدد أزري 💙




للتواصل 01099874993

اهم حاجة في الإدارة أنك متتعصبش وتفضل هادي طول الوقتفا لو تعرفو طريقة ارجع بيها باردة تاني قولولي علشان حبايبي ضايفين تا...
12/10/2026

اهم حاجة في الإدارة أنك متتعصبش وتفضل هادي طول الوقت
فا لو تعرفو طريقة ارجع بيها باردة تاني قولولي علشان حبايبي ضايفين تاسك على التاسك الاساسي وهو انهم يعصبوني 😂😂😂😂😂🙂🙂🙂🙂

Address

Giza

Telephone

+201099874993

Website

Alerts

Be the first to know and let us send you an email when اشْدُدْ أَزْرِي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category