23/06/2026
إذا شعرت أنك لست على ما يُرام فا كيف ستتصرف؟؟؟
من المشاكل الي بتواجهنا كلنا هي اننا في كل مشكلة بتقابلنا بنكتم مشاعرنا جوانا وده بينتج عنه تقلبات مزاجية مفاجأة
لو حسيت فجأة انك مش مرتاح او متعصب او مش فاهم مالك..
متقللش من الموقف ابدا...بل ادركه
لان في الحقيقة ده كبت إنفعالي يعني انت بتدافع من خلال دفن المشاعر ف عقلك اللاوعي
وده ليه اثار جانبية على الانسان
طب ازاي تقدر تحل ده؟
1- فرغ مشاعرك
- يعني أكتب اي حاجه تيجي ف بالك من غير ترتيب
متقيدش احساسك
2- فرغ طاقتك الداخلية
لان في ناس مننا بيكون غضبها على هيئة طاقة داخلية لما بنكتمها بينتج عنها اذى للنفس او للي حوالينا
بمعني الغضب والكبت والحزن كلها طاقه محبوسه ف عضلاتك قوم اعمل اي رياضه او اتمشى او مارس اي حاجة تخرج بيها طاقتك
3- تقبل مشاعرك
يعني تقبل الحزن أعرف انو موجود وتقبله مش تهرب منو
4- نظم افكارك
اعمل جدول فيه تلت خانات
الموقف ف الشعور ف الفكره
مثلا مكسل اذاكر ف أُحبط ف انا فاشل
اول ما تمسك الفكره هتمسك الحل
5.فضفضه علمية
اكتب 15 د لمده 4 ايام
وده بيقوي المناعه وبيقلل الارهاق حسب الدراسات
ابدأ بخطوة واحدة بس
متستناش تبقى جاهز عشان تتحرك وتبدء حتى لو 1%...
ده أحسن من الصفر
انت مش لوحدك إنت تستاهل ترتاح....
تم العمل بواسطة محمد خالد وعمرو اسلام من متدربين تيم اشدد ازري
محمد خالد
Amr Abo El Wafa
للتواصل 01099874993
